23 ستايل كاجوال لربيع 2016
بدأنا فصل الربيع بزهورة والوانه الزاهية الجميلة, لكن معظمنا تقريبا بيحتار في اختيار لبس الربيع لانه بيبقى بين الشتا والصيف ومش بنعرف انسب حاجة ليه ايه, احنا النهاردة هنريحكم من الحيرة دي وجايبين لكم 23 ستايل كاجوال لربيع 2016 والستايلات كلها بالشوز والشنطة وبالاكسسوار بتاعها عشان نسهل عليكم الموضوع اكتر وتقدروا تختاروا منهم اللي يناسبكم, وكمان الستايلات منوعة جدا في منها يمشي للشغل ولخروجاتنا الصبح وبعد الضهر.1- الاستايل الاولاني معانا عبارة بنطلون جينز سكيني ومعاه بادي ابيض وفوقيهم جاكيت ابيض بكشكشة واستايل الكشكشة طالع موضة جدا السنة دي, مع الشنطة والصندل الازرق لون البنطلون وطبعا الطلة كملناها بالاكسسوار بحلق فضي مع اسورة وعقد بالازرق في فضي وساعة باستيك ازرق.2- استايل للبنات اللي بيحبوا الجيب, البلوزة بالوان زاهية وجميلة ومناسبة جدا لجو الربيع مع جيب رصاصي, وبليزر برتقاني, وطبعا الاستايل كملناه بردوا بالشوز والشنطة والاكسسوارات المناسبة, الميزة في الطقم ده انك ممكن تلبسيه الصبح كامل للشغل وبعد الضهر ممكن تخرجي بيه من غير البليزر.3- وزي ما قولنا الكشكشة موضة جدا السنة دي هنا دخلت في البلوزة باللون البرتقاني مع جيب اسود وعليهم بليزر مقلم ابيض في اسود.4- اللون البرتقاني من الالوان الزاهية جدا والمناسبة لفصل الربيع عشان كده هنا اللون البرتقاني دخل في استايل تاني كاجوال وجميل جدا, بلوزة بيج مع بنطلون ابيض وعليهم كارديجان ربيعي خفيف باللون البرتقاني الغامق, وكمان الكارديجان موضة اوي لربيع 2016.5- من انسب الالوان للربيع والصيف هي الالوان النيون زي الاصفر, وفي الستايل ده دخلنا الجيب الاصفر معاها بلوزة بيضا قصيرة وعليهم جاكيت جينز خفيف قصير, والستايل مناسب جدا للمحجبات وللبنات اللي بيحبوا استايل الجيب الماكسي.6- البنات اللي بيحبوا الفساتين اكيد مش هننساهم, ده ستايل فستان بني قصير مع كارديجان قصير خفيف بنقشة النمر, وعشان نكسر اللون البني هنكمل الستايل بشنطة باللون الازرق ونسقها مع اكسسوارات بني في ازرق.7- الاستايل ده ناعم جدا كله الوان نيود خفيفة مناسبة لفصل الربيع, جيب قصيرة وردي فاتح في نيود مع جاكيت نيود وهنا بدل الاكسسوارات ممكن نغير ونلبس سكارف صيفي بالوان مناسبة مع الوان الطقم بتاعنا.8- الستايل ده كمان حلو جدا, جيب قصيرة منقوشة بوردات مع بادي ابيض وكارديجان قصير, وبردوا ضيفنا سكارف صيفي خفيف عشان نكمل الستايل بتاعنا.9- الطقم ده ممكن نلبس الجيب مع القميص والسكارف بس, وممكن نلبسه مع كارديجان قصير.10- الستايل ده كلاسيك مناسب اوي للشغل, واللون الاخضر والبني الشوكولاتة من تركيبات الالوان اللي بتبقى حلوة جدا مع بعض.11- فستان كاجوال قصير مقلم ممكن يتلبس لوحدة وممكن يتلبس مع كارديجان قصير.12- الستايل ده ناعم اوي بالوان خفيفة, دخلنا البليزر الليموني مع بلوزة رصاصي فاتح اوي ودخلنا معاهم اللون الرصاصي الغامق شوية في الجيب عشان ميبقاش الطقم باهت اوي لازم نظهره بلون غامق مع الالوان الفاتحة.13- البليزر من الحاجات الموضة اوي عشان كده هنلاقيها داخلة في اكتر من استايل وهنا دخلنا بليزر رمادي غامق مع فستان اسود قصير.14- وهنا استايل تاني للبليزر مع بنطلون ابيض وبلوزة بيضا.15- هنا بردوا البنطلون الابيض دخلناه مع بلوزة اخضر نعناعي وبادي ابيض, والابيض طبعا من الالوان المناسبة جدا للربيع والصيف.16- الستايل ده من الستايلات الحلوة اوي, البليزر باللون الخوخي الفاتح اوي مع بنطلون رمادي وتوب اووف وايت.17- هنا بردوا بنطلون رمادي لكن باللون الغامق وننسقه مع كارديجان ابيض وبادي كحلي.18- توب بينك غامق منقوش مع بنطلون ابيض ستريت, واللون البينك بكل درجاته من الالوان التحفة اوي والمناسبة كمان للربيع.19- الستايل ده من الستايلات التحفة الوانه هادية وخفيفة, بنطلون اووف وايت مع بلوزة خوخي وستايل البلوزة مختلف اوي وجديد.20- الستايل ده جمع ما بين اللون البينك في بليزر بستايل وتصميم مختلف مع اللون الشيكولاتة في البلوزة والجيب.21- الستايل ده مناسب اوي للخروج بعد الضهر هيبقى حلو اوي, توب رمادي فاتح مع بنطلون رمادي غامق.22- الستايل ده لمحبات الفساتين القصيرة,هو عبارة عن فستان باللون النبيتي ومعاه كارديجان باللون الكاكاو.23- اخر ستايل معانا بلوزة مطبوعة برسومات وروود مناسبة اوي للربيع مع جينز سكيني ازرق غامق وبليزر بيج قصير.
Comments