المحتوى الرئيسى

بشرة برونزية من غير شمس ولا مكياج !

02/06 04:41

بنات حوا جايبلكم انهاردة اكتشاف رائع و كثير منكم هيحبوه جدا زى ما كلنا عارفين البشرة البرونزية بتدى جمال  و جاذبية لاى بنت و لكن ساعات مش بيتوفرلنا ان احنا نقعد فى الشمس كثير او بنخاف نأذى بشرتنا من اشعة الشمس و كمان درجات البودرة البرونزية بتكون شكلها صناعى احيانا او مش بنعرف نشترى الدرجة اللى تليق علينا . انهاردة جايبنلكم ازاى تعملوا برونز من مكونات المطبخ و هيخلى بشرتكم ناعمة و مضيئة و لونه رائع . اعرفى فى السطور الجاية ازاى تحصلى على بشرة برونزية من غير شمس ولا مكياج…مكونات البرونزر ده مش بس هتخلى لون بشرتك رائع لكن كمان هتفيدها و تزيدها نعومة و بريق لان كلها طبيعية و مكونات مفيدة للجلدالمكونات : 1 – هنشترى بودى لوشن او كريم عادى جدا مرطب من الصيدلية2 – قرفة3 – بودرة الكاكاو4 – نشا الذرة ( موجود فى السوبر ماركت ).الطريقة :1 – هنخلط معلقتين قرفة مع 3 ملاعق نشا الذرة و معلقتين بودرة الكاكاو لحد ما نوصل لقوام متماسك و اللون اللى احنا عايزينه2 – جربى اللون على ايديك و لو عايزاه اغمق زودى الكاكاو و لو عايزاه افتح زودى النشا و بلاش تزودى القرفة كثير عشان متلسعكيش فى جلدك لو كان حساس بزيادة.3- زودى اللوشن على الخليط و اخلطيه كويس و سيبيه شسوية يمتزج ببعض عشان اللون يثبت . ممكن بعد كده تحطيه فى علبة فاضية او ازازة لوشن قديمة عندك و تستعمليه .4 – لو عايزة تزودى رائحة جميلة للبرونز عشان لو هتستعمليه على جسمك و رجليكى و ايديكى ممكن تزودى 15 نقطة من اى زيت عطرى عايزياه زى الروزمارى او اللافندر او النعناع او البرتقال مش هيغيروا اللون و هيدوكى احساس جميل بالانتعاش .5 – ممكن تستعمليه على الانف و الدقن و الخدود تنورى بيه وشك و هيقعد معاكى طول اليوم و مش هيضايقك على بشرتك و هيفضل ثابت جدا و بيدى ضاءة رائعة .

Comments

عاجل