المحتوى الرئيسى

اتعرفي معانا على انواع البودرة وازاي تختاري اللي يناسبك؟

02/19 15:38

البودرة تعتبر من اساسيات المكياج بتاعنا لانها هي اللي بتثبت كريم الاساس وتخليه يدوم معانا طول اليوم وفي انواع بودرة مختلفة وكل نوع ليه استخدامات وكل بشرة ليها النوع اللي يناسبها بس في كتير مننا مش بيعرفوا يفرقوا ما بين انواع البودرة او يختاروا البودرة اللي تناسب نوع بشرتهم عشان كده احنا النهاردة جيبنالكم كل حاجة حابين تعرفوها عن البودرة ايه هي انواعها ؟ وايه النوع المناسب لكل بشرة ؟.النوع ده بيعمل تغطية خفيفة وبيثبت المكياج وبيمتص لمعان الوش عشان كده النوع ده مناسب جدا للبشرة الدهنية, ونازل من النوع ده الوان مش بس شفاف لكن لو هتختاري الملونة يبقى اختاري الاصفر او الدهبي لان اللونين ده افضل الوان وبيمشوا مع كل الوان البشرة لانهم بيكونوا اغمق من البشرة بدرجة او درجتين, والافضل انك تحطيها بفرشة كبيرة عشان تتوزع كويس على الوش وبعد ما تحطيها عشان تشيلي الزيادة من على بشرتك نفضي الفرشة على ايدك وبعدين مرريها تاني على وشك عشان تشيلي اي زيادة وميبقاش في تكتلات بودرة في خطوط الوش وتطلع البشرة مخملية وحلوة, والبودرة دي ممكن تستخدم بودرة اضاءة لان فيها مواد بتعكس الضوء على البشرة ممكن تحطيها تحت العين وعلى الخد وعلى منطقة وسط الدقن, وليها استخدام تاني مهم كمان انك ممكن تحطيها تحت العين وانتي بتعملي مكياج العين عشان متلطخيش تحت العين بالمكياج ولما تخلصي نضفي الزيادة بالفرشة.النوع ده من البودرة اتقل من البودرة السايبة او الحرة وبتقعد فترة اطول على الوش, وممكن تحطيها لوحدها كاساس للمكياج او فوق كريم الاساس عشان تثبتيه, والبودرة المضغوطة هي تعتبر النوع الافضل لتصليح المكياج خلال اليوم لو انتي هتقضي يومك كله بره لان سهل تشيليها معاكي في الشنطة وتجددي مكياجك بيها خلال اليوم, والنوع ده مناسب للبشرة الجافة لانها مش هتخلي المناطق الجافة في بشرتك تظهر لانها مش بتنشف البشرة وبتبقي مش محتاجة تحطي منها كتير يادوب بس طبقة خفيفة.النوع ده من البودرة بيعمل تغطية كاملة على البشرة وبيدوم معاكي طول اليوم لو هتقضي يومك كله بره او هتتعرضي لاضاءة عالية او حرارة عالية عشان كده هنلاقي دايما الفنانات بيستخدموا النوع ده من البودرة لانهم بيتعرضوا للاضاءة والكاميرات, وفي منها سايب ومضغوط, وتنفع للبشرة الجافة لانها مش هتنشف البشرة.البودرة دي بتدي اضاءة حلوة اوي للوش وهي من النوع الخفيف زي البودرة السايبة, وزعيها على بشرتك بفرشة كبيرة بس مش بتتحط على كل الوش بتتحط بس على منطقة الجبين والخدين وخط الفكين عشان تضيئها وتبرز جمالها وممكن يتحط منها على منطقة العضمة تحت الحاجب عشان تبرز جمال العيون والحواجب, وبتتحط عادي بعد كريم الاساس طبعا, وممكن تحطيها على الرقبة وعلى منطقة الكتف لو انتي رايحة سهرة ولابسة سوارية هتدي اضاءة للمناطق دي وهتظهرها بشكل حلو جدا, والنوع ده يمشي مع اي نوع بشرة معادا الدهنية لان هتبينها بشكل دهني اكتر وهتزيد لمعتها, والنوع ده نازل منه الوان كتير بالنسبة للبشرة البيضا يمشي معاها الوان الوردي الفاتح والبيج والدهبي, والبشرة السمرا يمشي معاها المشمشي الفاتح او المشمشي المايل للدهبي, ونازل من النوع ده كمان حبيبات البودرة بتبقى عبارة عن كور صغيرة كده بالوان مختلفة.