المحتوى الرئيسى

نص أقوال شهود الإثبات والمتهمين أمام النيابة في «أحداث سيدة الكرم» | المصري اليوم

05/31 19:27

تنشر «المصري اليوم» نص أقوال شهود الإثبات في تحقيقات النيابة العامة في أحداث قرية الكرم التابعة لمركز أبوقرقاص، والتي شهدت أحداث عنف وشغب، أسفرت عن حرق منازال، ومحال تجارية بسبب مشاجرة وقعت بين مسلمين ومسيحيين.

أقوال دانيال عطية عبده شحاته:

ج. دنيال عطيه عبده شحاته 78 سنه فلاح، ومقيم قرية الكرم أبوقرقاص المنيا

س. ما تفصيلات شكواك ؟

ج.اللي حصل انا كنت قاعد في البيت لقيت ناس داخله عليا البيت وسالوني على ابني اشرف قلتلهم معرفش عنه حاجة ولعوا نار في فرش البيت والثلاجات وكل حاجة في البيت والبيت ولع كله وبعدين دخلوا ضاحي ولعوا فيه وفي كل الفرش اللي جوه وبعدين دخلوا على بيت وجيه قاصد ولعوا فيه وولعوا في بيت سامي كمال وده كل اللي حصل

ج. الكلام ده حصل امبارح يوم 20/5/2016 بعد صلاة العشاء بقرية الكرم أبوقرقاص

س. ما سبب ومناسبة تواجدك بالزمان والمكان سالف الذكر؟

ج. انا كنت قاعد في البيت بتاعي وكنت جاي من الورشه بتاعتي

س.ومن كان به انذاك ؟

س. وما الذي حدث تحديدا انذاك ؟

ج .اللي حصل اللي أنا كنت قاعد في البيت لقيت محمود عبدالرحيم ومجاهد صلاح حسن ومجدي محمد محمد زناتي وأحمد توفيق سيد ورفعت محمود عبدالرحيم ورمضان محمود عبدالرحيم ومحمد محمود عبدالرحيم واحمد محمود عبدالرحيم ونظير اسحاق احمد عبدالحافظ وعبدالمنعم اسحاق احمد وصالح عبدالحافظ احمد عبدالحافظ دخلوا عليا وضربوني على وشي وولعوا النخله وفي وش البيت والبيت كله اتحرق ولع وكان فيه «سبعة عشر الف جنيه» كانوا في جيبي خدوها مني وبعدين دخلوا ولعوا في البيت اللي جنبي بتاع ضاحي وبيت وجيه وكسروا بيت سامي كمال

س. وما صلتك بكل من مجاهد صلاح حسن ومجدي محمد محمد زناتي واحمد توفيق سيد ورفعت ومحمود عبدالرحيم ورمضان محمود عبدالرحيم ومحمد محمود عبدالرحيم واحمد محمود عبدالرحيم ونظير اسحاق احمد عبدالحافظ وعبدالمنعم اسحاق عبدالحافظ وصالح عبدالحافظ احمد ؟

ج.هم بلدياتي وجيراني ونظير اسحاق ده صاحب ابني اشرف

س.وهل كان بحوزة سالفي الذكر ثمة أسلحة أو أدوات؟

ج.ايوه اسحاق كان معه بندقيه آلي، وابنه عبدالمنعم كان معه فرد خرطوش، ورفعت كان معه طبنجه وده اللي شفته بس والباقي كان بس كان معه اسلحة بس مخدتش بالي

س.وهل استخدم سالفو الذكر السلاح الذي كان بحوزتهم ؟

ج.ايوه ضربوا به نار في الهوا وكانوا بيضربوا نار على البيوت والبيوت اتحرقت من ضرب النار

