علاء صبحي يكتب : ادارة رأس المال ! | Chart Voice

في المقال ده حابب اتناول معاكم اهميه راس المال وعناصرها وازاي نقدر نطبقها بسهوله جدا لتحقيق عائد مرضي . 

*ادراه راس المال هي وسيله هامه للغايه في الحد من المخاطر في اي سوق ويكون ذلك عن طريق توزيع الاستثمار عبر مجموعه من صفقات التداول او يمكننا القول باختصار (هو تحديد حجم الاموال التي سيتثمرها المتاجر مقابل تحمله حجم محدد من المخاطره)

*يجب ان تعرف في البدايه انه ليس هناك قواعد اساسيه وشروط في اداره راس المال فهي تحدد بناء علي شخصيه كل متداول ولكننا فقط نسير علي خطي الناجحين من قبل في طريقه تداولهم .

لان اكثر من 90% من المبتدئين في سوق المال يخسرون اموالهم !! بيخسروا بسبب عدم وجود اداره مخاطر سليمه وادراه راس مال محترمه ويكون هدفهم هو الحصول علي اكبر ربح ممكن مقابل راس مال صغير في البدايه ده سبب يقدر يمرجن اي محفظه مهما كانت كبيره وكمان في احصائيات تؤكد ان الاداره الماليه هي 80% من المتاجره حسب اقوال الخبراء.

تعالي ناخد مثال علي اهميه ادراه راس المال وازاي من غيرها هتخسر!

لو افترضنا ان معاك حساب مثلا ب 1000$ وبما انك مبتدئ فاكيد قريت كويس ما تدخلش مثلا باكثر من 1 دولار للنقطه 0.1  وبناء عليه بدات تدخل صفقاتك وقريت كمان انك لازم تضع ستوب لوس وتيك بروفيت ونفذت ده بالحرف الواحد وفجاه لقيت نفسك في الاخر خسرااان!!ايه السبب  السبب هنا انك دخلت بدون ما تبقي محدد كويس حجم الخساره ال تقدر تخسرها مع العائد المتوقع بمعني انت مثلا دخلت 6 صفقات 2 قفلوا ستوب و4 قفلوا تيك بروفيت بس لما تيجي تبص علي النتيجه انت خسران لان انت في صفقتين ال ضربوا ستوب لوس خسران 150 $ لكن في الربح انت كسبان في كل صفقه 20 بيب *4 = 80 دولار  يعني في الاخر خسران 70 دولار رغم ان المكسب في عدد صفقات اكبر من مكسب الخساره لكن يا صديقي انت خسران علشان معندكش اداره سليمه لراس مالك .

*ثاني شئ علي سبيل المثال في ازواج متطابقه بمعني ايه في ازواج زي مثلا اليورو دولار والاسترليني دولار في تطابق ولاد منطقه واحده ف احيانا كتييييير جدا بيمشوا مع بعض في الهبوط او الصعود( مش شرط دايما) غلط جدا انك تدخل صفقه علي الزوجين !! او مثلا يورو دولار ودولار ين بنسبه كبيييييييييره جدا بيكونوا عكس بعض طيب نتيجه كده ايه انت دلوقتي داخل يورو دولار شراء ثم دولار ين بيع  يعني في الاخر انت بايع الدولار مرتين

وطلع الدولار عكس تحليلك وطلع قوي مش ضعيف اذا هتبقي خسرت صفقتين مره واحده مع افتراض انك مش مراعي حساب المخاطره بالنسبه للعايد يبقي انت بتقرب واحده واحده من مرجنه !

*في نوع كذلك من مبتدئين سمع من ناس الخبره انا مش بستخدم ستوب لوس

طيب افترضنا مثلا انك شاري مثلا الاسترليني دولار من فوق خالص وهو حاليا بيتداول عند اقل قاع في تاريخه .. استفدت بايه من عدم وضع الاستوب لو افترضنا انك داخل وظابط كويس اووي ادراه راس المال وبتحقق ارباح في صفقات تانيه كتيره ! طيب هتسحب ازاي ارباحك انت حسابك في خساره وعمال بيخسر مش هيقف وهيفضل كده لحد ما السعر يطلع وعلي هذا الحال اكيد في كذا صفقه تانيه ..

*كذلك يوجد فئه من المتداولين المبتدئين يدخل صفقات طالما السوق مفتوح في او وقت وده غلط جدا ليه! انت ليك عدد محدد من الاهداف والخساره في اليوم او الاسبوع لو وصلتله متدخلش تاني في طريقه افضل انك تستخدم جزء من ارباحك وتضارب بيه لوحده ال هو زياده عن العائد المتوقع بالنسبه ليك غير كده هتلاقي نفسك هتخسر السوق شغال علي طول وتندم بعد ما كنت كسبان دلوقتي خسران وعاوز تعوض مش هتخلص !

*حجم العقد في الفوركس مثلا في شركات كتيييير بتوفرلك لو حسابك صغير رافعه كبييييييره جدا طيب ليه مسالتش نفسك! ببساطه علشان تدخل صفقات كتيير وبحجم كبير تتمرجن بسرعه تروح تاني تجيب فلوس وتحطها وتتمرجن ابطا شويه بس هتتمرجن بردو !

*طبعا شوفنا كتيييير جدا مضاعفه في فوركس تدخل صفقه ب لوت معين وتاني صفقه تكبر لوت ثم تكبر وتكبر حتي تصل للمليون علي افتراض انك هتكسب بس !! ما انت اكيد هتخسر ولو مكسبك اكبر من خسارتك كتبت فوق ان مش شرط هتطلع خسران بردو ولو انت في مكسب مش طريقه فعاله ابدا مش متخيل شده الاعصاب ال بتبقي فيها علي امل ان صفقه تكسب ! اعتبر نفسك بنك او شركه اعمل ادراه ماليه كامله لنفسك من الألف إلي الياء.

