Shake 2 safety ارسلي استغاثة بهزة موبايل

انتشرت الحكايات على صفحات الجرائد والسوشيال ميديا بتنبه السيدات والفتيات وبتعرفهم على طرق الخطف الجديدة والتي يبتكرها المخططفون في كل يوم عشان ينجحوا في خطف بنت جديدة. الرعب بيتسرب لقلوبنا كل يوم بسبب الأخبار دي وبنخاف على نفسنا وعلى بناتنا وكل البنات. مش عارفين نعمل ايه؟ وبنفكر كتير ناخد بالنا ازاي.

من ضمن الحكايات المنتشرة الأيام دي؛ حكاية البنت اللي بتكون واقفه منتظرة لوسيلة مواصلات تركبها وبتيجي واحده تقولها شوفي اللي على كتفك وتمسح بإيدها على كتفها تلاقي مادة شمعية زي الكريم وأول ما تشمها تبدأ تشعر بعدم الإتزان وتفقد الوعي. فيه بنات نجيوا من المكيدة دي بأكتر من طريقة، لكن اكثرها بتعتمد على مساعدة الغير.

Shake 2 safety أو رُجْيِه وكوني ف آمان..  ده اسم الآبليكيشن الجديد الذي تم تداوله في الآونة الأخيرة على موبايلات الأندرويد واللي السبب الرئيسي في ظهوره هو الحديث الواسع عن حالات الإختطاف للبنات وتنوع وابتكار طرق جديدة للخطف. من هنا ظهرت الحاجة لوسيلة تنبه بيها البنت أحد أقاربها بسرعة.

ألابليكيشن ده بيرسل رسالة نصية SMS  او يجري مكالمة هاتفية لرقم أو اكثر من اختيارِك إنتِ والرسالة بتكون في شكل استغاثة، وده بمجرد ما تهزي الجهاز أو تضغطي على زر التشغيل Power button  أربع مرات متتالية. وبكده البنت تقدر تستغيث بدون تنبيه الشخص الخاطف.

المزايا اللي بيحققها الآبليكيشن Shake 2 safety إنه:

-         يعمل حتى لو الشاشة مغلقة برقمها السري

-         يعمل حتى في حالة عدم اتصال هاتفك بالإنترنت

-         لا يحتاج إلى تسجيل دخول أو فتح الآبليكيشن

-         اختاري رقم يكون هو رقم الطواريء ليكي

-         اختاري إما ارسال رسالة او الإتصال بالشخص صاحب الرقم الذي تم اختياره أو الخاصيتين معا.

-         الأبليكيشن ممكن يبعت اللوكيشن اللي انتِ فيه.

-         اضبطي الحساسية للإهتزاز بين 10 و 25 لتجنب الإتصال في حالة اهتزاز الموبايل لأي سبب آخر عن غير قصد. فالحساسية على الوضع 5 تعني انه عالي الحساسية وسوف يقوم بالاتصال من اقل اهتزاز، أما الوضع 100 فيعني انه منخفض الحساسية للإهتزاز