بالفيديو.. وصلة سخرية من «رامز» ضد مريهان حسين على الهواء

بدأ الفنان رامز جلال حلقته من برنامج «رامز بيلعب بالنار» بوصلة سخرية و«قلش» على ضحيته اليوم مريهان حسين أثناء تجهيزه لتنفيذ مقلب البرنامج، بقوله «اعزائي المشاهدين من كازابلانكا المغربية عروس شمال من قلب المعركة والمحرقة ننقل لكم عملية تحميص الفنانة مريهان حسين».

وغنى «رامز» مقدم برنامج «رامز يلعب بالنار» على قناة «إم بي سي مصر»، ساخرًا من ضحيته قائلا: «بالولعة والنار هنكمل المشوار، وربنا يستر ومتتاخر علينا علشان دي لو وقفتها لجنة في الطريق هتبقي ليلة سودا، وهي عاملة تسريحة شريفة فاضل، وحجزنالك كذا غرفة علشان تدخلي الحمام اي براحتك، شفيكم يا حبيبتي ياضنايا».

وقال «رامز»: «مريهان حسين النهاردة هتتهان، مريهان هيتعمل فيكي الي متعملش من زمان، وانتي النهاردة مستغرفة في دخولك الفندق لانك بقالك فترة كل المباني الي بتخشيها مديريات الأمن والاقسام، هي البت دي أخدت ملين في الطيارة ولا ايه، ويلا يا مريهان حميضنا، ومريهان يا جماعة كسرت الرقم القياسي وانا هنام شوية لما تخرج من الحمام علشان بقالها 40 دقيقة، وبعد الحلقة دي هتبقي بطلت العالم، وحمد الله بالسلامة».

يذكر أن رامز جلال يقدم برنامج مقالب باسم «رامز بيلعب بالنار» على قناة «MBC مصر» يوهم فيه ضيوفه بأنهم حضروا إلى المغرب لحضور أحد المهرجانات ويطالب قبلها، عمل حوار صحفي معه في أحد الفنادق، ويفاجأون بالنار التي تلتهم الغرفة.