بمعني الادوات ال تستخدمها علشان يبقي عندك اداره سليمه وباذن الله تكسب

1.ستوب لوس امر وقف الخساره

من اهم ادوات المتاجره في اي سوق علشان تتجنب الحركات العنيفه وكمان مرجنه وبتقدر تحدده براحتك حسب ما انت محدد ممكن تخسر اد ايه من الصفقه

بمعني لازم تحدد الاول انت ممكن تخسر كام في اليوم بحيث لو فضلت تخسر لمده شهور الحساب ميتمرجنش !افضل نسبه هي 5% من حجم راس المال

لو افترضنا ان محفظتك ب 1000$ ونسبه المخاطره هي 5% اذا انت هتخاطر فقط ب 50 $ في اليوم من حجم راس مالك وبناء عليه بتختااار حجم العقد بمعني انت مثلا هتدخل صفقه واحد بس يبقي مبدايا اكبر ستوب ليا هو 50 نقطه في حاله دخلت عقد ب 1$ طيب هدخل 5 صفقات مثلا يبقي هدخل ب لوت 0.05 اي النقطه ب نصف دولار اذا الستوب لوس هيكون 100 نقطه موزعه علي 5 صفقات وهكذا كل شخص وعلي حسب طريقه تداوله.

بمعني انك لما تدخل صفقه وتمام مظبط نقطه ال ستوب لوس والنسبه المعرضه للخطر النقطتين ال فوق لازم تخلي التيك بروفيت علي الاقل 2.1 او 3.1 افضل نسبه هي الارقام الفرديه بمعني

انت دخلت 10 صفقات النقطه ب 1 $ وكان الهدف في كله 3.1 وكسبت 3 صفقات وخسرت 7 صفقات الستوب والبروفيت ثابتييين في ال 10 صفقات مثلا ستوب 20 هدف 80 نتيجه هتلاقي انك خسران 140 $ وكسبان 240 $ اذا انت خارج كسبان رغم 3 صفقات من اصل 10 خسرانين !في حاله الارقام الزوجيه خسرت 140$ وكسبت 3 صفقات بربح 40 نقطه لان هدف 2.1 هتبقي كسبان 120$ اذا انت خارج خسران -20$

(مش شرط طبعا انك تخرج كده بس بشكل عام حسب دراسه معموله علي ادراه ماليه الارقام الفرديه افضل )

4.امر جني الارباح وال ترايلينج ستوب

لازم قبل ما تدخل اي صفقه تحدد هدفك كويس اوي بناء علي الادوات ال بتستخدمها والافضل كمان انك تشغل الترايلينج ستوب في حاله انك مش قدام الشارت او الجهاز طيب ليه ! كتير مننا سمع ده السعر وصل قبل التيك بروفيت وعكس عليا وضرب ستوب لوس طيب وانت ليه تخسر بعد ما كنت في مكسب شغل ستوب متحرك ال هو ترايلينج علي عدد نقاط انت بتحددها

طبيعه عمله بتكون انك مثلا محدد ستوب متحرك 20 وهدفك 60 نقطه هو كل 20 نقطه السعر هيتحركهم في اتجاه الصفقه الرابحه هيحط ستوب عند 20 ثم 40 ثم 60 وهكذا

الخطوات الواجب اتباعها مع االاداره الماليه قبل بدء التداول

1.الاخبار . لازم تخلي بالك جدا من الاخبار في عملات ليها علاقه ببعض بسبب التبادل التجاري بين البلدين زي اليوان والدولار الاسترالي ف لو في مثلا خبر علي يوان متدخلش علي الاسترالي وكمان حركه السوق الوقت ده بتكون عنيفه جدا ومرجح بنسبه كبيره يضرب ستوب فالافضل الابتعاد.

2.اختار اي وقت حسب وقتك تحب التداول هل في فتره السوق الامريكي ام الاوربي ام الاسيوي اي كان اختر فتره تكون مجربه مع استراتيجيتك وطريقه عملك ولقيتها مربحه .

لازم تجرب طريقتك كويس اوي علي حساب ديمو لمده 3 او 5 شهور علي الاقل لو اثبتت كفائتها اشتغل علي حقيقي .

4.بعد ما تحلل الازواج المقرر تشتغل عليها حلل الانديكس بتاع كل عمله لوحدها (الانديكس ده يعني عمله واحده مقابل سله العملات بيكون ليها شارت خاص بيها ) تحلله علشان تعرف لو قرارك بيع العمله ديه في زوج معين وفعلا العمله عند منطقه دعم يبقي قرارك سليم.

5.خلي بالك كويس اووي قبل ما تشتري او تبيع عمله معينه من باب التاكيد في عملات ليها علاقه بالسلع زي مثلا الاسترالي ليه علاقه قويه بالدهب والدولار كندي ليه علاقه قويه بالبترول ف الافضل تحلل ال 2 وتبدا تاخد قرارك (في حالات استثنائيه بيمشوا عكس بعض )

6.لو في انت في صفقه ومش عاوز تشغل ترايلينج مثلا وهي قبل منطقه الهدف بحاجه بسيطه ممكن تقفل جزء من العقد مثال  انت فاتح صفقه مثلا هدف 60 نقطه ولوت 1 ميني اي نقطه ب 1 دولار وخايف السوق يعكس عليك وانت خارج مثلا او مشغول خلاص اقفل جزء من عقد انك تخلي مثلا الصفقه ب 0.01