5 فوائد للعسل لغلق المسام الواسعة وعلاج حب الشباب

كتير مننا بيعرف ان العسل من أهم العناصر الطبيعية اللي بتمد الجسم بفوائد كتير ، فهو علاج قوي وفعال لمكافحة كتير من الامراض والمشكلات اللي بيتعرض ليها الجسم ، كمان هو له فوائد لغلق المسام الواسعة وعلاج حب الشباب.

يستخدم العسل في تنظيف البشرة وتخليص المسامات من الأتربة والغبار والسموم اللي بيتعرض ليها الوجه خلال اليوم، فتقدري تنظفي الوجه بالعسل بإستخدام  معلقة واحده من العسل مع القليل من عصير الليمون ومعلقتين من مسحوق اللوز، اخلطي المكونات كويس بعدها تطبقي الماسك على الوجه واعملي تدليك للبشرة بأطراف الاصابع بعدها اشطفي وشك بالمياه.

العسل بيقدر يساعد في علاج مشاكل البشرة الدهنية لأن العسل بيحتوي على كتير من الخصائص الطبيعية كمان بيقدر يمتص الرطوبة الزائدة عن حاجه البشرة اللي بتكون السبب في نمو الميكروبات في المسام.

يعمل العسل على ترطيب البشرة وتغذيتها ده غير انه مطهر طبيعي للبشرة لأنه بيخلص الجلد من البثور ، ده غير انه بيساعد على اختفاء الحبوب.

يساعد العسل في تقشر البشرة وصنفرتها، من خلال خلط معلقتين من اللوز المطحون مع معلقة كبيرة من العسل بعدها حطي معلقة ونص صغيرة من عصير الليمون حطي الخليط على وشك بعدها اغسليه بالمياه.

يعزز العسل من نضارة وإشراقة البشرة وبيساعد على غلق المسام الواسعة ، افردي طبقة رقيقة من العسل على الوجه بعد غسله وتجفيفه وتركه لمدة ٢٠ دقيقة.

مشروب القرفة والعسل لريجيم صحي

3 وصفات منزلية للتخلص من سواد الأبطين

3 خلطات هتخلصك من تجاعيد الايد