المحتوى الرئيسى

اسباب خطوط وتجاعيد تحت العين .. ووصفات طبيعية لعلاجها

03/01 11:07

خطوط وتجاعيد تحت العين هي تعتبر من اعراض الشيخوخة يعني من الطبيعي بتظهر مع التقدم في السن لانه بيحصل ارتخاء للمنطقة اللي حوالين العين لانها حساسة جدا والجلد بيكون فيها رقيق عن باقي البشرة وبتتأثر بسرعة من اي حاجة,  لكن المشكلة انها بتظهر لبنات كتير في سن صغير لان هي ليها اسباب كتير غير السن, ولازم لما تظهر منهملهاش لان اهمالها هيخلي المشكلة تزيد كل ما عالجناها بسرعة واول ما تظهر هيكون العلاج اسهل واسرع, احنا النهاردة هنقول لكل بنات حوا عن اسباب ظهور خطوط وتجاعيد تحت العين وطرق علاجها بوصفات طبيعية.1- من اكتر الحاجات اللي بتسبب ظهور خطوط وتجاعيد تحت العين هي التعرض للشمس لفترات كبيرة عشان كده لازم على طول نحط على بشرتنا كريم واقي الشمس عشان نحميها من الاشعة الضارة ونأخر ظهور التجاعيد.2- الحاجة التانية اللي ممكن تسبب ظهور التجاعيد هو الاجهاد اللي بيكون بسبب السهر وقلة النوم او الضغط النفسي او القعاد كتير قدام التليفزيون او الكمبيوتر كل الحاجات دي بتجهد بشرتنا وبتسبب ظهور الخطوط والتجاعيد على بشرتنا.3- لو انتي متبعة نظام رجيم او حمية غذائية غلط ممكن ده يأثر على بشرتك ويسبب ظهور التجاعيد لانه بيحرم جسمك من العناصر الغذائية المهمة اللي محتاجاها وطبعا كلنا عارفين اي حاجة بتحصل جوه جسمنا بتأثر على بشرتنا, عشان كده لما نيجي نتبع اي رجيم لازم يكون رجيم صحي يعني الافضل يكون مع دكتور متخصص عشان يخليكي تمشي على رجيم صحي وميضرش جسمك ولا بشرتك, ومننساش نشرب مية كتير عشان نرطب البشرة ونتخلص من سموم الجسم اللي بتسبب لنا التجاعيد.4- اكل السكريات بشكل زيادة عن اللزوم ده بيأثر على بشرتنا وبيسبب في ظهور التجاعيد حوالين وتحت منطقة العين لان السكر بيدمر الكولاجين اللي هو ليه دور اساسي في الحفاظ على صحة بشرتنا, وكمان من الاكلات المضرة لبشرتنا الاكلات المعلبة والسريعة والمقلية لازم نحاول نتجنبها على قد ما نقدر ونستبدلها بالاكلات الصحية زي الخضار والفاكهة لانها فيها مواد مضادة للاكسدة بتحافظ على بشرتنا وبتقلل خطوط وتجاعيد البشرة.عصير الاناناس من الحاجات اللي بتساعد جدا في علاج التجاعيد وكمان تقشير الجلد, هتجيبي عصير الاناناس وتدهنية على منطقة حوالين العين وتسيبيه عشرين دقيقة وبعدين تغسليه بالمية.الجلد تحت العين بيكون حساس جدا عشان كده لازم نرطبه بشكل مستمر ومن الحاجات اللي ليها تأثير فعال جدا في ترطيب البشرة هو زيت الخروع كل يوم قبل ما تنامي ادهني منطقة تحت العين بزيت الخروع وسيبيه على بشرتك لحد الصبح, ده بيساعد جدا على ترطيب المنطقة تحت العين وبيمنع ظهور التجاعيد.زيت الروز ماري او “اكليل الجبل” نجيبه وندهن بيه المنطقة اللي تحت العين وندلكها باطراف صوابعنا بالراحة لمدة دقايق ونكرر الوصفة كل يوم.الخيار من الحاجات الفعالة جدا في علاج تجاعيد تحت العين ومش بس بيعالج التجاعيد كمان الهالات السودا, هتجيبي شريحة خيار وتحطيها في التلاجة لان لازم تكون ساقعة عشان تجيب نتيجة احسن وبعدين هنحطها تحت العين لمدة ربع ساعة ونكرر الطريقة دي يوميا هتحمي تحت العين من التجاعيد وهترطب الجلد وتخلصك كمان من الهالات السودا.عسل النحل من افضل المرطبات الطبيعية للجلد والزنجبيل من الحاجات اللي بتحسن عمل الدورة الدموية في منطقة تحت العين عشان كده خلط العسل والزنجبيل مع بعض نتيجته ممتازة جدا, هنجيب معلقة زنجبيل مطحون ونضيف عليها نص معلقة عسل ونخلطهم مع بعض كويس وندلك منطقة تحت العين بالخليط ده لمدة عشر دقايق وبعدين نسيبه ساعة وبعدها نغسله بالمية, ونكرر الوصفة دي كل يوم.