ايه هي المواد الطبيعية اللي تغير لون الحنة ؟

كلنا من وقت للتاني بنحب نغير لون شعرنا عشان نجدد وتغيير للوك بس المشكلة انه في كتير بيخافوا يستخدموا الصبغة بسبب المواد الكيميائية اللي فيها واللي بتسبب تلف وجفاف الشعر, لكن ده اكيد مش هيوقفنا اننا نغير اللوك بتاعتنا ونغير لون شعرنا النهاردة جيبنا لكل بنات حوا طريقة تلوين الشعر بالحنة وايه هي المواد الطبيعية اللي نضيفها عشان تغير لون الحنة وتدينا الالوان اللي احنا عايزينها لشعرنا.1- الحنة تعتبر افضل صبغة للشعر لانها مافيهاش اي مواد كيميائية بتضر الشعر.2- تعتبر علاج ممتاز لعلاج قشرة الشعر, وبتمنع تساقط الشعر.3- بتعالج التهابات فروة الراس, وفيها مواد مطهرة بتنضف فروة الراس من الميكروبات والطفيليات.4- مفيدة جدا للي بيعانوا من الشعر الدهني لان الحنة بتحتوي على مواد قابضة بتمنع افراز الدهون الزيادة في فروة الراس. 1- الافضل اننا نخلط مع عجينة الحنة اي نوع زيت مناسب للشعر زي زيت اللوز او زيت جوز الهند او زيت الزيتون عشان الحنة بتمتص الرطوبة وبتقلل افراز العرق وده بيخلي الشعر ينشف شوية عشان كده الافضل نضيف زيت لعجينة الحنة.2- استخدمي مية دافية لخلط الحنة, واستخدمي ادوات بلاستيك في خلطها لانها ممكن تتفاعل مع الالومنيوم او الستانلس ومتديناش النتيجة اللي احنا عايزينها.3- ضيفي عصير ليمون لخليط الحنة عشان تدينا لون الحنة المطلوب بشكل افضل.4- الافضل اننا منغسلش شعرنا قبل الحنة, يتغسل بس بعد ما نحط الحنة عليها ونسيبها المدة المطلوبة.– بعد ما نحضر عجينة الحنة نحط على كتفنا اي حاجة عشان نحمي هدومنا من انها تتبقع من الحنة, وحطي زيت او كريم حوالين منابت الشعر من قدام وعلى الرقبة وعند الودان عشان الحنة متصبغش الجلد, وطبعا مننساش نلبس جوانتي عشان نحمي ايدينا.– قسمي شعرك خصل وابدأي حطي الحنة من قدام خصلة خصلة من الناحيتين, وزعي الحنة على الشعر كله بنفس الطريقة وبعد ما تخلصي كل الشعر دلكيه كله كويس عشان الحنة تتوزع بالتساوي على كل الشعر, وبعدين غطي شعرك بكيس بلاستيك او بطاقية الشعر وسيبي الحنة على شعرك من ساعة  لتلات ساعات.– اخر خطوة هتغسلي شعرك كويس بالشامبو والبلسم.1- الوصفة الاولى:باستخدام البابونج وخل التفاح اخلطي كمية الحنة المناسبة لطول وكثافة شعرك مع كوباية من البابونج المغلي و3 معالق خل تفاح او خل عادي وكمية مناسبة من المية الدافية وفنجان زيت من اي نوع واخلطيهم كويس وبعدين سيبيها تتخمر لمدة 3 ساعات وبعدين ضيفي عليها عصير ليمونة, وبعدين حطيها على شعرك من ساعة لتلات ساعات حسب درجة اللون المطلوبة, وبعدين اغسلي شعرك بالشامبو والبلسم.2- الوصفة التانية:باستخدام قشر الباذنجان هنجيب قشر الباذنجان وننقعه في مية شوية وبعدين نغليه ونخلطه مع مسحوق الحنة وكمية مناسبة من المية الدافية وفنجان زيت من اي نوع واخلطيهم كويس وبعدين سيبيها تتخمر لمدة 3 ساعات وبعدين ضيفي عليها عصير ليمونة, وبعدين حطيها على شعرك.اخلطي الحنة مع كوباية كركدية مغلي و3 معالق قشر رمان مجفف ومية دافية وفنجان زيت وكوباية خل تفاح وسيبيها تتخمر 3 ساعات وبعدين ضيفي عصير ليمونة وحطيها على الشعر من ساعة لتلات ساعات, وممكن نستخدم قشر الرمان بس او الكركدية بس.اخلطي مسحوق الحنة مع عصير جزر او عصير بنجر او خليط من الاتنين وضيفي مية دافية وفنجان زيت وبنفس الطرق اللي فاتت تتساب تتخمر 3 ساعات وبعدين ضيفي عصير ليمونة وحطي الخليط على الشعر وسيبيه المدة المطلوبة.1- الوصفة الاولى:هنخلط مسحوق الحنة مع معلقة كبيرة بن وعصير ليمونتين ومية دافية وفنجان زيت ونسيبها نص ساعة وبعد كده هنضيف بياض بيضة ونخلطها كويس مع عجينة الحنة ونحط الخليط على الشعر.2- الوصفة التانية:هنخلط مسحوق الحنة مع مقدارمناسب من عصير الليمون واللبن الرايب وبعدين نحط الخليط على الشعر ونسيبه من ساعة لتلات ساعات وبعدين نغسله.1- الوصفة الاولى:هنخلط مسحوق الحنة مع 3 معالق قشر باذنجان مطحون و3 معالق خل تفاح او خل عادي ومقدار مناسب مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة ونحط الخليط على الشعر ونسيبه المدة المطلوبة زي ما قولنا من ساعة لتلات ساعات.2- الوصفة التانية:اخلطي مسحوق الحنة مع كميات متساوية من القهوة والشاي ومقدار مناسب مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة ونحط الخليط على الشعر ونسيبه المدة المطلوبة.هنخلط مسحوق الحنة مع 5 معالق بودرة كاكاو و3 معالق خل تفاح او عادي وكمية مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة ونحط الخليط على الشعر.هنخلط مسحوق الحنة مع علبة سفن اب صغيرة وكمية مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة ونحط الخليط على الشعر.هنخلط مسحوق الحنة مع 3 معالق كركم ومعلقة كبيرة خل تفاح او عادي وكمية مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة ونحط الخليط على الشعر.الخلطة دي من غير حنة هنغلي بس نص كوباية بابونج في كوبايتين مية ونحط الخليط على الشعر ونسيبه 3 ساعات او اكتر حسب درجة اللون اللي انتي عايزاها وبعدين تشطفي شعرك بالمية, وعشان الخلطة تجيب نتايج فعالة اكتر ممكن تقعدي بيها في الشمس هتديكي اللون بشكل احسن واسرع.اغلي مقدار مناسب من مسحوق الحنة مع كمية زيت خروع يكون ضعف كمية الحنة وبعد ما تغليه سيبي الخليط لمدة يوم لحد ما تلاقي لون الزيت اتحول للاسود, حطي الخليط على شعرك وسيبيه تلات ساعات وبعدين اغسليه بالمية والشامبو.– نصيحة اخيرة لو عايزة تثبتي اللون فترة طويلة اغلي قشر برتقان او ليمون مع المية الدافية اللي بتستخدميها لعجن الحنة اغليها لمدة 10 دقايق وبعدين اعجني بيها الحنة عادي, وعشان نتايج احسن ولون قوي كرري صبغ الشعر بالحنة كل اسبوع او عشر ايام.