نصايح وقواعد فن الأتيكيت في العلاقات والحب .. اعرفيهم

قواعد فن الأتيكيت في العلاقات والحب بتعتبر مهمة جدا خصوصا فى الاول لانه الانطباع لاول هو اللى بيدوم و بيبقى مؤثر جدا فى علاقتك قدام، علشان كده بنحتاج دايما فى اول العلاقة اننا نبيبن احلى ما فينا مش علشان نثبت حاجه و لكن لانه فى اول العلاقة بيكون ضرورى اننا نكون صريحين و نبين الصفات الكويسة الللى فينا ونصيحتنا ليكي انه مش بس في أول العلاقة لكن دايما خلي الصفات ديه موجودة فيكي وخليها فكراها، علشان كده مهم جدا بالنسبة لاى بنت خصوصا لو داخل فى ارتباط او علاقة جديدة انها تكون عارفة قواعد فن الأتيكيت في العلاقات وازاى تتصرف خصوصا لو فى اول مرة تتقابلوا او تخرجوا سوا . اعرفى معانا فى المقال ده اهم قواعد فن الأتيكيت في العلاقات والحب ..من اهم قواعد فن الأتيكيت في العلاقات والحب انك توصلى دايما فى ميعادك بالضبط لو متفقين انكم تتقابلوا او تخرجوا ، و لو حصلت اى حاجه وعطلتك وهتتأخرى اكتر من 10 دقايق ابعتى رساله قولى فيها انك هتتأخرى شوية ، لما بتتأخرى على ميعادك شريكك بيحس انك اهملتيه او انك مش مهتمة .حاولى وانتى قاعدة مع شريكك انك ماتمسكيش التليفون طالما مفيش حاجه مهمة اوى ، لانه كل مرة تمسكى التليفون علشان تردى على مكالمة او تبعتى رسالة او تشوفى notification  بتوصلى احساس انه فى حاجات تانية اهم من ميعادك اواهم من الشخص اللى انتى قاعدة معاه.فى اول العلاقات خصوصا لو اول مرة تخرجوا سوا او تقعدوا لوحدكم مع بعض دايما هيبقى فى لحظات محرجة تبقوا مش عارفين فيها تتكلموا فى ايه ، احسن حاجه تعمليها علشان تتجنبوا الاحراج ده هى انك تعترفى بيه زى انك تقولى ” ايه ده احنا مش لاقيين حاجه نقولها ! ” ، او مثلا تقولى ” ايه الاحراج اللى احنا فيه ده ” ، او اى جملة تشوفيها مناسبة . الحركة دى هتبقى لطيفة جدا منك و كمان هتخلى في بينكم رابط و هتخلق موضوع تتكلموا فيه .اول ميعاد ليكم سوا تتقابلوا فيه لوحدكم هو الوقت المناسب علشان تتكلموا عن توقعاتكم ومستنيين ايه من بعض، استغلى فرصة انكم قاعدين سوا لاول مرة و اتكلمى بصراحة عن الحاجات اللى انتى مستنياها تكون فى العلاقة علشان بعد كده كل حاجه تكون واضحة و تعرفى بالضبط هو كمان عايز ايه ومستنى ايه منك .اول ميعاد بينكم سوا هو انسب وقت علشان تتكلمى بوضوح عن ظروفك ، بتشتغلى ايه و شغلك مهم بالنسبة لك ولا لا ، وضعك المادى ، وضعك العائلى واى ظروف ممكن يكون ليها تأثير على علاقتكم ، و شجعيه هو كمان انه يتكلم بصراحة عن ظروفه لانها هتحدد بشكل كبير مستقبل علاقتكم . الصراحة فى الاول هتوفر عليكم تعب و مشاكل كتير فى المستقبل .طبعا مهم جدا انه يبقى ليكى معايير او حاجات معينة حابه انها تكون فى الراجل اللى هترتبطى بيه ، بس كمان خاولى تكونى متفهمة و متحكميش عليه بسرعة ، علشان كده لو فى اول مقابلة ليكم لاحظتى انه ذوقه فى اللبس مثلا مش عاجبك او طريقة معينة فى الكلام متصرفيش نظر عنه بسرعة لان اللقاءات الاولى بتبقى دايما محرجه فممكن يكون متوتر علشان كده لازم تديله فرصة تانية و متحكميش عليه بسرعة .