3 لوك مكياج مختلف مع باليت نيكد 3 Naked من اربن ديكاي

ماركة نيكد من الماركات الممتازة جدا ومن الحاجات المميزة جدا في منتجاتهم باليت نيكد 3 البلته دي فيها مجموعة الوان ايشادو ناعمة وهادية جدا منها درجات الوردي والموف الفاتح, وبتيجي مع البلته فرشة مزدوجة ناحية عشان تحطي بيها الايشادو والناحية التانية عشان تمزجي بيها الالوان على الجفون, والبلته فيها 12 لون منهم 9 الوان مات او مطفيين و 3 الوان فيهم لمعة.اللوك الاولاني استخدمت فيه 3 درجات من اللون الوردي مع الموف الفاتح اوي , اول حاجة هنطبق اللون الفاتح عند الزاية الداخلية للعين لحد نص الجفن, واللون المتوسط عند نص الجفن ,واللون الغامق عند الزاية الخارجية للعين, وبعدين هندمج الالوان مع بعض كويس على الجفن, ممكن تكثفي اللون بانك تحطي اكتر من طبقة, وعشان نعمل ظل للعين ونظهرها اكتر هنستخدم اللون الغامق على خط الرموش اللي تحت ونمدها على طول الجفن, وهنكمل باقي مكياج العيون عادي هنستخدم ايلاينر بني غامق مات ولون تاني نيود نرسم خط باللون البني الغامق على طول خط الرموش من فوق ونمده لحد الزاوية الخارجية للعين بسمك بسيط واللون النيود هنحط منه خط جوه العين على الجفن اللي تحت عشان تدي اضاءة حلوة للعين وهي هنا في اللوك ده استخدمت الايلاينر البني الغامق  “7/24 من اربن ديكاي” واللون النيود من “ريميل” , وبعدين نستخدم اداة تني الرموش من “شو ايمورا” عشان ندي طول لرموشنا واخر حاجة هنحط طبقتين من الماسكارا السودا وهنا استخدمت ماسكارا “لانكوم هيبنوز”.تاني لوك استخدمت فيه 4 الوان ايشادو, حطت اللون الفاتح عند الزاوية الداخلية للعين, واللون المتوسط عند من منطقة نص الجفن, واللون الغامق عند الزاية الخارجية للعين, هنمزج الالوان مع بعض كويس بالفرشة, هنحط ايلاينر اسود مات على طول خط الرموش اللي فوق ونمده لحد الزاوية الخارجية للعين واستخدمت هنا ايلاينر زيرو من “اربن ديكاي”, وبعدين هنستخدم اللون الغامق من الايشادو هنرسم بيه خط على طول خط الرموش من فوق ونمزجه كويس على العين , وبعدين هنرجع نستخدم تاني قلم الايلاينر ونرسم بيه خط رفيع جدا على النص الخارجي لخط الرموش على الجفن اللي تحت, وبعدين هنستخدم اللون الرابع معانا اللي هو على دهبي فاتح اوي نرسم بيه خط على طول خط الرموش اللي تحت ونمده شوية بالفرشة لتحت خط الرموش بشوية, وجوه العين على الجفن اللي تحت هنحط اللون الفاتح اللي بيدينا اضاءة للعين وهنا استخدمت قلم جامبو من “نيكس”, اخر حاجة هنحط الماسكارا السودا على الرموش عشان تدينا طول وكثافة وهنا استخدمت بردو ماسكارا “لانكوم هيبنوز”, واستخدمت في اللوك ده رموش صناعية من “ارديل”, وبعدين حطت طبقة تانية من الايلاينر الاسود السائل من “مايبيلين” على الرموش اللي فوق.اللوك ده استخدمت فيه 3 الوان, واللوك كمان مختلف شوية عن اللي فاتوا هنا حطت اغمق لون على الزاوية الداخلية للعين, وبعدين افتح لون في منطقة وسط الجفن, واللون المتوسط على الزاوية الخارجية للعين, وبعدين هنمزج الالوان كويس على الجفن واحنا بنمزج نسحب اللون الغامق اللي عند الزاوية الداخلية للعين شوية للون الفاتح اللي في نص الجفن وندمجهم مع بعض كويس , هنحط خط من اللون الغامق على خط الرموش على الجفن اللي تحت, ونمد خط ايلاينر جوه الجفن اللي تحت واستخدمت ايلاينر 7/24 اسود ارجواني من “اربن ديكاي”, هنجعد الرموش باداة تني الرموش واستخدمت اداة تني رموش “شو ايمورا” وبعدين هنحط من طبقتين لتلات طبقات من الماسكارا واستخدمت ماسكارا “لانكوم هيبنوز” سودا, ممكن نستخدم اللون الفاتح من الايشادو نحط منه بصباعنا بطريقة التربيت كده على الزاوية الداخلية للعين ونمده لحد نص جفن العين من تحت عشان نظهر العين اكتر, وبعد كده هنحط خط ايلاينر رفيع على خط الرموش اللي فوق واستخدمت ايلاينر اسود سائل من “مايبيلين”.