س.كم عدد الأعيرة النارية التي استخدمها سالفو الذكر؟

س.وفي أي اتجاه قاموا سالفي الذكر بإطلاق الأعيرة النارية؟

ج.كانوا بيضربوا عليا نار وعلي البيت عندي

س.وهل توجد ثمة خلافات بينك وبين المتهمين سالفي الذكر؟

ج.ايوه فيه خلافات بين نظير وابني اشرف دنيال

س.وما طبيعة تلك الخلافات ؟

س.وهل ترقي الخلافات لقيام المتهمين بتلك الواقعة ؟

س.وما قصد المتهمين من ارتكاب تلك الواقعة ؟

ج. هم كانوا عاوزين يموتوا اشرف واخوه وعايزين يحرقوا البيت بتاعي

س.وهل ثمة اتفاق فيما بين المتهمين على ارتكاب تلك الواقعة ؟

ج.ايوه علشان هم كانوا بيضروبوا نار علينا وحرقوا البيت بتاعي

س.هل توجد ثمة تلفيات بمنزلك؟

س.وهل من ثمة معين شاهد على تلك الواقعة ؟

اهل البلد كلها شافت الواقعة

س.هل لديك اقوال أخرى ؟

وأقفل المحضر عقب إثبات ما تقدم وقررت النيابة الآتي: أولا يصرف الحاضر بعاليه من سراي النيابة مؤقتاً، وثانيا: يستمر التحفظ على مكان محل الواقعة، ثالثا: ينتدب أحد السادة المختصين بالأدلة الجنائية بالانتقال إلى محل البلاغ لبيان عما إذا كان هناك ثمة آثار حريق من عدمة، وفي الحالة الأولى بيان سببه وبيان مكان بداية اشتعال الحريق، وبيان ما إذا كان هناك مواد مستخدمة للاشتعال من عدمه، وما إذا كان هناك شبهة جنائية من عدمه، وبيان أيضا ما إذا كان هناك ثمة آثار لإطلاق أعيرة نارية من عدمه، وفي الحالة الأولى بيان ماهيتها وطبيعتها والسلاح المستخدم في إطلاقها، وإعداد تقرير مفصل يعرض علينا في حينه، ورابعا: تخطر الشؤون الاجتماعية لاتخاذ اللازم قانوناً، وخامساً: يطلب كلا من عطيه عياد فرج، وعياد عطيه عياد، ونجليه لتحقيق عاجل، وسادساً: تأمر النيابة بضبط وإحضار كل من مجاهد صلاح حسن، ومجدي محمد محمد زناتي، واحمد توفيق سيد، ورفعت محمود عبدالرحيم، ورمضان محمود عبدالرحيم، ومحمد محمود عبدالرحيم، واحمد محمود عبدالرحيم، ونظير اسحاق احمد عبدالحافظ، وعبدالمنعم اسحاق احمد عبدالحافظ، وصالح عبدالحافظ، واحمد عبدالحافظ، ويعرضوا علينا فور التمكن من ضبطهم.

أقوال عطية عياد فرج سليمان:

ج.اسمي عطية عياد فرج سليمان 57 سنه فلاح ومقيم شرارة ابوقرقاص

ج.اللي حصل انا سمعت ان نسيبي دانيال عطية عنده مشاكل فانا رحت اشوف اية الحكايه واول ما رحت لقيت زيطة وناس قايمة على البيت ولقيت واحد مشي على وضربني بدبشك بندقية آلي على دماغي وابنه نظير ضربني بعصي ظهري ووقعت على الارض وحسيت بدوخه ومحستش بحاجة بعد كده وده كل اللي حصل وشفت ناس بتحرق البيت بتاع دانيال.

س.متي واين حدث ذلك ؟

الكلام ده حصل يوم الجمعه 20/5/2016 ما بين المغرب والعشاء بناحية الكرم مركز ابوقرقاص

س.ماسبب ومناسبة تواجدك بالمكان والزمان سالف الذكر ؟

ج.انا سمعت ان فيه مشاكل مع نسيبي دانيال عطية فرحت علشان اشوف اية الحكايه

ج.كان معايا ابني عياد عطية عياد

س.وما الذي حدث تحديدا انذاك ؟

ج. اللي حصل انا سمعت ان فيه مشكله عند نسيبي دانيال فرحت علشان اشوف فيه اية ونحل الموضوع واول ما رحت عند البيت عنده لقيت نظير ضربني بدبشك البندقيه الالي على دماغي وابوه ضربني على ظهري وقعت على الارض وخدوا مني المحفظة والبطاقة والفلوس اللي كانوا في جيبي وبعدين لما شفتهم وكان معاهم ناس كتير كانوا بيولعوفي البيت بتاع دانيال عطية وده كل اللي حصل

