دهب.. "حتة القلب الرايقة أم 15 جنيه يوميًّا" 

" ممكن تكون امكانياتها شبه مناطق تانية كتير في سيناء، ولكن روح دهب مختلفة تماماً، أقدر أقول إني تقريباً لفيت سيناء كاملة شمالاً وجنوباً وشرقاً وغربا ولكن تبقي دهب "قطعة القلب المفضلة"، أكثر سبب ممكن يميزها بعد كم المزارات اللي فيها وجمالها الطبيعي يبقي الروح الموجودة هناك، الهدوء والروقان اللي مش هتلاقيه في حتة تانية"!

هكذا بدأ الكاتب محمد نبيل ومؤسس صفحة Rove egypt الحديث عن دهب، الذي قام بزيارتها 38 مرة، ضمن سفرياته المختلفة كمحب للسفر، ورغبته دائماً أن يقوم بتشجيع الشباب على السفر واكتشاف جمال مصر.

دهب، مدينة عشاق السحر والجمال والبساطة والهدوء، ومكان رائع لمحبي الغطس، والتصوير، والاستمتاع بمناظر الجبال، هناك عدة أماكن خلابة تستطيع الاستمتاع بها وقضاء وقت لا ينسي. مثل البلوهول، أو الثري بولز ورأس أبو جالوم. لا ينصح نبيل باصطحاب الأطفال إلى هناك، وإذا ارادت عائلة الاستمتاع مع أطفالها، قد يكون الأنسب النزول في فندق به حمام سباحة، ولكن بشكل عام الموضوع غير ممتع بشكل كبير للأطفال.

من مميزات دهب هي التنوع في كل شيء، أي شيء تحتاجه ستجده هناك وبأسعار مناسبة، اختيارات الاكل متنوعة وجميلة ورخيصة، ويوجد كل المستويات، لذلك في دهب لا ترهق نفسك في البحث عن فندق خمس نجوم أو تسأل عن جودة الاكل، اعتبر الفنادق هناك للنوم فقط، وإنزل واستمتع بجمال مدينة دهب وجرب المطاعم هناك، وحسب وصف نبيل " الصبح انزل وخد قرص طعمية سخن وشوية بطاطس، مع الفول حكااية"، أو جرب الجيرمان بيكري هناك واستمتع بالفطار المميز مع القهوة والنسكافية قدام البحر".

إيه أحسن فنادق في دهب؟

تحديد الفندق يكون حسب الميزانية، ويقول لنا نبيل " حسب الميزانية تتحدد أفضل الأماكن يعني أنا خلال ال٣٨ مرة اللي روحت فيهم دهب عديت علي أغلب مستويات الفنادق من أول الغرفة اللي ب١٥ جنية في اليوم إلي اللي ب٧٠٠. وأنا ارشح النزول في أماكن زي (سيفن هيفن، ميرامار، بنجوين، بدوين دايفرز، ودولفين، وسندباد، رينج للغرف بيتفاوت من حوالي ٥٠ جنيه فيما فوق. ميزة تلك الأماكن هي الجودة المحترمة بالأضافة إلى أنها رخيصة، وكما ذكرنا الفنادق هناك للنوم فقط.

ويضيف نبيل"الميزة في الاماكن دي إن أغلب backpackers وهما المسافرين المعتمدين علي الميزانيات المنخفضة،  بيروحوا الأماكن دي بتبقي فرصة حلوة لو الشباب اتعرفوا عليهم هناك وكل واحد يحكي تجربة في السفر وكله يتعلم من خبرة الثاني"

ويرشح لنا نبيل فنادق مميزة أخرى تقع قلب مدينة دهب مثل : شمس، ديارنا، كريسيتنا، نسيمة، وهناك فنادق تقع خارج المدينة وميزتها هي وجود شاطيء خاص بالفندق مثل (سويس إن، هيلتون، ميريديان).

قبل قرار السفر إلى أي مكان، نقوم دائماً بالتفكير في الميزانية والتي تشمل الانتقالات، والإقامة، والترفيه، ولتحديد ميزانية السفر إلى دهب، قال نبيل يمكن تحديد ميزانية 600 جنيه وتشمل الأتي:

- تذكرة السفر "رايح جاي من الترجمان- العباسية-ألماظة ب٢٠٠ جنيه".

- أول لما توصل دهب هتلاقي فى المحطة تاكسيات علي هيئة عربيات هتوصلك للمدينة، والفندق، لاتدفع أكثر من  أكثر من 5 جنيه للفرد وكمان 5 وأنت راجع.

- داخل المدينة لن تحتاج للمواصلات.

- زي ما اتفقنا فيه مجموعة فنادق سعر الغرفة فيها من ٣٠ جنية حتي ١٥٠، وكل فئة حسب إمكانيات الغرفة والفطار، وافتكر إن فائدة الغرفة الوحيدة أنك هتنام فيها بليل وفر يعني ، يعني لو أخدنا حاجة فى الوسط غرفة ب50 في 3 أيام يعني 150 جنيه.

* بعد السكن والمواصلات بقينا 360 جنيه.

- بالنسبة للفسح أجمل مكان لازم تروحه في دهب منطقة اسمها البلوهول هتدفع بين ٢٥-٥٠ حسب السنوركلينج اللي هتأجره. وهتروح بجمل ولا عربية، وكمان هتلاقي مناطق كتير مش هتصدق من جمالها أنها في مصر زي محمية أبو جلوم والثري بولز وجبل موسي ودير سانت كاثرين والكالور كانيون.

- خد بالك انا مجبتش سيرة الغطس علشان لو عايز تغطس هتدفع أكثر من ٥٠٠ جنيه لأن تكلفة الغطسة هناك في حدود ٢٥٠ جنيه.

- بالنسبة للأكل تقريبا نفس اسعار القاهرة في كل حاجة يعني ممكن تجيب أكله تشبعك ب٣٥ جنيه فيها ربع فرخة وشوربة وأرز وسلطة وعيش وزود بفلوسك بقي.

على الفيس بوك يوجد مئات العروض للسفر إلى دهب، عن كيفية الاختيار بينهم أو معرفة الخدع التي يقوم بها شركات السياحة يقول نبيل "ساعات جودة الفندق تكون سئية مقارنة بالتكلفة، في تكاليف بتبقي مايعة مش باين هي مشمولة ولا لأ، وبعدين تكتشف انك هتدفعها هناك زي ايجار عدة السنوركلينج مثلاً.  وكمان وقت الغطس  لازم ما يقلش عن نص ساعة علشان يبقي تمن تكلفة الغطسة مناسب مع سعرها، جودة الاكل في العشاء البدوي مثلاً وساعات شركات السياحة بتزود في أسعار الرحلات الاختيارية، لذلك ينصح نبيل بالبحث أكثر عن أسعار الأنشطة والسؤال عن كل التفاصيل قبل اختيار أحد العروض.

ولرحلة مميزة، لا تفوت زيارة هذه الأماكن:

أجمل مكان للغطس، والسنوركولينج في مصر، وأكبر ثاني مكان في العالم للغطس، والذي يجذب الكثير من الغطاسين من جميع أنحاء العالم،  عمق البلوهول اكثر من ١١٠ متر ١١٠ متر من جمال للشعاب المرجانية والثروة السمكية.

 وادي جُني وهو وادي في قلب الجبل عبارة عن واحة صغيرة تجد فيها خضرة ونخل ومياه في حضن الجبل.

منطقة الcaves منطقة رائعة للسنوركلينج، والمميز فيها وجود الشعاب المرجانية تحت الشاطيء مباشرة.

6- جبل موسى وسانت كاترين: