إيه الآثار الجانبية للستيرويد على جسمك يا فورما؟

 الآثار الجانبية للستيرويد على جسمك يا فورما 

كتير من الفورما اللي بتتمرن لفترات طويلة بتحلم بجسم قوي و متقسم, و في منهم بيفكر أكيد في كورسات الستيرويد (الهرمونات) للتضخيم او التنشيف و إزاي ممكن تغير شكل جسمهم تماماً. الحقيقة ان الكورسات دي ليها أثآر جانبية مؤذية جدا علي الجسم و كمان على المخ! لكن, في إشاعات كتيرة إنتشرت حول إستخدام الهرمونات المصنعة في الوسط الرياضي و هل هو مفيد فعلاً و لا مضر.

(الأول عايزين نوضح معني كورسات الستيرويد (الهرمونات

من المفترض ان كورسات الستيرويد بتستخدم كعلاج طبي, لكن بتستخدم في بعض الدول عالمياً كمكمل غذائي.في الحقيقة هي نوع من أنواع الأدوية اللي بيدخل فيها تركيبات كيميائية و يجب تناولها بحذر. كورس الستيرويد بيحتوي على هرمونات مصنعة زي هرمون الذكورة اللي بيٌنتج طبيعيا في الخصيتين "التستوستيرون" و الهرمونات المشتقة منه. في المقال ده هنوضح بعض المفاهيم و الإشاعات الموجودة حول كورسات الستيرويد او الهرمونات 

الستيرويد بيقلل نسبة الكوليسترول الجيد في الدم.

صح , حقن الجسم بالهرمونات زي هرمون التستوستيرون بيزيد خطر الإصابة بأمراض القلب عن طريق انه بيقلل الكوليسترول الجيد في الدم المسئول عن صحة القلب. و ده ممكن يحصل نتيجة ان الهرمون بيقلل عملية الهدم و البناء (التمثيل الغذائي) داخل الكبد. الستيرويد بيسبب برضو تجلط الدم , السكتة الدماغية نتيجة نقص تدفق الدم للمخ و الفشل الكبدي.

الستيرويد بيسبب تدمير عظام الفخذ.

صح , الستيرويد بيسبب إصابة مفاجأة لعظمة الفخذ و بتتسمي علمياً "تنخر العظام اللاوعائي" لرأس عظمة الفخذ. المرض ده بيحصل نتيجة لتوقف وصول الدم لعظام الفخذ اللي بيسببه المستويات العالية للتستوستيرون.

صح, الستيرويد بيزود مستويات التستوستيرون في الجسم وده بيسبب توقف إنتاج الهرمون طبيعياً و بالتالي بيؤدي لإنكماش حجم الخصيتين. حقن الستيرويد بيجبر هرمونات الجسم تكون في حالة ماقبل سن البلوغ يعني مستويات قليلة جدا من التستوستيرون الطبيعي.

 حجم الخصيتين هيرجع للحجم الطبيعي بعد ما توقف الستيرويد- 

غلط , بعد ما تاخد الستيرويد جسمك بيحتاج وقت عشان يرجع لحالته الطبيعية و يفرز التستوستيرون الطبيعي. الفورما اللي بياخدوا الستيرويد لفترات طويلة, ممكن يعانوا من مستويات منخفضة في التستوستيرون و ده بيسبب العجز الجنسي

صح, الفورما اللي بتاخد كميات كبيرة من التستوستيرون بيسبب نمو في أنسجة الثدي اللي بتتسمى "التثدي" و "آلآم بالثدي". الحالة دي بتحصل لأن جزء من هرمون التستوستيرون بيتحول لهرمون الإستروجين (هرمون الأنوثة), و لما التستوستيرون بيزيد عن معدله الطبيعي, في كمية أكبر هتتحول للإستروجين و تسبب نمو الثدي.

صح , زي ما قولنا إن الستيرويد بيقلل مستويات إنتاج هرمون التستوستيرون الطبيعي في الجسم و بيسبب إنكماش في حجم الخصيتين, و بالتالي بيأثر على عدد إنتاج الحيونات المنوية. الجسم بيفرز طيبعيا مستويات عالية من هرمون الأندروجين في الخصيتين و اللي مسئول عن إنتاج الحيوانات المنوية. لما تبدأ تاخد الستيرويد, الأندروجين مستوياته بتنخفض و بالتالي بيقل عدد الحيوانات المنوية

الستيرويد بيأثر على حجم القضيب-

غلط , دي شائعة منتشرة بين الفورما و هي غلط تماما. الستيرويد مش بيأثر على حجم القضيب. حجم القضيب بيعتمد فقط على إفراز الهرمونات الطبيعية في الجسم

الفورما اللي كانوا بيستخدموا الستيرويد عندهم مشكلة في الإنتصاب-

صح , الفورما اللي كانوا بيحقنوا ستيرويد و وقفوا هيكونوا محتاجين وقت عشان مستويات التستوستيرون ترجع لطبيعتها و ده هيسبب عدم القدرة على الإنتصاب أثناء العلاقة الجنسية. لكن, الفورما اللي لسه بياخدوا الستيرويد مش هيكون عندهم المشكلة دي.

أي نوع من الستيرويد هيقوم بالمهمة المطلوبة-

غلط , إستخدام الستيرويد أصلا خطر جداً و بيأثر على الصحة الإنجابية و صحة القلب و صحة الهرمونات. للأسف كورسات الستيرويد بتندرج تحت المكملات الغذائية مش تحت العقاقير بالرغم من إحتوائها على مواد كيميائية. الستيرويد زي الاندروستيرون بيتباع على نطاق واسع بدون رقابة

أحيانا, الصلع ممكن يحصل أسرع من العادي بسبب الخلل الهرموني الموجود في الجسم عن طريق الستيرويد بجانب ظهور حبوب الوجهة. الصلع ممكن يحصل لو عندك حساسية من التستوستيرون و عندك قابلية للصلع لوجود عوامل وراثية

الفورما اللي بتستخدم الستيرويد يقدروا يمنعوا الإنتاج الزائد لهرمون الإستروجين-

ممكن لكن في مخاطر, بعض مستخدمي الستيرويد بيحصل عندهم إرتفاع في مستويات هرمون الإستروجين, في فورما بتتجه إنهم ياخدوا كورس علاجي عشان يوقفوا إنتاج هرمون الإستروجين تماماً, الكورس ده عبارة عن مثبطات الهرمونات. لكن الكورس ده خطر جدا لانه بيستخدم للسيدات اللي بيتعالجوا من سرطان الثدي و سرطان المبيض و ليه آثار جانبية شديدة على المفاصل و العضلات, فقدان الرغبة الجنسية, فقدان في كثافة العظام اللي بيأدي لمرض هشاشة العظام

الفورما اللي بتستخدم الستيرويد يقدروا يسيطروا على الآثار الجانبية عن طريق هرمون HCG-

ممكن لكن في مخاطر, بعض مستخدمي الستيرويد بيحاولوا يسيطروا على الآثار الجانبية اللي بيسببها عن طريق حقن هرمون (HCG) او هرمون الغدد التناسلية المشيمية اللي بيفرز طبيعيا عند السيدات أثناء الحمل. إستخدام الهرمون ده بيحفز انتاج التستوستيرون بنسب عالية جدا و ده بيسبب مشاكل للقلب و الأوعية الدموية زي ما قلنا. و فوق كده, إستخدام محفزات الغدد التناسلية بشكل مستمر بيأدي لأمراض و مشاكل كبيرة

 "roid rage"الستيرويد بيسبب تقلبات مزاجية اللي بتتسمى-