غضب بين رواد النادي الاجتماعي باستاد المنصورة بعد إصابة طفلة بماس كهربائي وتكرار حوادث السرقة

سادت حالة من الغضب بين أعضاء النادي الاجتماعي، باستاد المنصورة الرياضي، بعد إصابة طفلة أمس الأحد نتيجة وجود ماس كهربائي بسور النادي الداخلي، بجانب زيادة عدد السرقات للأعضاء.

اختفاء "روحية" بعد 15 يوماً من الزواج بكفر الشيخ وأسرتها تطالب الشرطة بالبحث عنها خوفاً علي حياتها

مأساة فايزة وأخواتها فوق السحاب.. قائمة ممنوعات ومصادر شُبهة تثير غضب أمن الطائرات

عامل يتعدى جنسيًا على مريضة داخل حمام العناية المركزة بمستشفى التأمين الصحي بمدينة نصر

كانت الطفلة رودينا محمد، تعرضت للصعق بالكهرباء أثناء ملامستها لسور النادي الحديدي الملاصق لمنطقة الألعاب الخاصة بالأطفال، وتم نقلها وإسعافها، وطالبت أسرتها بمحاسبة المسئولين، مؤكدين أن ما حدث إهمال لا يمكن السكوت عليه ودعوا لوقفة وتجمع لأعضاء النادي للتضرر من الحوادث الأخيرة والمطالبة بوضع حد لها.

وقالت والدة الطفلة التي تعرضت للصعق "للأسف طلبنا النجدة محدش جه يعاين الواقعة ولا حد عبرنا وقعدنا أكثر من ساعة ولما والدها راح قسم الشرطة اتقاله البنت كويسة خلاص احمد ربنا".

وتوالت الشكاوى عقب الحادث فقالت يسرا عوض "كمان في صالة الجمباز حائط فيه مكان كهربا مكشوف والأطفال مفروض أنهم بيرفعوا رجليهم عليه ياريت حد يشوف لها حل".

وعلق مجدي عبد الغني "من أول ما مجلس الإدارة استلم النادي حصل مشكلة والدنيا اتقلبت عشان كان في عمود السلك فيه عريان في حديقة الطفل احنا كده مش حاسين بالأمان على ولادنا".

وأضافت رحاب الخولي "للأسف النادي زحمة جدا وده طبعا بسبب العضويات الجديدة واللي كتير منها غير لائق بالمكان، دا غير الكهربا اللي بيطفوها من قبل 11 والمكان يبقي كله ضلمة، وخناقات الشباب، والدخول بدون كارنيهات فيه فوضى لازم ليها حلول جذرية".