'الميدترم' يشعل ثورة على 'فيسبوك'.. أولياء الأمور لوزير التعليم :'حسبنا الله ونعم الوكيل 'سلمتنا تسليم أهالي للمدرسين..هاتدمر حياتنا

اشعل قرار وزارة التربية والتعليم بإلغاء امتحان منتصف الفصل الدراسى (الميدترم)، واستبداله بثلاثة امتحانات لكل فصل دراسى بواقع امتحان لكل شهر وتخصيص 40% من الدرجة الكلية لأعمال السنة، و60% للامتحان التحريرى فى نهاية الفصل الدراسى موقع التواصل الاجتماعى "فيسبوك"..وجاءت اغلب تعليقات اولياء الامور غاضبة للغاية ..ونستعرض في التقرير التالي معظم تلك التعليقات.

في البداية علقت"odja asfour " احدى اولياء الامور قائلة .. دى كارثة اللى بيحصل ده 40% فى ايد المدرس دى مهزلة وكدة الدروس الخصوصية هتزيد.

فيما قالت " she moh " حسبى الله ونعم الوكيل يارب انت على كل ظالم يا رب وده منتهى الظلم احنا معاكوا واللى يحصل يحصل يارب انتقم من كل واحد مشارك فى الظلم.

بينما قالت " marwa ahmed" لا ونسيتوا حاجه مهمه اوي كمان في القرار غير المدروس بالمره ده ان الامتحانات حتكون من الموجهين وليس من داخل المدرسة يعني الله أعلم بشكل الإمتحان و المصيبه الاكبر ان اولادنا حيفضلوا ماسكين الكتاب طووووول السنه مذاكره وامتحانات الشهر ×ديل الشهر اللي وراه والله البلد كل حاجه فيها بقت زفت.

وقالت " ياسمين عزو " هو بيعاقب مين احنا ولا الاولاد.

وقالت "mona eid " " أين أنت ياريس حرام كده كفايه علينا مش عارفين هانلاقيها منين ولا منين..وقالت "dina abdo" حسبى الله ونعم الوكيل هوكدة أصلح التعليم ووقف الدروس الخصوصيه..وقالت rehab mohamed " " حسبى الله ونعم الوكيل تعبنا والله.

وقالت sara tawfek " " الوزاره دى مغيبه مافيا الدروس الخصوصية هي اللى مشغلها بجد انا بقه عندى رعب اسمه عام دراسى ودراسه منه لله حولو حياتنا لمرار ودمار ربنا ينتقم منهم.

وقالت " ام محمد " حسبنا الله و نعم الوكيل العيال اتعقدت وكرهت المدارس وكرهتنا المناهج والمدرسين بيتنططوا علينا في الدروس.

وقالت tuty raafat " " ربنا ينتقم منهم انا ناقصة استغلال للمدرسين والدروس الخصوصية والمدرسة ولا بنستفيد منها حاجة وحاجة تقرف.

اما " omhosam shalaby " فقالت "مافيش سياسة تعليمية واضحة كل واحد يجي يلغي قرار اللي قبله.

" noha nabil " موافقين على 3 امتحانات بس ما نزاكرهمش تانى طالما هيدخلوا فى المجموع ده حقنا.

ثانيا فين الوقت لكده لما نمتحن 3 مرات يعنى 3 اسابيع و اكتر ضايعين فى الامتحانات من غير شرح و حتى لو في شرح فى اسابيع الامتحان ما بنبقاش مركزين فيها ونخرج من الامتحانات نلاقى اتكوم علينا كميه مهوله فحرام احنا كده احنا والولاد هنموت من القهر.

وقالت " wafaa aly " الله ينتقم منكوا بجد امتحانات شهريه ايه حرام والله.وقالت " mido lord " يعني ايه نمتحن 8 مرات وبعدين نمتحن تاني الكتاب كله يالهوووووووووي على التفكير العقيم وبعدين الحل ايه .حسبنا الله ونعم الوكيل لازم وقفة وصرخة يسمعونا منهم لله بينكدوا علينا قبل الدراسة وقبل العيد كمان ..حسبنا الله ونعم الوكيل في التعليم العقيم يعني اللي عاوز يعلم ولاده تعليم صح يروح فين منه لله.

وقالت حنان فضلون " اقتل الطفل واصنع نفسك حسبي الله ونعم الوكيل".

