المحتوى الرئيسى

النجار لـ"المطبلاتية": "كفاكم انحطاطًا"

07/31 12:02

استنكر الدكتور مصطفى النجار، قيام البعض -الذين وصفهم بـ"المطبلاتية "-  بتحميل الشعب مسئولية التدهور الاقتصادى وانهيار قيمة الجنيه أمام الدولار وتوبيخ الشعب على قيامه بثورة يناير بعد أن كان "الدولار" بـ"5 جنيهات ونصف" فى عهد مبارك، حيث قال: "الموضة الجديدة إن المطبلاتية والذيول قرروا يحملوا الشعب مسئولية انهيار الجنيه والفشل الاقتصادي ويشتموه ويقولوا له: أنت السبب فى كل ده؟ عملت ليه ثورة على مبارك اللى كان مخلى الدولار بخمسة جنيه ونصف؟ وكان فى عهده نمو اقتصادى كبير؟ تستاهل يا شعب محدش قالك تعمل ثورة!".

وكتب النجار عبر صفحته على موقع التواصل الاجتماعى "فيس بوك": "فى وسط الأزمة الاقتصادية الخانقة والانهيار الاقتصادى وهبوط الجنيه مفروض المطبلاتية ياخدوا جنب ويسكتوا بعد ما باعوا للناس الأوهام والدجل بتاع المشروعات اللى بتدخل مئات المليارات، وعن مصر اللى بقت قد الدنيا وعن الإنجازات اللى مش ملاحقين عليها وأذهلت العالم! لكن للأسف البجاحة والسماجة ليها ناسها!، مش كدا وبس اللزجين كمان بيقولوا لك إن الثورة فى مصر تسببت فى إسقاط الدول التى كانت تفتح أبوابها للعمالة المصرية فى ليبيا واليمن والعراق وسوريا، وإن ده حرم مصر من العملات الأجنبية!، الحقيقة دي قفزة أسطورية تستاهل الواحد يخرج عن صمته ووقاره ويقول للأشكال دى: كفاية وساخة وانحطاطا!".

وأضاف: "روحوا لوموا اللي قاعدين تطبلوا ليهم واسألوهم مصر ليه مبقتش قد الدنيا؟ روحوا اسألوا الناس اللي بتحكم وقالت إنها عندها الرؤية السليمة لإخراج مصر من كبوتها فكانت النتيجة إننا دخلنا في كبوة أشد عمقًا وبؤسًا خلت الناس تحن للماضي بكل ما كان فيه من سوء، روحوا اسألوهم – زى الشاويش عبد المعطى فى فيلم إحنا بتوع الأوتوبيس – وقولوا لهم: إحنا حبسنا كل الناس الوحشين طيب ليه مصر ما انتصرتش واتهزمنا؟.

أهم أخبار مصر

Comments

عاجل