31 نصيحة لتخسيس الوزن في الصيف

في فصل الصيف بشكل خاص كلنا بنبقى عايزين يبقى شكلنا حلو ومستعدين للمصيف بجسم رشيق, عشان كده احنا النهاردة جايبين لكم مجموعة نصايح من الخبراء والمتخصصين عشان نوصل لجسم حلو ومثالي ومش بس كده النصايح كمان هتساعدنا اننا نحافظ على صحتنا ونقدر نستمتع بالصيف.اول واهم نصيحة اننا ناخد كفايتنا من النوم, المفروض اننا ننام تقريبا كل يوم 7 ساعات, لان المتخصصين بيأكدوا ان قلة النوم بتسبب الشعور بالجوع وبتزود هرمونات بناء الدهون, لما ننام ساعات قليلة او مناخدش كفايتنا من النوم ده بيحفز الجسم على زيادة انتاج هرمون جريلين والهرمون ده منبه للشهية, وبيزود الرغبة في اكل الكربوهيدرات وده بيسبب زيادة سريعة في نسبة السكر وبالتالي نسبة الانسولين بترتفع ود بيأدي لزيادة تخزين الدهون والشعور بالجوع وخصوصا فترة بالليل وبالتالي ده بيزود وزننا, عشان كده لازم ننام كويس كل يوم عشان نتفادى كل المشاكل دي.في نوعين من البكتيريا بكتيريا نافعة وبكتيريا ضارة, البكتيريا النافعة دي اللي بتفيد المعدة ومافيش منها اي ضرر, لكن البكتيريا الضارة دي اللي لازم نتجنبها لانها بتسبب زيادة الوزن والبكتيريا دي موجودة في السكر, والجلوتين, ومنتجات الالبان, لو تجنبنا اكل الحاجات دي ده هيساعد على فقدان الوزن وكمان هيعالج اي ضرر في المعدة.يمكن تكون النصيحة دي غريبة وتشوفوا انها ملهاش علاقة بالتخسيس لكن المتخصصين بينصحوا اننا ناكل وجبة خفيفة في العشا يكون فيها بروتين ودهون صحية وتكون بطيئة الهضم وبعدها نغسل سنانا عشان لو حسينا بجوع او مش قادرين نقاوم رغبتنا في الاكل نفتكر اننا غسلنا سنانا فمناكلش او نكسل ناكل عشان منغسلش سنانا تاني يمكن تكون النصيحة لما نقولها كده اسهل من تنفيذها لكن هي وسيلة صحية وفعالة.الدراسات اكدت ان الاكل بشكل بطيء وندغ الاكل كويس ده بيخليكي تحسي بالشبع اكتر عن لو كلتي بسرعة, عشان كده المتخصصين بينصحوا اننا ندرب نفسنا على الاكل ببطء وندغ الاكل بشكل كويس جدا لان ده هيدي شعور بامتلاء المعدة بسرعة وبالتالي هتاخدي كمية سعرات حرارية اقل وده هيساعد على تقليل الوزن.النصيحة دي يمكن تكون غريبة وجديدة لان خبراء التغذية والدراسات اثبتت ان حجم ولون الطبق اللي بناكل فيه ممكن يتحكم في شهيتنا ويخلينا ناكل اكتر او اقل, وقالوا لو حجم الطبق كبير ولون الاكل مطابق للون الطبق ده هيخلينا ناكل اكتر, عشان كده بينصحوا اننا ناكل في طبق حجمه صغير ويكون لون الاكل مش متطابق مع لون الطبق, واكدت نفس الدراسات دي ان انسب لون للطبق عشان نتحكم في شهيتنا هو اللون الازرق.في طرق تانية طبية للتخلص من الدهون غير الرجيمات والانظمة الغذائية وفي نفس الوقت بعيدة عن العمليات الجراحية, وهي حقن الجسم بحمض الـ Deoxycholic الحمض ده بيساعد على تذويب الدهون, بس الطريقة دي بتستخدم لو عندك دهون في اماكن صغيرة  زي دهون تحت الدقن, او الرقبة, او دهون الصدر, والركبتين, وممكن الحقن ده يسبب تورم بسيط بياخد من اسبوع لاسبوعين وبعد كده بيروح والنتايج بتبدأ تظهر بعد من 4 لـ 6 اسابيع, وطبعا العلاج ده محتاج اشراف طبي والدكتور هو اللي بيحدده.احسبي سعراتك الحرارية اللي المفروض جسمك يحصل عليها, ودلوقتي في تطبيقات كتيرعلى الموبايل تقدري تحسبي عن طريقها السعرات الحرارية المناسبة ليكي حسب وزنك وطولك, نزليه على موبايلك هيسهل عليكي الموضوع جدا.