#الشعب_بيقولك_ارحل: كيف تطورت الهتافات المصرية مند ثورة يناير؟

نشط البارحة في مصر هاشتاغ #الشعب_بيقولك_ارحل، مطالباً السيسي بالتنحي، في وقت يتم الحديث عن ترشحه لولاية ثانية. بدأت الثورة المصرية بهتافات حماسية شقت سكون ميادين مصر، وأخذت في التصاعد والتطور عبر الاحداث حتى وصلت إلى ما وصلت إليه اليوم. نستعرض هنا الهتافات منذ ثورة يناير 2011 حتى يومنا هذا.

بدأت الثورة المصرية بمطالبات بإصلاحات جذرية، من ضمنها محاربة الفساد والتوريث، ولكن مع تزايد العنف من قبل النظام، تصاعدت المطالبات حتى اسقاط الرئيس حسني مبارك، واستمرت هذه الهتافات منذ 25 يناير وحتى جمعة الغضب 28 يناير:

مش هانخاف مش هانطاطي إحنا كرهنا الصوت الواطي.

يا حرية فينك فينك… أمن الدولة بينا وبينك.

علي وعلي وعلي الصوت... اللي بيهتف مش هايموت.

ثوره ثوره حتی النصر ثورة في كل شوارع مصر.

يا أهالينا يا أهالينا.. يا أهالينا ضموا علينا.

متعبناش متعبناش... الحرية مش ببلاش.

مصر يا أم ولادك أهم.

متر مدينتي بنص جنيه وكيلو القوطة بعشرة جنيه.

يا دبورة ونسر وكاب... إحنا شعبك مش الإرهاب.

حسني مبارك بره بره... قبل ما تقلب تبقى ثورة.

سوزان مبارك... باطل... جمال مبارك... باطل... علاء مبارك... باطل... فتحي سرور... باطل... حبيب العادلي... باطل... أحمد عز... باطل... إلخ

يا شهيد نام واتهنى... مبارك فنار وانت فجنة.

بعد جمعة الغضب وانهيار الداخلية وموقعة الجمل، تطورت الهتافات وبدأت في التأكيد على الاعتصام حتى رحيل مبارك، مع رفض تعيين أحمد شفيق رئيساً للوزراء وعمر سليمان نائباً لرئيس الجمهورية. وكانت أبرز الهتافات:

يا مبارك صحي النوم... النهاردة آخر يوم.

إرحل يعني إمشى ياللى ما بتفهمشي.

أمشیي بقی یا عم... خلي عندك دم.

ارحل يا مبارك... السعودية في انتظارك.

يا سليمان يا سليمان... يا عميل الأمريكان.

يا سليمان يا سليمان... مش عاوزينك انت كمان.

بن علي بيناديك... فندق جدة مستنيك.

شلنا مبارك جابوا شفيق... إحنا زهقنا من التلزيق.

يا مبارك يا طيار... جبت منين 70 مليار.

سنة حلوة يا جميل... سنة حلوة يا جميل... 30 سنة سرقة... والسنة دي الرحيل.

حكومة هشك بشك... الجيش هو الي يمسك.

ومع تولي المجلس العسكري للسلطة، وتباطؤ إجراءات محاكمة رموز النظام السابق وتحقيق مطالب الثورة، بدأت الخلافات مع الثوار في التصاعد، ونتج عنها الكثير من الاشتباكات التي سقط فيها العديد من الضحايا، منها حادثة ماسبيرو، ومحمد محمود ومجلس الوزراء. انتهت هذه الفترة بإجراء انتخابات ديمقراطية تولى على إثرها الرئيس محمد مرسي السلطة، ممثلاً لجماعة الإخوان المسلمين. وكانت ابرز هتافات المرحلة:

الشعب يريد محاكمة حسني مبارك.

يا نجيب حقهم يا نموت زيهم.

المشير بيهيس... عاوز يبقى ريس.

الشعب يريد تنفيذ شرع الله.

يا طنطاوي ليه مش سامع... الكنيسة زي الجامع.

قتلوا خالد قتلوا مينا.. كل رصاصة بتقوينا.

في أي شرع وفي أي دين .. سفك دماء المسيحين.

الاسفلت بيصرخ ليه؟ دم ابني سار عليه.

اقتل اقتل ذبح فينا... كنيسيتنا جوة عنينا.

قايم نايم في التحرير... الإسفلت عملته سرير... كنت بقول ارحل يا مبارك دلوقتي ارحل يا مشير.

إيدي النور يا بهية…كل العسكر حرامية.

تمثيليه تمثيليه… والعصابه هي هي.

شيلنا مبارك جابو مشير… يادي النيلة مفيش تغيير.

اكتب على حيط الزنزانه… حكم العسكر عار وخيانه.

اضربونا في الشوارع... صوتنا لسه طالع... اسحلونا في الشوارع... صوتنا برده طالع

سامع أم شهيد بتنادي... كلاب العسكر قتلوا ولادي.

ساكت ساكت ساكت ليه؟ أخدت حقك واللا إيه؟

ثورة يعني عيشة هنية... مش محاكمة عسكرية.