هنجيب زيت جوز الهند وندلك بيه منطقة تحت العين لمدة عشر دقايق يوميا ونسيبه على البشرة من بالليل للصبح عشان يتشرب في بشرتنا كويس ويساعد في ترطيب الجلد ويمنع الخطوط والتجاعيد تحت العين.زيت الزيتون من الزيوت اللي بترطب البشرة ترطيب عميق, هنجيب زيت الزيتون وندفيه شوية وندلك بيه منطقة تحت العين لمدة دقايق ونسيبه من بالليل للصبح, ونكرر الوصفة يوميا.الافوكادو في نسبة عالية جدا من الدهون عشان كده يعتبر من الحاجات الفعالة جدا في علاج تجاعيد تحت العين, هنجيب شريحة من الافوكادو ونحطها على منطقة تحت العين لمدة ربع ساعة وانتي حطاها حاولي تضغطي على المنطقة بالراحة عشان نساعد ان الزيوت اللي جواه تتغلغل في بشرتنا وتغذيها, وممكن نستخدمة مهروس نهرس الافوكادو كويس لحد ما يبقى على شكل عجينة ونفرده على منطقة تحت العين ونسيبه عشر دقايق وبعدين نغسله بالمية.هنجيب مية الورد وندهن بيها منطقة تحت العين مرتين في اليوم, بيساعد جدا في علاج خطوط وتجاعيد تحت العين.بياض البيض من الحاجات المعروفة جدا انها بتشد الجلد وبتمنع ظهور التجاعيد تحت العين, هنجيب بياض البيض وندهنه تحت العين ونسيبه لحد ما تلاقي بشرتك بدأت تشد اغسليه على طول ومتسيبهوش زيادة عن اللزوم لانه ممكن يعمل نتيجة عكسية  اول ما ينشف وتلاقيه شد على بشرتك اغسليه على طول.هنجيب نص كوباية خميرة ونضيف عليها ونضيف عليها زيت زيتون لو بشرتك جافة ولو بشرتك عادية ضيفي بدل الزيت لبن دافي ولو بشرتك دهنية حطي بيروكسيد الهيدروجين بنسبة 3% هتلاقوه موجود في الصيدلية, هنمزج الخميرة مع المكون اللي هتختاروه لحد ما يبقى عندنا خليط سهل الفرد على البشرة هنحطه على بشرتنا ونسيبه 20 دقيقة وبعد كده هنغسله بمية دافية.هنجيب العنب البناتي الاخضر ونضربه في الخلاط ونصفيها وناخد العصير بتاعها ندهن بيه منطقة تحت العين ونسيبه لمدة 20 دقيقة وبعدين نغسله بمية دافية.هنخلط نص معلقة عسل نحل مع مقدار مناسب من عصير الجزر بحيث ان الخليط ميبقاش سايل اوي ولا جامد اوي ونحط الخليط تحت العين ونسيبه 20 دقيقة وبعدين نغسله بمية دافية.هنهرس ثمرة موز وهنحطها على منطقة تحت العين ونسيبها لمدة 20 دقيقة وبعدين نغسل البشرة بمية دافية.هندهن منطقة تحت العين يوميا بزيت اللوز المر ونسيبه على البشرة لمدة نص ساعة وبعدين نغسله, والوصفة دي مش بس بتعالج التجاعيد بتعالج كمان الهالات السودا.هنخلط شوية شاي مجفف مع ورق نعناع مجفف وكزبرة خضرا وخيار متقطع ونحطهم في الخلاط مع بعض هيبقى عندنا خليط شبه الكريم ندهن بيه منطقة تحت العين يوميا لمدة نص ساعة وبعدين نغسل بشرتنا, الوصفة دي فعالة جدا ونتيجتها بتظهر بعد اسبوع من الاستخدام.عصير التفاح من الحاجات الهايلة جدا اللي بتعالج تجاعيد تحت العين هندهن منطقة تحت العين يوميا بعصير التفاح ونسيبه لمدة 20 دقيقة وبعدين نغسله بالمية وعصير التفاح مش بيعالج بس خطوط وتجاعيد تحت العين كمان بيعالج الخطوط اللي حوالين الفم, وممكن نشربه مش ندهنه بس شربه كمان مفيد جدا للبشرة.هندهن منطقة تحت العين بعصير البرتقان مرتين في اليوم, وكرري الوصفة يوميا بردو من العلاجات الفعالة جدا في علاج التجاعيد وهتلاحظي الفرق بعد اسابيع من الاستخدام.اعرفي معانا كمان وصفات لعلاج اثار الخدوش والجروح والندبات .

نرشح لك

أهم أخبار مصر

Comments

عاجل