وقالت " janet anies " انت كده بتحطنا رسمي تحت ضرس مدرس الفصل بتسلمنا لهم تسليم اهالي مش عاجبنا ومعترضيييييين.

وقال " ehab ezzat " هو فيه مدرسين بتشرح اصلا خلى الدروس الخصوصيه ترعرع حسبنا الله ونعم الوكيل يعنى العيل يفضل طول السنه فى ضغط حرام وتحت رحمة مدرس الفصل اللى اصلا ما بيشرحشي.

وقالت " enas hamed " صراحة انا ما اتفاجئتش خالص الناس دي طول عمرها في وادي واحنا في وادي بجد الصبر من عندك يا رب.

وقالت " amera deraz " منهم لله كرهتونا في التعليم وعقدتونا احنا وولادنا عشان في النهاية عيالنا ميجبوش مجاميع ويرحو الجامعات الخاصه اللي تبعهم بردو.

فيما قالت " lpbna emam " " هو احنا كنا بنقوله يلغى الميد ترم كنا بنقول عايزين اللى امتحنا فيه فى الميد ترم مانمتحنش فيه تانى فى نص السنه او اخر السنه.كده هنفضل طول السنه فى امتحانات و مضغوطين اكتر من الاول.

واقترحت " mariam r.el sawy "ممكن حل ظريف اوي نمتحن كل شهر ويتشال من علي الاولاد من المذاكره افتكر ان ده حل كويس اتمني ان ده يتحقق زي المدارس ناشونال.

وقالت " selvya " "المشكلة مش في الامتحانات .. المشكلة الاساسية في كمية الدروس اللي في المناهج .. المناهج الكبيرة هي اللي بتخلي المدرس يكروت في الحصة وتشجعه يدي دروس عشان المنهج كبير .. ما احنا كنا بنمتحن امتحانات شهر بس المناهج كانت قليلة .. يا ريت نركز على اساس المشكلة وهي المناهج.

وقالت " sahar tawfek " احسن حل لان الدوله مش مستحمله نزول وقفات اننا نعمل إضراب عن العام الدراسى بحد لازم يرجعوا مناهج زمان مش صعبه دى ونرتاح من الدروس وولادنا يعرفوا يذكروا ويفهموا بدل الحفظ ده وعدم الفهم والمناهج العقيمه وزى باقى الدول اللى نمتحن فيه يتلغى من المنهج ما نمتحنش فيه تانى ويكون بعض الواد قائمه ع البحث مش الامتحانات ده لو عايز يقلد دوله عدله مش عامل نظام يزود الدروس الخصوصية ويخلى المدرسين ماسكينا من رقبنا ويحول حياتنا جحيم.

وقال " ekramy hussien " يا جماعه حرام كده يرحمو العيال شويه كده طول السنه هيبقا فى امتحانات وضغط نفسى وارف لينا وللاولاد.

وقالت " rasha fwzy "و الله احنا تعبنا منهم يعنى احنا أولياء الأمور إلى بنذاكر مع ولادنا وشيفين قدراتهم وشايفين مستوى المدرسين وساكتين على كل دة وبنطلب حق بسيط من حقوقنا على الدولة وهو تعديل المنهج ليتماشى مع قدرة المدرس على توصيل المعلومة يبقى هو ده الرد الوزير حط ايده فى ايد المدرس عشان يقتلوا ولى الأمر ارحمونا بقى.

وقالت " janat anies " الحل بقي خفض اعمال السنه اللي ايد المدرس ودرجات اعمال السنه من الامتحانات الشهريه ...طبعا مش حتعملها لانك مشجعه علي الدروس من قلوبنا.

وقالت " zahra atef " بس الامتحانات الشهرية نظام احسن كتير من الميد ترم لان المذاكرة هاتكون اول باول فبالتالى الموضوع هايكون اسهل فى امتحانات نصف السنة و اخر السنة و مش هايلغى اليوم زى امتحانات الميد ترم.

وقالت " yousra nassar " بجد الاهالى تعبت والولاد كمان حضرتك كدا زودت الاعباء والضغط النفسى والمادى على الاسره كلها ... يعنى الولاد مضغوطين بدل مرتين فى الترم بقوا 4 .. ونفس الحشو ونفس المناهج البشعه ... ايه وجهه نظركم فى القرار دا بجد مش قادره افهم ... حسبى الله ونعم الوكيل فيكم.