علي في سور السجن وعلي.. بكرة الثورة تقوم ما تخلي... علي وعلي وعلي كمان.. الثورة لسه في الميدان.

الداخلية هي هي... لسة برده بلطجية.

متعبناش متعبناش... يا ثورة كاملة يا إما بلاش.

قالوا ثورة وقالوا تغيير... شالوا مبارك وجابوا مشير.

سايب لنا بلطجية... ورايح يكشف على العذرية.

الي بيهتف مش فنجري... لا لا للحكم العسكري.

احنا الشعب الخط الأحمر... يسقط يسقط حكم العسكر.

قول متخافشي المجلس لازم يمشي.

فاز الرئيس محمد مرسي بالانتخابات، لكن سرعان ما بدأ يخسر مؤيديه من الثوار نظراً لما تضمنه الإعلان الدستوري الجديد، واعتماده إجراءات رأوا فيها محاولة لتمكين جماعة الإخوان المسلمين وإقامة دولة دينية، بينما رأى مؤيدو جماعة الإخوان المسلمين أن النظام السابق يعمل على ثورة مضادة تهدف لاسقاط ثورة يناير بكل رموزها وإعادة النظام القديم. شهدت هذه المرحلة اشتباكات بين مؤيدي الطرفين، وكانت أبرز هتافات المرحلة ضد الرئيس المعزول محمد مرسي:

بيع بيع بيع... الثورة يا بديع.

احنا شباب اسكندرية .. عاوزينها دولة مدنية.

طول ما الدم المصري رخيص... يسقط يسقط أي رئيس.

شيكا شيكا يا ولد... دمك بيحرر بلد.

دب برجلك طلع نار... إحنا الثوار الاحرار.

واحد اثنين... أهداف الثورة فين؟

اقفل ع الحرية الباب... مرشد عار ورئيس كداب.

ديكتاتور ديكتاتور وانت يا مرسي عليك الدور.

لا لمبارك أب وإبن .. لا للعجلة والاستبن.

أول يوم قطعولنا النور، التانية طبخوا الدستور، التالتة في الاتحادية، خبوا سلاح في الجلابية.

قامت ثوره من سنتين... ركبوا عليها باسم الدين.

انزل يا سيسي... مرسي مش رئيسي.

عبد الناصر قالها زمان... الإخوان ملهومش أمان.

إرحل يا خروف إعمل معروف .. إرحل يا جبان .. الشعب اتهان.

كدابين كدابين... ولا إخوان ولا مسلمين... ضحكوا علينا باسم الدين.

ياللا يا مسلم قول للقبطي... نفس مصيبتك هي مصيبتي.

بص شوف الثورة يا خروف.

قول متخافشي... المرشد لازم يمشي.

عقب إعلان 3 يوليو الذي أعلن فيه السيسي إيقاف العمل بالدستور وعزل الرئيس محمد مرسي، بدأ أنصار الرئيس المعزول في الاحتشاد في ميادين رابعة العدوية والنهضة، واستمرت التظاهرات المعارضة حتى بعد فض الاعتصامين وسقوط آلاف الضحايا. وبالرغم من أن جماعة الإخوان المسلمين تعتبر من أكبر معارضي السيسي في هذه المرحلة، إلا أن الآونة الأخيرة شهدت تزايداً كبيراً في عدد معارضيه من حركات مثل الاشتراكيين الثوريين وحركة 6 ابريل وحزب الدستور، وعدد من الناشطين، خاصة بعد التخلي عن جزيرتي تيران وصنافير للسعودية.

يادي العار يادي العار... الفلول عاملين ثوار.

إسلامية إسلامية رغم أنف العلمانية.

يوم الجمعة العصر... مرسي راجع القصر.

سيسي ياخاين إصحى وفوق .. مرسى رئيسك بالصندوق.

ياللي وفقتوا ع التفويض... فى ارقابكو دم الشهيد.

سيسي ياخاين ياغدار .....تفرق إيه عن بشار.

سيسي يا سيسي يا كلب مبارك... الإعدام ف انتظارك.

قالوا علينا خلايا إرهاب... وإحنا جيران الباب ف الباب.

مصر ميحكمهاش سفاح... يسقط يسقط عب فتاح.

سيسي سيسي سيسي إيه... اتخن منه ودوسنا عليه.

السيسي لغى الدستور... وجبلي ريس طرطور.

30 يونيو انقلاب... ثورة إيه ياكداب.

اقتل واحد اقتل مية... مش هتبقى عسكرية.

هما معاهم ضرب النار... واحنا معانا عزيز جبار… هما معاهم تليفزيون... احنا معانا رب الكون... هما معاهم الإعلام... احنا معانا عزيز منان

من اسوان لاسكندرية... مرسي رئيس الجمهورية.

دول بلطجية (تمرد) ضد الشرعية تمرد) حصروا الجوامع (تمرد) ضربوا الراكع (تمرد).

ياريسنا معاك على طول... ضد عصابة الفلول.