النوع ده من البودرة ممكن يغنيكي عن كريم الاساس ويتحط هو بس, النوع ده بيبقى مضغوط ومعاه سفنجة مخصوص وطريقتها بتحطي الاول كريم مرطب على البشرة قبل ما تحطي البودرة بنص ساعة وبعدين بلي سفنجة البودرة بالمية شوية وبعدين تحطيها على البودرة وتفرديها على وشك وبعدين تغسلي السفنجة بالمية وتعصريها كويس وتمسحي بيها على البشرة عشان تشيلي اي بودرة زيادة, بس بننصحكم ما تركزوش اوي على النوع ده لانه تقيل على البشرة ولما بتمشي بيها في الشمس فترات طويلة ممكن تسد المسام ومع كثرة الاستخدام ممكن تسبب مشاكل للبشرة يعني الافضل لو هتستخدميها يبقى مش على طول او تبقى هي نوع البودرة الاساسي بتاعك.البودرة المعدنية تعتبر من افضل انواع البودرة على البشرة وخبراء التجميل بيسموها العصا السحرية لبشرة متجانسة وطبيعية لانها مش بتضر البشرة بالعكس كمان بتحميها لان فيها مادة ثاني اكسيد التيتانيوم وده يعتبر عامل حماية من اشعة الشمس وبيغطي تجاعيد البشرة, وفيها اكسيد الزنك والماغنسيوم اللي بيحافظوا على جمال ونضارة البشرة وعنصر اكسيد الزنك ده معروف انه بيدخل في كتير من مستحضرات التجميل والعناية بالبشرة, وفيها كمان اكسيد الحديد اللي بيساعد على تغطية الحبوب والمسام الواسعة, ده غير انها بتعمل تغطية عالية جدا وبتداري اي شوائب او عيوب في البشرة بشكل طبيعي, وميزة النوع ده انه مش بيتكتل في المسامات زي انواع البودرة التانية مهما قعدت على الوش, ولما نيجي نحطها نحط طبقة خفيفة بالفرشة لانها مركزة وطبقة خفيفة منها بتكون كافية جدا, والبودرة المعدنية مناسبة لكل انواع البشرة وخصوصا الحساسة  لانها بتهدي البشرة وكمان للبشرة الدهنية.النوع ده بيتحط بعد البودرة السايبة عشان يخفي اي خطوط ويدي البشرة شكل مخملي وهي مش ضروري استخدامها اوي ومش خطوة اساسية في المكياج بس احنا حابين نعرفكم على كل الانواع وانتوا اختاروا اللي يناسبكم.البودرة دي بيتحط منها تاتشات نهائية بس على البشرة مش على الوش كله بتتحط على منطقة عضم الخدين وتحت الحاجب وعلى الجبين من الجانبين والدقن والانف, والنوع ده للي بيحبوا اللوك البرونزي بتدي ضي حلو اوي للوش, ولو انتي بشرتك بيضا وعينيكي غامقة انسب لون برونزي ليكي البني المطفي, ولو بشرتك بيضاوشعرك اشقر استخدمي البرونزي اللي فيه لمعة وبدرجة فاتحة, بالنسبة للبشرة السمرا والشعر الاسود انسب لون هو النحاسي بلمعة بسيطة وابعدي خالص عن الوردي او الاحمر, لو شعرك بني وعينكي فاتحة اختاري لون فاتح بلمعة بسيطة جدا يعني تكون اقرب للمطفي.1- اول حاجة اختيارالفرشة هنستخدم فرشتين فرشة صغيرة وفرشة كبيرة بشعر كثيف.2- اول حاجة هنحط واقي الشمس لو احنا خارجين الصبح في الشمس وبعدين نحط البرايمر بتاعنا, وبعدين