13 طريقة طبيعية لاظافر صحية واقوى واحلى

كلنا بنبقى عايزين ضوافرنا دايما شكلها حلو وصحي وبنحاول نهتم بيها على قد ما نقدر لكن بتقابلنا مشاكل كتير في الضوافر زي ضعف الضوافر وتكسرها وتشققها او تغيير لونها بسبب المانيكير او شغل البيت النهاردة هنقولكم حلول طبيعية لكل المشاكل دي.لو ضوافرك ضعيفة لازم تتأكدي انك بتدخلي في نظامك الغذائي بروتين بشكل كافي وان جسمك بياخد كمية البروتين اللي لزماه لان صحة الضوافر او البشرة او الشعر زي ما قولنا قبل كده اكتر من مرة انها بتبدأ من جوه الاول.متوسط نسبة البروتين اللي لازم ياخدوا الجسم بالنسبة للاشخاص البالغين هو من 45 ل 56 جرام من البروتين يوميا, ومن الاغذية اللي ممكن تمدك بالبروتين اللي لازمك هي:– 100 جرام من الفراخ : هتديكي 28 جرام بروتين.– 100 جرام لحمة : 26 جرام بروتين.– بيضة : 6 جرام بروتين.– 100 جرام سلمون او تونة : 22 جرام بروتين.– نص كوباية فاصوليا : من 7 ل 11 جرام بروتين.– نص كوباية بسلة : 4 جرام بروتين.– نص كوباية سبانخ : 3 جرام بروتين.– 29 جرام مكسرات : من 4 ل 9 جرام بروتين.– 170 جرام زبادي : 18 جرام بروتين.– 29 جرام جبنة خالية من الدسم : 200 جرام بروتين.دي تقريبا اكتر الاكلات الغنية بالبروتين اللي لازم تدخل في نظامك الغذائي عشان تحافظي على ضوافرك صحية وقوية.البيوتين هو فيتامين B اللي لازم يكون في نظامك الغذائي لانه بيزود نسبة الكيراتين اللي هو يعتبر البروتين الطبيعي في جسمنا اللي بيشكل الجلد والشعر والضوافر ولما ترتفع نسبة الكيراتين ده هيساعد على ان الضوافر تكون صحية واقوى عشان كده لازم نحصل على فيتامين B بنسبة كافية, وفيتامين B هنلاقيه موجود في اللحوم , وصفار البيض , وفول الصويا , والسمك , والحبوب الكاملة.لو ضوافرك بتتشقق يبقى كده انتي عندك نقص كالسيوم , عشان كده لازم تدخلي في نظامك الغذائي الاكلات الغنية بالكالسيوم والاحماض الدهنية الاساسية اللي هي الاوميجا 3 لانها بتساعد على تقوية الضوافر وبتحميها من التشقق.ومن الاكلات الغنية بالكالسيوم الزبادي , والجبنة , واللبن , وفول الصويا , السردين , سمك السلمون , الخضار الورقي اللي لونه اخضر, ومن الاكلات الغنية بالاحماض الدهنية او الاوميجا 3 هي الافوكادو , البيض , المكسرات , والاسماك الدهنية زي السلمون والسردين والتونة, وممكن تضيفي لاكلك يوميا مع السلطة مثلا معلقة كبيرة زيت بذور الكتان ده هيقوي الضوافر جدا وهتحسي بالفرق مع الاستمرار.من الحاجات اللي بتخلي الضوافر تتشقق وتنقسم هو بردها في اتجاهين, عشان كده الطريقة الصحيحة لبردها عشان تحافظي عليها سليمة وتحميها من التشقق هو انك تبرديها في اتجاه واحد.من اكتر الحاجات اللي بتأثر على الضوافر وبتضعفها وبتخليها جافة هي المنظفات اللي بنستخدمها في تنضيف البيت او غسيل المواعين لان فيها مواد كيميائية بتأثر على الضوافر وبتضعفها , عشان كده لازم تلبسي جوانتي عشان تحميها ومتعرضيهاش  للمواد اللي ممكن تضرها.