فوايد مذهلة لماسكات الزبادي للبشرة .. اعرفوها معانا

كلنا عارفين الزبادي قد ايه مفيد صحيا ومغذي ده غير انه وجبة خفيفة على المعدة لكن فوايد الزبادي مش بس صحية كمان ليه فوايد جمالية للبشرة وده اللي هنعرفه النهاردة مع بعض هنقولكم بالتفصيل فوايد الزبادي للبشرة ومجموعة ماسكات من الزبادي لحل مشاكل البشرة.العناصر الموجودة في الزبادي دي هي اللي بتساعد على تجديد البشرة وبتخليها صحية ومنورة وخالية من اي شوائب وعيوب.الزنك واحد من المواد المهمة والمفيدة جدا الموجودة في الزبادي, في كل 100 جرام زبادي في تقريبا 1 ملليجرام زنك, ومعدن الزنك من المواد المعروفة بخصائصة المضادة للالتهابات, وتجديد الخلايا ونمو الانسجة, وبيساعد جدا في التحكم في الزيوت الزيادة اللي بتفرزها البشرة وبالتالي هو علاج ممتاز لحب الشباب والبثور.الزبادي مليان بعنصر الكالسيوم ولان البشرة ببتكون بنسبة كبيرة من الكالسيوم فهي هتحتاج باستمرار لتجديد الكالسيوم ده واللي هيديها ده هو الزبادي, اللي هيساعد على تجديد البشرة ويمنعها من الجفاف ويخليها دايما صحية ورطبة.الزبادي غني جدا بفيتامين B5, B2, B1, B12 وفيتامين بي او الريبوفلافين بيحافظ على البشرة صحية, وبيحافظ على رطوبتها باستمرار, وبيحمي الجلد من اضرار الجذور الحرة اللي بتسبب التجاعيد والشيخوخة للبشرة, وبيجدد خلايا الجلد, وليه دور كبير في زيادة نمو الدهون الصحية المفيدة للبشرة, وكوباية واحدة من الزبادي في اليوم بتديكي تقريبا من 20 ل 30 في المية من نسبة البروتين اللي انتي محتاجاها يوميا.الحمض ده من العناصر الرئيسية الموجودة في الزبادي , والعنصر مهم في الحفاظ على صحة البشرة ورطوبتها, وحمايتها من الشيخوخة ومنع التجاعيد والخطوط الرفيعة على البشرة.من اهم الفوايد اللي ممكن تعملها الزبادي للبشرة هي الترطيب, لان حمض اللبنيك الموجود فيها بيحافظ على رطوبة البشرة وبيخفي علامات التعب والاجهاد منها.حمض اللبنيك اللي موجودة في الزبادي بيمنع انتاج انزيم “التيروزينيز” والانزيم ده هو المسئول عن انتاج مادة الميلانين اللي هو بيأثر على لون البشرة وبالتالي لما الزبادي توقف انتاج الميلانين ده هيخلي بشرتك افتح ومنورة على طول.حمض اللبنيك هو نفسه حمض الهيدروكسيل الفا الطبيعي اللي بيساعد على ازالة خلايا الجلد الميتة, وبيمنع البشرة من الالتهاب وبيحفز تجديد خلايا البشرة.الزبادي بتساعد على تنقية البشرة من اي شوائب او حبوب او بثور بسبب مادة الزنك اللي احنا اتكلمنا عليها واللي بتتحكم في كمية الزيوت الزيادة اللي بتفرزها البشرة وبالتالي بيحميها من الحبوب والبثور, ده غير ان الزبادي فيها مادة البروبيوتيك اللي بتساعد على تدمير البكتيريا.الزبادي بتساعد على علاج الهالات السودا وتفتيح البقع والندوب بسبب مادة الزنك اللي موجودة فيه.الزبادي بتحتوي على مضادات اكسدة قوية اللي بتمنع الجذور الحره من اتلاف البشرة, وبتأخر ظهور التجاعيد والخطوط الرفيعة على البشرة, ده غير حمض اللاكتيك اللي بيساعد على تأخير شيخوخة البشرة.حمض اللاكتيك الموجود في الزبادي بيحتوي على خصائص مضادة للفطريات وبالتالي الزبادي مفيد جدا في مكافحة اي عدوى فطرية ممكن تظهر على الجلد.من الفوايد المهمة جدا للزبادي هو انه بيساعد في علاج حروق الشمس بسبب مادة الزنك اللي موجودة فيه تعتبر هي المفتاح في علاج الحروق وتهدئة البشرة, وعلاج اي التهاب او احمرار.حطي معلقتين زبادي مع شوية جزر مبشور اخلطيهم كويس مع بعض, حطي الخليط على البشرة وسيبيه 20 دقيقة وبعدين اغسليه,الماسك ده بيجدد البشرة وبيرطبها وبيديها لمعان.