العليمي يشيد بالموسيقار راجح داود: بيطور شغله كل يوم .. وبيتنقل بروحه من حالة لحالة في كل "مزيكا جديدة

أشاد زياد العليمي، البرلماني السابق، بالموسيقار راجح داود، وكتب العليمي في حسابه على "فيس بوك"، اليوم الأحد: "من الحاجات اللي بتثبت لي كل شوية إن كلامنا عن موضوع الأجيال ده هذيان ومواجهة عدو مفتعل نقدر عليه بدل ما نواجه أعداء التقدم بجد،  البرنس ده".

وأضاف: "راجح داوود مواليد ١٩٥٤ يعني عنده ٦٣ سنة، يعني من الجيل اللي كتير مننا بيعتبره جامد، ووقف عند فترة الخمسينيات والستينيات، والحقيقة - زي ما أنا شايفها - إنه ف مجاله وفي شغله بيطور شغله كل يوم، وكل مرة بأسمع له مزيكا، بحس إنها من منطقة تانية، ما إشتغلهاش قبل كدة، وفي النص طبعٌا بيبقى فيه جزء بيعرفك إنه راجح داوود، بيتنقل من حالة لحالة في كل حتة مزيكا جديدة، بس بروحه هو".