الكونسيلر وكريم الاساس, وبعد كده هنحط البودرة بالفرشة الصغيرة تحطي الفرشة في البودرة وتخبطيها على العلبة عشان تنزلي منها البودرة الزيادة وبعدين تبدأي تطبقي البودرة على كل الوش وعلى الجفون.3- تالت خطوة هتاخدي الفرشة الكبيرة اللي بشعر كثيف وتمزجي البودرة على وشك بيها في حركات دائرية صغيرة لحد ما تدمجيها كويس على بشرتك.4- اخر حاجة هتحطي الكونتور والبلاشر, والهايلايتر فوق منطقة عضمة الخد عشان تدي اضاءة حلوة للوش.1- لما نيجي نختار لون البودرة نختار لون زي لون بشرتنا مش افتح لان الهدف من البودرة تثبيت المكياج مش التفتيح عشان كده افضل درجة هو المطابق للون بشرتنا.2- عشان تقدري تختاري اللون اللي يناسبك حددي نوع بشرتك طيب ازاي هنحددها؟ هتبصي على العروق اللي عند معصم الايد لو لونها ازرق يبقى انتي بشرتك من النوع البارد ويناسبها الالوان اللي بتميل للوردي الفاتح والدهبي والبيج , لكن لو العروق لونها اخضر يبقى بشرتك من النوع الدافي او السمرا ويناسبها الالوان المشمشي او اللون المايل للدهبي او البرونزي, بالنسبة للبشرة الخمرية او المايلة شوية على اللون النحاسي اختاري لون يفتح شوية من لون بشرتك بدرجة واحدة بس.3- لما تيجي تشتري البودرة متجربيهاش على الايد انسب مكان للتجربة بيكون ياما على الرقبة او الخد ووزعيها كويس على المنطقة وانتي بتجربيها عشان تشوفي قدرتها على التغطية.4- افضل طريقة عشان البودرة تتوزع بشكل صح ومثالي على البشرة اننا نحطها بفرشة كبيرة مش بالسفنجة لانها بتوزع البودرة بشكل احسن ومتساوي على الوش كله وممكن نستخدم فرشة البلاشر مش لازم نشتري فرشة مخصوص للبودرة, وتبدأي توزعي البودرة من منطقة نص الجبين وبعدين يمين وشمال وبعدين على الجفون عشان يثبت مكياج العين وبعدين على منطقة الدقن يمين وشمال وبعدين الانف في اتجاه الخدين لحد الاذن ويكون التوزيع بحركات دائرية كبيرة.5- لما تيجي تحطي اي نوع بودرة هتختارية متحطيش منه كتير على بشرتك لانه هتتكتل وتدخل في خطوط البشرة ويبقى شكلها مش حلو طبقة خفيفة من البودرة هتكون كافية جدا وهيكون شكلها احلى على الوش.6- لو انتي بشرتك مختلطة يبقى محتاجة تستخدمي نوعين بودرة على الوش لان البشرة دي بتجمع ما بين الجافة والدهنية, عند منطقة التي زون “T-Zone ” اللي هي الجبين والانف والدقن عشان بتكون دهنية حطي بودرة سايبة عشان تمتص الدهون من المناطق دي اما منطقة الخد وباقي الوش حطي عليهم بودرة مضغوطة.7- لو انتي بشرتك صافية مافيهاش حبوب او بقع او اي شوائب ممكن تكتفي بالبودرة السايبة او الشفافة بس من غير ما تحطي كريم اساس.8- وبشكل عام تعتبر البودرة المضغوطة للتغطية الكاملة والبودرة السايبة عشان تمتص الدهون وتقضي على لمعان الوش.9- قبل ما تحطي البودرة او المكياج بتاعك عموما استخدمي كريم مرطب قبلها بنص ساعة عشان بشرتك تتشربه كويس وبعدين حطي المكياج بتاعك.10- لو هتقضي يومك كله بره خلي في شنطتك دايما البودرة المضغوطة عشان تجددي بيها مكياجك خلال اليوم.

أهم أخبار مرأة

Comments

عاجل