س.وهل كان بحوزة ايا من سالفي الذكر ثمة أسلحة أو أدوات ؟

س.ومن تحديدا كان بحوزته ثمة اسلحة أو ادوات ؟

ج.نظير كان معاه بندقيه آلي وابوه اسحق احمد كان معاه عصي

س.وهل استخدم سالفي الذكر تلك الاسلحة التي كانت بحوزتهم ؟

ج. ايوه نظير اسحق ضربني بالبندقيه الآلي بالدبشك بتعها على راسي وابوه اسحق احمد ضربني بعصي على ظهري بس كان فيه ناس بعيد عني معاهم اسلحة وبيضربوا نار في الهواء على البيت بتاع دانيال

س.فما هي كيفية حدوث إصابتك تحديدا؟

ج.هو نظير اول ما شفني داخل البيت بتاع دانيال راح ضربني بدبشك البندقيه على دماغي

تبين لنا وجود ضمادات طبية على رأسه لم نشأ فضها حفاظا على الماثل، وقرر لنا الماثل أنها نتيجة اصابته بعد التعدي عليه من قبل كل من نظير اسحق وابوه اسحق احمد

س وما قصد المتهمان من التعدي عليك ؟

س.وهل شاهدت واقعة حريق منزل المدعو دانيل عطية ووجيه قاصد واسحاق وفضل سعد شرقاوي ؟

ج.انا شفتهم وهما بيحرقوا منزل دانيل عطيه

س.ومن تحديدا قام بارتكاب تلك الواقعة ؟

ج.انا اللي اعرفه ان واحد اسمه نظير اسحق وابوه اسحق احمد والباقيين معرفهمش

س.هل توجد ثمة خلافات سابقة فيما بينك وبين المتهمين سالفي الذكر ؟

أقوال عياد عطية عياد فرج:

ج .اسمي عياد عطية عياد فرج 30 سنه عامل ومقيم شراره مركز ابوقرقاص ولا احمل تحقيق شخصية

ج.اللي حصل انا كنت رايح مع أبويا عند جدي دانيال في الكرم، وأول مرحت طلعت علينا ناس كتير ولقيت واحد ضربني وعورني في ذراعي الشمال والباقيين حوالي ستة اشخاص ضربوني بالعصي على جسمي، ووقعت على الأرض وسبوني ومشيو وده كل اللي حصل.

ج.الكلام ده حصل يوم الجمعة 20/5/2016 ما بين المغرب والعشاء بناحية الكرم مركز أبوقرقاص

س.ما سبب ومناسبة تواجدك بالمكان والزمان سالفي الذكر؟

ج.أنا كنت رايح مع أبويا علشان عرفنا إن فيه مشكلة مع جدي دانيال

ج.كان معايا أبويا عطية عياد

س.وما الذي حدث تحديدا آنذاك؟

ج.اللي حصل أول ما وصلنا عند بيت جدي لقيت زيطة وناس كتير في الشارع وأول ما شفوني مشيوا عليا ودورو فيه الضرب، ووقعت على الارض وبعد ما وقعت على الارض سابوني ومشيوا

س.ومن تحديدا قام بالتعدي عليك بالضرب وأحدث إصابتك؟

ج.انا معرفش حد فيهم وابويا هو اللي يعرفهم

س.وهل كان بحوزة سالفي الذكر ثمة أسلحة أو أدوات؟

ج.ايوه انا شفت واحد منهم كان معاه بندقيه آلي وواحد كان معاه فرد خرطوش وناس كانت شايله شوم عصي وخشب فيه مسامير.

س.وهل تقف على هوية تلك الاشخاص الذين كانوا يحملون تلك الأسلحة سالفي الذكر؟

ج.لا أنا معرفش لأني أنا مبرحش البلد دي خالص واللي يعرفهم أبويا

س. وهل ثمة أعيرة نارية أطلقت في تلك الواقعة؟

ج. ايوه فيه ناس كانوا بيضربوا نار معرفش أسمائهم

س. وكم عدد الأعيرة النارية التي أطلقت آنذاك؟

ج.معرفش هما ضربوا نار كتير

س.وما هي كيفية حدوث إصابتك؟

ج.اللي حصل إن أول ما دخلنا عند البيت ناحية بيت دانيال جه اتنين مسكو ابويا، وابتدوا يضربوا فيه وبعد كده جت ناس ودفعوني على الأرض، وقعدوا يضربوا فيه لغاية ما اغمى عليا وسابوني ومشيو.

س. وما قصد المتهمين من التعدي عليك آنذاك؟

س.وهل شاهدت واقعة حريق منزل كل من دانيال عطيه ووجيه قاصد وسامي كمال وفضل سعد شرقاوي.