ممكن تجربوا تطبيق Calorie Counter & Diet Tracker by MyFitnessPal, او تطبيق Lose It! – Weight Loss Program and Calorie Counter.متخصصين التغذية بيأكدوا ان طريقة الاكل قدام المرايا وانك تشوفي نفسك وانتي بتاكلي ده ممكن يساعد على انقاص الوزن لانه هيخليكي تفكري وانتي بتبصي لنفسك انك عايزة تحافظي على جسمك شكله حلو ورشيق وبالتالي هتقدري تتحكمي في نفسك.مهم جدا اننا نختار المناسب لينا سواء من الانظمة الغذائية او الرياضة لاننا ممكن نمشي على نظام ومنلقيش نتيجة ونقول احنا مش بنخس ليه وده سببه بيبقى اننا بنختار نظام مش مناسب لينا وبالتالي مش بنحس باي نتيجة, عشان كده لازم نختار الحاجة المناسبة اللي نمشي عليها عشان تجيب معانا نتيجة فعالة ومرضية.المتخصصين بيأكدوا ان شرب كمية كفاية من المية يوميا ده من افضل الحاجات الفعالة لفقدان وتنظيم الوزن, لان المية بتساعد في عملية التمثيل الغذائي اللي بيحرق السعرات الحرارية في الجسم, عشان كده لازم نشرب على الاقل 8 كوبايات مية في اليوم.شوفي من هنا طريقة هتساعدك على خسارة 4 كيلو بشرب المية بس!الدهون الصحية من الحاجات اللي بتساعد على تغيير الكيميا الحيوية وتنشيط انزيمات حرق الدهون في الجسم, والدهون الصحية دي هتلاقوها موجودة في زيت جوز الهند, وزيت الزيتون, والافوكادو, والمكسرات, والاكلات اللي فيها اوميجا3 زي التونة والسلمون.اعرفي من هنا ازاي اكل الدهون يخليكي اذكى !كلي الاكلات الغنية بالبروبيوتيك زي الزبادي, والمخلل, لان الدراسات اثبتت ان المادة دي بتساعد على فقدان الوزن ومش بس كده كمان بتقوي جهاز المناعة وبتتحكم في الحالة المزاجية وبتخليكي مبسوطة اكتر.لو انتي مكتفية بممارسة الرياضة في البيت بس على جهاز المشي مثلا او بس الحاجات البسيطة حاولي انك تزودي من النشاط الرياضي بتاعك وتمارسي حاجات اكتر واقوى عشان تساعدك على حرق سعرات حرارية اكتر زي مثلا المشي او الجري او ممكن تجمعي بين المشي والجري مع بعض عشان تحرقي سعرات اكتر واسرع.من اكتر الحاجات الفعالة اللي بتساعد على انقاص الوزن هي اكل الخضار الطازة بشكل يومي وخصوصا الخضار اللي لونه اخضر زي البروكلي او السبانخ, وده مش هيساعد بس على انقاص الوزن لكن هيحسن من صحتك جدا, عشان كده لازم تدخلي الخضار في نظامك الغذائي بشكل يومي.نط الحبل من الرياضات الفعالة جدا في حرق السعرات الحرارية, ودي رياضة بسيطة ومش محتاجة مكان عشان تمارسيها فيه يعني ممكن تعمليها في البيت بكل سهولة.المواد الحيوية دي اللي موجودة في اكلات زي الثوم, والبصل, والطماطم, والعسل الابيض, والاكلات دي بتغذي البكتيريا المفيدة في المعدة وبالتالي ده بيساعد على انقاص الوزن.لما تحطي جدول لاكلاتك ونظامك الغذائي بشكل اسبوعي وتبقي منظمة نفسك وجايبة كل حاجة لزماكي ده هيخليكي تمشي على اي نظام غذائي بسهولة وتلتزمي بيه ومتكسليش انك تستمري.متروحيش تشتري لوازم البيت من السوبر ماركت وانتي جعانة ! لان ده هيخلي نفسك تروح على حاجات كتير تشتريها وهيخليكي تشتري الاكلات اللي مش ضرورية والغير صحية اللي هتسبب زيادة الوزن, عشان كده الخبراء بينصحوا انك قبل ما تنزلي حاجاتك كلي موزة او تفاحة عشان تملي معدتك بحاجة صحية.حاولي تغيري بين فترة والتانية ومارسي انواع جديدة من الانشطة الرياضية, زي الرقص مثلا, او فنون الدفاع عن النفس, والرياضات دي غير انها بتحرق السعرات الحرارية ممتعة ومبهجة جدا وبتغير المود وهتحسي دايما بمود ايجابي وان جسمك نشيط وصحي.