تعرض الضوافر للمية بشكل مستمر ده بيخليها جافة وبيضعفها ومن ناحية تانية شرب المية مفيد وبيقويها يعني المية في الحالة دي سلاح ذو حدين يعني شربها مفيد وهيساعد على تقوية الضوافر لكن تعريض الضوافر للمية هيضعفها ويخليها جافة, يعني اشربي مية كتير وعرضي ايدك للمية بشكل قليل عشان تحافظي عليها.كل ما تغسلي ايدك او تعرضيها للمية لازم ترطبيها بالكريم المرطب على طول عشان تحافظي على رطوبتهم, او تنقعي ضوافرك في زيت زيتون يوميا لمدة 10 دقايق ده علاج هايل جدا وفعال للضوافر الجافة, وابعدي خالص عن اي منتجات يكون فيها كحول.مزيل طلاء الضوافر او المانيكير من الحاجات اللي ممكن تسبب جفاف الضوافر وبتضعفها جدا وتخليها تتشقق خصوصا الانواع اللي فيها اسيتون, عشان كده حاولي تستخدمي انواع فيها بروتين وتكون خالية من مادة الاسيتون, وادهني ضوافرك بزيت اللوز الحلو عشان تغذيهم وتقويهم.من المشاكل اللي بتظهر كتير على ضوافرنا وفي كتير بيعانوا منها ومش بيبقوا عارفين سببها هي البقع البيضا والبقع دي بيكون سببها نقص الزنك, عشان كده لازم تدخلي الزنك في نظامك الغذائي وهتلاقيه موجود في اللحوم , والاسماك , والحبوب الكاملة, والمكسرات, والخضروات الجذرية زي الجزر واللفت والفجل والقلقاس.من المشاكل اللي بتحصل مع كتير مننا هي فطريات الضوافر وبتكون مشكلة صعب حلها وبتاخد وقت, لكن من الحاجات اللي اثبتت فعاليتها في علاج فطريات الضوافر هو زيت شجرة الشاي حطي منه على ضوافرك من نقطة لنقطتين كل يوم لعلاج الفطريات.لو انتي بتعملي مانيكير لنفسك في البيت متقطعيش الجلد اللي حوالين الضوافر لان ده بيسمح بدخول الفطريات والبكتريا للضوافر , افضل حاجة انك تدهني الجلد باي زيت مرطب وتدلكيهم وتزقي الجلد لورا بس من غير ما تقطعيه.ضيفي 5 نقط من زيت شجرة الشاي وعليهم 5 نقط زيت اكليل الجبل ونقطتين زيت الاوريجانو و250 جرام “طين البنتونيت” او طين البحر الميت ” كل المكونات هتلاقوها عند العطار” تمزجوا كل المكونات مع بعض كويس بمعلقة خشب مش معدنية وبعدين حطي البودرة في اي برطمان عندك واستخدميه يوميا رشي منه على ضوافرك وممكن ترشي منه جوه الجزمة بعد ما ترجعي من بره عشان يمتص الرطوبة ويمنع تكون الفطريات فيها, وغيروا دايما الشرابات باستمرار واستخدموا شرابات نضيفة.عشان نحل مشكلة الضوافر الصفرا ممكن نعمل سكراب بسيط جدا هنضيف شوية مية اكسجين ومعاهم شوية من صودا الخبر “كربوناتو” لحد ما تكون عندنا عجينة وندلك بيها الضوافر ونسيبها دقايق وبعدين نغسل الضوافر, الوصفة دي بتساعد جدا على تبييض الضوافر.الضوافر زي الشعر والبشرة محتاجة انها تتنفس وترتاح يعني زي ما بنريح بشرتنا من المكياج وشعرنا من الصبغة نريح ضوافرنا من المانيكير مش لازم نحط باستمرار عشان ندي فرصة لضوافرنا انها تتنفس لانها ده هيساعد انها تبقى صحية اكتر واقوى ولونها ابيض طبيعي لان المانيكير الكتير بيسيب بقع على الضوافر وبيغير لونها مع الوقت عشان كده من الافضل اننا نحط مانيكير على فترات مش باستمرار.اعرفي كمان ازاي تطولي اظافرك بطرق طبيعية وسريعة؟ و عادة قضم الاظافر اسبابها وطرق علاجها.