ضيفي معلقتين زبادي مع معلقة عصير ليمون اخلطيهم كويس وبعدين حطي الخليط على بشرتك وسيبيه 20 دقيقة وبعدين اغسليه, الماسك ده مفيد جدا للبشرة الدهنية بيقلل من المسام الواسعة , وبيقشر البشرة وبيفتحها.ضيفي معلقتين عسل نحل مع معلقتين زبادي واخلطيهم مع بعض كويس وادهني الخليط على بشرتك وسيبيه 20 دقيقة وبعدين اغسليه, الماسك ده يعتبر مرطب طبيعي للبشرة, بيقلل من التجاعيد, وبيساعد في علاج حب الشباب والبثور.الماسك ده مفيد جدا للي بشرتهم جافة هيرطبها وينعمها جدا.الماسك عبارة عن 2 معلقة كبيرة زبادي, ومعلقة كبيرة عسل نحل, معلقة كبيرة افوكادو مهروس, معلقة كبيرة دقيق شوفان مطبوخ, اخلطي المكونات كلها مع بعض كويس هتبقى عندك شبه العجينة افرديها على وشك وسيبيها ربع ساعة وبعدين اغسلي بشرتك.لو بشرتك ملتهبة وحمرا وبتعاني من حروق الشمس يبقى الماسك ده هو انسب ماسك ليكي.اخلطي ربع كوباية زبادي كامل الدسم مع ربع كوباية خيار مفروم ومتقشر, معلقة كبيرة جل صبار الالوفيرا, معلقة كبيرة عسل نحل, وكام نقطة زيت بابونج, اخلطي المكونات كلها مع بعض كويس, حطي الخليط على البشرة وسيبيه ربع ساعة وبعدين اغسلي بشرتك بمية باردة.اخلطي معلقة كبيرة زبادي مع معلقة كبيرة عسل نحل ومعاهم معلقة صغيرة عصير ليمون ومعلقة صغيرة كركم, اخلطي المكونات كلها مع بعض كويس وحطيه على البشرة وسيبيه ربع ساعة وبعدين اغسلي البشرة بمية دافية.اخلطي 2 معلقة كبيرة زبادي مع معلقة صغيرة عدس اصفر مطحون ومعلقة كبيرة عصير برتقان, اخلطي المكونات كويس وحطي الخليط على البشرة وسيبيه ربع ساعة وبعدين اغسلي بشرتك بمية دافية, ولو بشرتك جافة ممكن تضيفي على المكونات معلقة صغيرة عسل نحل.اخلطي 4 معلقة كبيرة زبادي مع معلقة كبيرة كاكاو ومعلقة كبيرة عسل نحل, اخلطي المكونات كويس وحطي الخليط على البشرة وسيبيه 20 دقيقة وبعدين اغسليه بمية دافية, الماسك ده بيجدد البشرة وبيخلي شكلها صحي.اخلطي 2 معلقة كبيرة زبادي مع معلقة كبيرة شوفان, اخلطيهم كويس ودلكي بشرتك بالخليط في حركات دائرية وبعدين اغسليه, الماسك ده هيخلصك من الجلد الميت وهيجدد البشرة.الزبادي مالهاش اثار جانبية على البشرة ولكن عدد مرات عمل الماسكات بيختلف من بشرة للتانية حسب نوع البشرة.ممكن تستخدمي الماسكات يوميا عشان تجيب معاكي افضل نتيجة.صاحبة البشرة الجافة ممكن تعمل ماسكات الزبادي من 2 ل 3 مرات في الاسبوع.بالنسبة للبشرة اللي فيها مشاكل اوعدوى فطرية يطبقوا الماسكات من 4 ل 5 مرات في اليوم الواحد عشان يجيب معاهم افضل النتايج. – بالنسبة للبشرة الحساسة ممكن تحس بوخز خفيف او حرقان شوية في الوش لما تحط ماسك الزبادي, ولو بشرتك حساسة اوي ممكن تحسي بحرقان جامد في الحالة دي اغسلي وشك مباشرة متسيبيش الماسك على وشك لان البشرة ممكن تلتهب, والبشرة كده تبقى حساسة من منتجات الالبان او حساسة من حمض اللبنيك او البروبيوتك او حمض الهيدروكسيل الفا او بيتا وبالتالي صاحبة البشرة دي مش هتقدر تستخدم ماسكات الزبادي, عشان كده من الافضل قبل ماسك الزبادي نعمل اختبار على جزء صغير من البشرة عشان نتأكد ان البشرة مش حساسة من منتجات الالبان.– الافضل نستخدم الزبادي كاملة الدسم عشان تفيد البشرة اكتر وترطبها وتغذيها بشكل اكبر, ولو متوفرة زبادي اورجانيك او عضوية هتكون افضل كمان للبشرة ولو مش متوفرة يبقى نعمل بالزبادي العادية مافيش مشكلة خالص.شوفوا كمان ماسكات من العسل لحل كل مشاكل البشرة و 11 وصفة من الكركم لجمال البشرة.