عمرو واكد يرد على أقاويل سرقة فكرة فيلمه الجديد من هوليوود

رد الفنان عمرو واكد على أقاويل سرقة فكرة فيلمه الجديد "القرد بيتكلم" من الفيلم الأجنبي Now You See Me.

وقال في تغريدة عبر حسابه بموقع التدوين المصغر "تويتر": "معلومة بس عشان اللي بيحبوا يفتوا، أنا كمان بحب أفتي، استحالة تتفرج على نص دقيقة من أي حاجة فتؤكد إن اللي شفته ده هوهو ال٩٠ دقيقة بتوع فيلم تاني، بجد ما كانش حد غلب، كنا يعني عملنا الأفلام ٣٠ ثانية".

وأضاف: "وبعدين مش ممكن يكون الفيلم متاخد من فيلم تاني انت ما شوفتوش؟، ولا أنت عايز تقول إنك ماشوفتش غير الفيلم بتاع الكوتشينة والحاوي ده تحديدًا؟".

واختتم: "وأخيرًا وده المهم: مش كل حاجة حلوة لازم تبقى أكيد مش مصرية، يعني مش أي تيزر مصري حلو يبقى لازم يكون لفيلم سارقينه، احنا نقدر نستطيع على فكرة".

شاهد الفيديو التشويقي لفيلم القرد بيتكلم..

كان البعض أكد بعد طرح إعلان فيلم "القرد بيتكلم" أن فكرته مسروقة من الفيلم الأجنبي Now You See Me.

الفيلم من بطولة أحمد الفيشاوى، وعمرو واكد، وريهام حجاج، وسيد رجب، ومحمود الجندى، ورانيا شاهين، ومصطفى أبو سريع، وليلى عز العرب، وتميم عبده، ومن تأليف وإخراج بيتر ميمي، وإنتاج سيف عريبي.