اعرفوا من هنا ايه هي رقصة الزومبا وفوايدها للجسم ؟المغذيات الكثيفة بتساعد على تغذية الدماغ بعدد اقل من السعرات الحرارية, لان الخبراء بيقولوا ان الدماغ بتحس بالجوع  قبل المعدة يعني هي اللي بتدي اشارة للمعدة بالجوع ولو اكلنا الدماغ الاول ده هيدي شعور بالارتياح للجسم وهيساعد على الحصول على وزن صحي, والمغذيات الكثيفة دي هنلاقيها في اكلات زي اللفت, وبلح البحر, وسمك السلمون, والزبادي, وبذور او لب القرع.الكربوهيدرات من الحاجات اللي بتزود الوزن بشكل سريع والكربوهيدرات موجودة بشكل كبير في المشروبات الغازية والدقيق الابيض والحاجات دي مش بتزود الوزن بس كمان بتأثؤ بشكل سلبي على الصحة, عشان كده لو شيلتي الكربوهيدرات من نظامك الغذائي ده هيساعد على فقدان الوزن بشكل اكبر.دخلي البروتين في نظامك الغذائي لان الجسم بيحتاج جهد عشان يهضم البروتين وبالتالي ده بيساعد على حرق سعرات حرارية اكبر, وخبراء التغذية بينصحوا بتناول من 25 لــ 35 جرام من البروتين في كل وجبة يوميا عشان جسمك يقدر يستفاد بيها قبل ما تتخزن على شكل دهون, وعلى مدار اليوم لازم الجسم ياخد من 100 لــ 120 جرام من البروتين عشان يساعد على انقاص الوزن ويحافظ على العضلات في نفس الوقت.من اكتر الغلطات اللي بنعملها اننا ناكل واحنا ماسكين الموبايل ومشغولين فيه او واحنا بنتفرج على التليفزيون او قدام اللاب توب وده بيخلينا ناكل كميات اكل كتير من غير ما نحس, عشان كده وانتي بتاكلي ابعدي عن اي حاجة ممكن تشغلك وتخليكي تاكلي كتير.ابعدي عن الوجبات السريعة والحلويات وكلي الاكل الصحي المفيد زي الخضار, والسمك, والفراخ, والسلطة, والفاكهة لان ده هيساعدك على انقاص الوزن اسرع.الافضل انك تتابعي مع دكتور تغذية يساعدك اكتر انك تمشي على النظام الغذائي الصح اللي يناسبك عشان توصلي للنتيجة اللي انتي عايزاها.لو عايزة تخسي وتوصلي لجسم رشيق ومثالي حددي هدفك وحددي انتي عايزة تخسي كام كيلو في الشهر مثلا واتحدي نفسك عشان توصلي لهدفك ده وتحققيه التحفيز ده هيساعدك انك تنتظمي في النظام الغذائي والرياضة عشان تخسي.متفطريش يومين في الاسبوع ووقفي الاكل بعد الساعة 7, وده هيخلي الجسم صايم عن الاكل تقريبا من 14 لــ 16 ساعة وده هيساعد على خفض مستويات الانسولين وبالتالي ده هيزود نسبة حرق الدهون في الجسم.من الحاجات اللي ممكن تكون غريبة لكن الخبراء اكدوا انها فعالة هو انك تشمي الاكل لان ده بيخدع المخ ويديه اشارة غلط انه وصله اكل من الريحة بس وبالتالي ده بيقلل من الرغبة في الاكل .حاولي انك تخلي دايما في التلاجة مخزون من الاكل الصحي زي الخضار والفاكهة عشان تبقى قدامك باستمرار, ولو حسيتي بالجوع ممكن تاكلي وجبة خفيفة من الخضار او الفاكهة بدل الحاجات اللي ممكن تزود وزنك.ممكن تاخدي فيتامينات عشن تعوضي اي نقص فيتامينات عندك وكمان هتوفر لك المواد الغذائية الصحيحة وده هيقلل من رغبة الجسم لاكل الاطعمة الغير صحية وهتدي طاقة للجسم تخليكي نشيطة وتلعبي رياضة اكتر.كلي في اضاءة قوية عشان تبقي شايفة كمية الاكل اللي بتاكليها, لو كلتي في مكان في اضاءة قليلة ده ممكن يخليكي تاكلي كمية اكل اكبر, عشان كده الافضل اننا ناكل في مكان في اضاءة قوية ونكون شايفين احنا بناكل ايه.