ج. لا انا مشفتش غير بيت دانيال عطيه بس

س. ومن تحديدا قام بارتكاب وقائع الحريق سالفة الذكر؟

س. هل من ثمة خلافات بينك وبين المتهمن الذين قاموا بالتعدي عليك وإحداث إصابتك؟

س .هل لديك أقوال أخرى؟

أقوال سامي كامل صدام شحاته:

ج.سامي كامل صدام شحاته 64 سنه فلاح ومقيم الكرم مركز ابوقرقاص ولا احمل تحقيق شخصية

ج. اللي حصل إن كنت قاعد في البيت ولقيت حريق ونار كتير طالعة من عند بيت دانيل فطلعت اشوف فيه ايه، وأول ما طلعت من البيت لقيت واحد اسمه مصطفي أحمد مصطفي واولاده منعونا ودخلونا بيت وقفلوا علينا لغاية ما الموضوع ما خلص لقينا بيت وجيه مولع ومكسرين بيتي ومكسرين فرش البيت بتاعي وبتاع ابني ومبهدلين الأجهزة الكهربائية مكسره، وخدوا من البيت مبلغ سبعة آلاف جنيه والمحفظة والبطاقة وكل ده علشان عرفت انه فيه خلافات بين اشرف ابن دانيال وبين جماعة مسلمين، وولعوا في بيت وجيه علشان هو يبقي نسيب وجيه وواخد بنت وجيه وده كل اللي حصل.

س. متي وأين حدث ذلك؟

ج.الكلام ده حصل يوم الجمعه 20/5 /2016 بعد المغرب على طول بناحية الكرم مركز أبوقرقاص

س. ما سبب ومناسبة تواجدك بالمكان والزمان سالف الذكر؟

ج.أنا كنت قاعد في بيتي

س. من كان برفقتك آنذاك؟

س. ما الذي حدث تحديدا آنذاك؟

ج. اللي حصل أنا كنت قاعد في البيت، وسمعت صوت دوشه بره، طلعت أشوف فيه ايه لقيت نار كتيره طالعة من بيت دانيال، ولقيت واحد اسمه مصطفي وأولاده خدوني عندهم ودخلونا البيت، وقفلوا علينا البيت، وبعدها بشويه طلعت علشان أشوف فيه ايه اللي حصل لقيت البيت بتاعي كله مكسر، والفرش مكسر ومتبهدل والأجهزة الكهربائيه مكسره، ولقيت سبعة آلاف جنيه مسروقه من البيت، وبعدين ولعوا في بيت وجيه قاصد وبيت فضل سعد شرقاوي وده كل اللي حصل.

س. وما صلتك بكل من وجيه قاصد واسحاق عزب وفضل سعد شرقاوي؟

ج.احنا من بلد واحدة ومسيحيين زي بعض

س .وهل تقف على الأشخاص الذين تعدوا على منزلك وحرق منازل كل من وجيه واسحاق عزب وفضل سعد ؟

ج.انا اعرف ان فيه واحد اسمه نظير اسحاق أحمد، وأبوه اسحق أحمد عبدالحافظ، ومحمد محسن، وفرغلي، وتوفيق عبدالحافظ توفيق، وعاطف سيد عبدالحافظ، وسلامه عاطف سلامه، ووائل عبدالله توفيق، وهما دول اللي حرقوا البيوت وسرقوا بيتي وبهدلوه.

س. وهل كان بحوزة سالفي الذكر ثمة أسلحة أو أدوات؟

ج.ايوه كان فيه ناس معاهم سلاح لكن رغم ذلك كسروا البيت عندي

س. ومن تحديدا كان بحوزته ثمة أسلحة أو أدوات ؟

ج .اللي كان معاه سلاح حجاب أحمد عبدالحافظ كان معاه بندقيه آلي، وأحمد فؤاد توفيق كان معاه طبنجه، وصابر فاروق توفيق كان معاه طبنجه، وعبدالمنعم حسن كان معاه فرد خرطوش.

س. وما دور سالف الذكر تحديدا في وقائع التعدي على منزلك؟

ج. دول برضو كانوا بيضربوا نار على البيوت، وكانوا بيساعدوا الناس اللي بتحرق البيوت، والكل دخل البيت عندي.