من خلال عينيكى الشخص اللى قدامك يقدر يعرف ان كنتى مهتمة بيه ولا لا ، علشان كده لو معجبة بيه و شايفه انه فى فرصة علاقتكم تنجح حاولى تعملى eye contact دايما ، و لو انتى من البنات اللى مبيقدروش يعملوا ده حاولى تقوليله بصراحة انك معجبة بيه او انك شايفه انه في فرصة لعلاقتكم انها تستمر .واحدة من اهم قواعد فن الأتيكيت في العلاقات والحب  انه حتى لو بيتكلم فى موضوع انتى مش مهتمة بيه او شايفاه ممل حاولى دايما تبانى مهتمة و انك تسمعى للى بيقوله . الاسئله هتفتح بينكم حوار مشترك تتكلموا فيه ، لانه لو هو بس اللى بيتكلم و انتى ساكتة و مفيش رد فعل من عندك الحوار هيبقى تدريجيا ممل و الكلام هيخلص ، علشان كده حاولى دايما توجهى اسئلة  عنه و عن اهتماماته و شوفى ان كان هيجاوب عليها و يبقى صريح معاكى ولا لا . حتى لو انتى مش مهتمة او حابه كل حاجه بيتكلم فيها حاولى تتقبلى اهتماماته على قد ما تقدرى ، لانك مش هتقدرى تتعرفى عليه كويس لو مكنتيش متفهمه و تقبلتيه زى ماهو ، علشان كده اديله دايما الفرصة انه يكلمك براحته عن اهتماماته او آرائه فى الموضوعات المختلفة . لانه حتى لو انتوا الاتنين مختلفين عن بعض ممكن علاقتكم تنجح .رغم اننا قلنا انه مهم انك تبقى متفهمة ليه على قد ما تقدرى لكن كمان مهم بالنسبة لك انك تفضلى قريبة من الـ comfort zone بتاعتك ، علشان كده لو اقترح عليكى حاجه معينة او موضوع معين انتى مبتحبيهوش  و معندكيش استعداد تتكلمى فيه ارفضى و غيرى الموضوع، و حاولى على قد ما تقدرى تبعدى عن الحاجات اللى ممكن تخليكى متوترة او مش مرتاحة .لو حسيتى انه بيتعدى حدوده او بدأ يتكلم فى حاجات بتعتبريها شخصية جدا و مينفعش تتكلمى فيها خدة موقف واضح بأنه انك مش مرتاحة او مش موافقة على كده ، انتى معندكيش حاجه تخسريها ولو هو بيتعدى حدوده يبقى كده كده مفيش مستقبل ليكم مع بعض . واحدة من اهم قواعد فن الأتيكيت في العلاقات والحب انه  لو كنتى ارتبطتى قبل كده او عندك علاقة قديمة متتكلميش عنها كتير ، لكن لو سألك جاوبيه  و خليكى صريحة على قد ما تقدرى بس من غير ما تدخلى اوى فى التفاصيل . و لو هو بيحكيلك عن علاقة او ارتباط قديم خليكى مبتسمة و متفهمة  و حاولى تسمعيله .لو كنتى مش مستعدة او جاهزة تدخلى فى ارتباط او علاقة جديدة خصوصا لو لسه خارجة من تجربة فاشلة خليكى صريحة معاه خصوصا لو حسيتى انه معجب بيكى او انه جاهز لارتباط رسمى و جاد . لو كنتوا بتتكلموا فى موضع و حسيتى انه بيحكم عليكى او مش عاجبه وجهة نظرك او آرائك ، ماتحسسيش نفسك انك مضطرة تبررى او تشرحيله . آرائك ملكك و انتى مش مضطرة انك تغيريها او تناقشيها .لو شريكك عزم انه هو اللى يدفع الفاتورة سيبيه يدفعها ، لكن انتى لو شايفة انك تدفعى الفاتورة او نصيبك منها و هو رفض لما عرضتى عليه يبقى سيبيه يدفع هو و ماتصمميش انك انتى اللى تدفعى من باب الذوق .دى حياتك و انتى اللى بتتحكمى فى وقتك ، علشان كده لو حسيتى انك عايزة تمشي بدرى او انه جه الوقت انك تروحى  خصوصا لو حسيتى انه القعدة مالهاش لازمة او انه مفيش ليكم مستقبل مع بعض متتحرجيش من انك تقوليله . وقت ما تحسيى انك عايزة تمشي قوليله و امشى .