تامر السعيد: عرض "آخر أيام المدينة" للجمهور المصري كان حلم صناع الفيلم

عبر المخرج تامر السعيد عن سعادته بمشاركة فيلمه الروائي الطويل "آخر أيام المدينة"، في المسابقة الدولية ضمن فعاليات الدورة الـ38 من مهرجان القاهرة السينمائي الدولي، المقام في الفترة من 15 إلى 24 نوفمبر المقبل.

وعلق السعيد، عبر حسابه الرسمي على "فيس بوك"، قائلًا: "كل مرة كان (آخر أيام المدينة) بيتعرض في مكان ما في العالم، أكيد كنت بأكون سعيد جدا إن الفيلم بيقابل جمهور جديد وبيتفاعل معاه، بس السعادة دي كانت دايما ناقصة لأن الفيلم ماتعرضش في مصر للجمهور المصري، الحلم بلحظة عرض الفيلم في بلادنا هو اللي إدانا كلنا القوة إننا نكمل رحلة السنين الطويلة والصعبة لصناعته".

وأضاف المخرج: "اللحظة دي قربت وأنا طاير من السعادة، فأخيرا الفيلم راجع لأهله وناسه اللي مافارقوش خيالنا طول سنين صناعته ومن أول يوم اتعرض فيه في برلين، عندي ثقة مطلقة إن مهرجان القاهرة هو البداية، وإن الفيلم بدعمكم ومساندتكم هيلاقي حياته في دور العرض في مصر وكل بلادنا العربية، أكيد بأشكر مهرجان القاهرة على اختياره وامتناني عمره ماهيخلص لكل رفقاء الرحلة وكل الناس الحلوين اللي ساندتنا ودعمتنا، مافيش كلام يوفيكم حقكم لأنه لولا كل واحد فيكم ماكانش ممكن فيلمنا يتولد".