ازاي تتخلصي من انتفاخ البطن في رمضان ؟

دايماً بتظهر في شهر رمضان مشكلة انتفاخ البطن عشان اختلاف أوقات الأكل ده غير ان بيكون في كمية زائدة من الهواء، أو الغازات في المعدة والقناة الهضمية .. عشان كده فوزية هتقولك على الحل عشان تتخلصي من انتفاخ البطن في رمضان.

– حاولي تعوضي المياه اللي فقدها جسمك خلال فترة الصيام من خلال شرب ما بين 8 لـ 10 أكواب من المياه في الفترة ما بين الفطار والسحور.

– الأكل ببطء ومضغه كويس ده بيساعد على عملية الهضم وحاولي تقللي من استهلاك الخضار النية وبدليها بالخضار المطبوخ أو شوربات الخضار.

– خففي الملح في الأكل لأنه بيسبب احتباس المياه في الجسم واللي بينتج عنه انتفاخ.

– حاولي تقومي بحركة بعد الأكل أو التمارين الرياضية لأنه هيساعدك على الهضم.

– ابعدي عن الحلويات والأغذية الدسمة زي المقاليات والوجبات السريعة لأن بتساعد أن الدهون تفضل موجودة في الجهاز الهضمي لفترة طويلة وده بيسبب سوء الهضم.

– حاولي تقسيم الوجبات لوجبات صغيرة بدل من وجبة كبيرة واحدة.

– ابعدي عن المشروبات اللي فيها كافيين والمشروبات الغازية وبدليها بتناول المشروبات السخنة زي  البقدونس لأنها بتساعد على التخلص من عسر الهضم.

تمارين رياضية لشد ترهلات البطن في 4 دقايق

3 مشروبات للتخلص من دهون البطن والأرداف