المحتوى الرئيسى

تليمة: هاتولي قيادي بالجماعة له أي إنجاز في تخصصه

09/18 07:51

تهكم الدكتور عصام تليمة - القيادي بجماعة الإخوان - بعض الذين يهاجموه بقولهم إن الجماعة هي التي صنعته ، مؤكدًا عدم حدوث هذا على الإطلاق .

وقال "تليمة" في تدوينة عبر حسابه بـ"فيس بوك" تحت عنولن "حول مقولة بعضهم: الجماعة هي اللي صنعتك": "كلما كتب أحد الإخوان نقدا لفعل أو تصريح لقيادة من قيادات الجماعة، تجد كلاما أرعن يكتبه بعضهم، ليقول لك: (الإخوان هم اللي عملوك، وهم اللي صنعوك)، طيب كلامك ده نناقشه بهدوء، صحيح في ناس عملتهم الجماعة، ولذلك لو فقد منصبه فيها سيكون نسيا منسيا، ومع احترامي لك، اقلب النموذج، بعض القيادات اللي بتدافع عنها لو سابوا مناصبهم، إيه اللي عندهم يقدموه للمجتمع، ولا للحياة، الناس تفتكرهم به؟ ولا حاجة، بدليل أتحداك انك تقولي تخصصاتهم ايه العلمية، وإيه منجزهم العلمي في تخصصهم؟ برضو ولا حاجة" حسب قوله.

وأضاف: "طيب نناقش كلامك على المستوى العلمي لمن ينقدون قيادات في الإخوان، وهاخد نفسي نموذج، ممكن حضرتك تقولي الإخوان كجماعة وتنظيم صنعت في إيه علميا؟ يعني خدتني ادتني دورة في الفقه والأصول وعلمتني أصول الإفتاء؟ محصلش. ادتني دورة في تحقيق النصوص، وكتابة البحوث العلمية والمقالات؟ برضو محصلش، طيب وهو انا معروف بين الناس وأهل العلم إلا بالأمور دي، يبقى ادي اول حاجة".

وتابع: "اتنين: هل القيادات والجماعة، حطت خطة فطلعتني وطلعت غيري للإعلام، لتكوين رموز شرعية وإعلامية وسياسية؟ برضو محصلش، كل دي اجتهادات فردية، وموهبة سعينا لتنميتها بعيدا عن التنظيم. بل بالعكس بعض القيادات استخدم نفوذه في عدم ظهورنا، أو حتى إفادة الصف الإخواني بما لدينا من علم وخبرة، ولو كان شغلنا عنده كان زماننا بره مؤسسته من الصبح".

واستدرك: "فضل الجماعة فضل معنوي، ناس بنحبها في الله، وبنخدم الإسلام عن طريقها، والجماعة فيها ناس بتحمل الدعوة، وناس بتحملها الدعوة، فيا ريت تميز بين اللي بيشيل بلاوي وأخطاء القيادات دي، ويجمل في الجماعة، وبين اللي موراهوش غير العك، واللي موراهوش غير التطبيل والتزمير للقيادات دي، لأن بقاءه مرهون ببقاء القيادة الفاشلة دي معاه. فبلاش تختزل الجماعة في ناس فشلة بننقدها، تقوم تنسب لها فضل الجماعة وكأننا عبيد إحسانهم، لا حضرتك هم اللي عبيد إحسان الجماعة مش احنا. وعايز تعرف قيمة الناس دي، تقمص شخصية مؤرخ هيكتب تاريخ الجماعة بإنصاف، بالله عليك هتكتب عنهم إيه؟ وكم سطر؟" حسب تساؤلاته.

وتابع: "الخلاصة: بلاش تعيش في دور القرعه اللي بتتباهى بشعر بنت اختها، لا انت صاحب فضل، ولا اللي بتدافع عنه، الدعوة مش بتاعتك عشان تختزل فضلها في حضرتك ولا حضرته، لأنك مش الدعوة يقينا، ولو الدعوة كانت أشخاصكم مكنش حد دخلها حضرتك، كانت زمانها خرابة بتعشش فيها غربان".

أهم أخبار متابعات

Comments

عاجل