س. وهل استخدم سالف الذكر تلك الأسلحة التي كانت بحوزتهم؟

س. وفي أي اتجاه كانوا يصوبوا تلك الأعيرة النارية؟

ج. هما كانوا بيضربوا نار على البيوت وفي الهواء

س. وكم عدد الأعيرة النارية التي أطلقها سالفو الذكر؟

ج. هم ضربوا كتير معرفش كام عيار بالظبط

س. وهل توجد خلافات بينك وبين سالفي الذكر؟

ج. لا مفيش خلافات بس هما كان فيه خلافات بين دانيال ووجيه

س. وما قصد المتهمين من ارتكابهم تلك الوقائع؟

ج. ايوه هم كانوا بيتسارو على اشرف دانيل وبحرقوا بيوت المسيحيين في كل البلد عندنا

س. وهل فيه ثمة اتفاق فيما بين المتهمين على ارتكاب تلك الوقائع ؟

س. هل توجد ثمة تلفيات في منزلك؟

ج. ايوه فيه تلفيات كتيره

س. وما هي طبيعة تلك التلفيات ؟

ج.هي الأجهزة الكهربائية كلها مكسره والفرش بتاع ابني اتكسر

س.وبكم تقدر قيمة تلك التليفات؟

ج.هي الأجهزة الكهربائية غالية والفرش غالي ومعرفش تقدر بكام

س.هل من ثمة معين شاهد تلك الواقعة ؟

أقوال نظير اسحق أحمد عبدالحافظ:

ج.اسمي نظير اسحق أحمد عبدالحافظ 35 سنه حاصل على دبلوم تجارة، ومقيم قرية الكرم مركز أبوقرقاص وحمل بطاقة رقم 28103272400295

س.ما قولك فيما هو منسوب إليك من انك متهم بإحراز سلاح ناري بندقيه آليه حال كونك لا يجوز الترخيص وحيازتها أو إحرازها على النحو المبين بالإحراز؟

س.وما قولك فيما هو منسوب إليك أنك متهم بوضع النار عمداً بمسكن كل من دانيال عطيه عبده شحاته، وفضل سعد شرقاوي، واسحاق يعقوب، وسامي كمال، ووجيه قاصد اسحاق على النحو المبين بالأوراق؟

س. ما قولك فيما هو منسوب إليك من أنك متهم باتلاف المنقولات ومنازال مملوكة لكل من دانيال عطيه عبده، وفضل سعد شرقاوي، واسحاق سمير يعقوب، وسامي كمال، ووجيه قاصد اسحاق على النحو المبين بالأوراق.

س. وما قولك فيما هو منسوب إليك من أنك متهم بضرب وإحداث إصابة كل من عياد عطيه عياد فرج، وعطيه عياد فرج، وإسحاق سمير يعقوب المبينة بالتقارير الطبية، وكان ذلك باستخدام أداة؟

س. ما الذي حدث إذاً، وما هي ظروف طلبك وإحضارك؟

ج. اللي حصل أنا كنت قاعد في البيت ولقيت ابن عمي محمد سمير محمد شغال في مباحث المركز، وقالي أنت مطلوب هنا في المباحث فتعالي، وأنا رحت وسلمت نفسي

س. متي وأين حدث ذلك؟

ج. الكلام ده حصل أول إمبارح يوم السبت الموافق 21/5/2016 بالليل حوالي الساعة التاسعة مساء وأنا كنت قاعد في البيت

س. من كان يرافقك آنذاك؟

ج. أنا كان معايا أهل بيتي لما ابن عمي كلمني

س. ما قولك فيما قرره كل من دانيال عطيه عبده، وسامي كمال، وعياد عطيه فرج، وعطية عياد فرج، حيث «تلونا عليه أقوالهم تفصيلا»

س. وما تعليلك لما قرره سالفو الذكر ؟

س. هل توجد ثمة خلافات فيما بينك وبين سالفي الذكر ؟

ج. لا مفيش خلافات بس مفيش غير موضوع بتاع أشرف ابن دانيال وبين مراتي نجوي رجب فؤاد، والكلام اللي طلع في البلد إن كان فيه علاقه بينهم

س. وما هو قولك فيما ذكره النقيب مالك سيد محمود بمحضره المؤرخ في 20/5/2016

س. وما قولك فيما سطره النقيب علاء الأمير بمحضر تحرياته المؤرخ في 22/5/2016

أهم أخبار مصر

Comments

عاجل