اعرفي معانا 6 خدع موضة لو عملتيهم هيبينوكي اطول وارفع !

اكيد كل بنت بتتمنى تطلع دايما بشكل حلو وانيق وفي نفس الوقت تلبس على الموضة لكن المشكلة بتكون ان مش دايما الموضة بتليق على كل البنات ممكن نلبس حاجة تبينا اقصر او تبين جسمنا شكله اتخن, عشان كده احنا النهاردة هنقول لكل بنات حوا خدع بسيطة جدا لو عملتيهم هتتفادي بيهم اخطاء الموضة وهتبينك اطول وارفع وتطلعك بشكل انيق.طبعا من الحاجات اللي بتدي طول عو الكعب العالي لكن كمان اختيار لون الشوز مهم اوي وبيفرق جدا, يعني الالوان الطبيعية او المحايدة بتبين الرجل اطول لكن لو لبستي شوز اسود وبرقبة عالية هيبين شكل الرجل اقصر.بالنسبة للاكسسوارات متلبسيش الاكسسوارات القصيرة اوي او اللي بتكون على الرقبة على طول لانها هتبين الرقبة اتخن وهتبين شكل الجسم كله اتخن, عشان كده الافضل انك تختاري الاكسسوار الطويل.لو عايزة تلبسي لوك مقلم او مخطط بالعرض لازم تختاري اللوك بتاعك بعناية جدا لان اولا التقليم اللي بالعرض بيدي حجم اكبر للجسم وتاني حاجة مينفعش تلبسي على بلوزة مقلمة جيبة بردو مقلمة او قصيرة اوي فوق الركبة لانها هتبينك اقصر واتخن, لكن البسي بلوزة مقلمة وعليها جيب بلون تاني وتكون ميدي تحت الركبة اللوك كده هيكون احلى واشيك بكتير لانه هيحدد منطقة الوسط وهيبينك اطول.لما تلبسي البنطلون الجينز وخصوصا مع الكعب اعملي له تنيه من تحت لان الحركة دي بتبين الرجل اطول وكمان بتكون اشيك في اللبس, واختاري موديل الجينز الـ High-waist او الوسط العالي لانه بيدي طول اكتر من الموديل Low-waist.بالنسبة للشنطة المناسبة للبنات القصيرين هي اللي بيكون حجمها صغير وايديها طويلة.شوفي من هنا ازاي تختاري الشنطة المناسبة على حسب لبسك وشكل جسمكالبنطونات البالازو من الموديلات اللي بتدي طول وفي نفس الوقت بتداري الكعب العالي وهتبين طولك طبيعي, واختاري منه الموديل الـ High-waist وممكن تلبسي معاه توب قصير هيدي لوك حلو واستايلش اوي, ولو هتلبسي عليه بلوفر او بلوزة الافضل انك تدخليها من قدام في البنطلون او لو عايزة تسيبيها ممكن تلبسي عليها حزام رفيع, والخدعة دي هتعمل تناسق في الجسم ما بين الجزء اللي فوق والجزء اللي تحت وهتبين رجلك اطول.الجيبات الصك من اكتر الموديلات اللي بتدي حجم اصغر واطول للجسم , وممكن تنسقي معاها توب قصير او بلوزة او قميص بس دخليه جوه الجيبة عشان هيديكي شكل انحف للجسم وطول اكتر.شوفي من هنا اشكال الجيب المختلفة وازاي تلبسي كل استايل بطريقة صحالبلوزات الطويلة اللي بتكون جامعة ما بين البلوزة والدريس من الحاجات اللي طالعة موضة اوي وعشان تلبسيها بطريقة صح ويطلع اللوك حلو افضل حاجة انك تلبسي عليها حزام عشان تحددي منطقة الوسط, ولو الكم طويل ممكن نتنيه لحد الكوع  ده انسب طول للتنيه عشان تدي لوك اطول.