ايه هو مانيكير الاكليريك؟ اعرفي معانا عيوبه ومميزاته

مع التطور المستمر للموضة و انه كل يوم بتظهر حاجة جديدة ، و بما انه الاظافر بتعتبر دلوقتى من اهم مكملات الموضة و بقت اساسية جدا علشان يبقى اللوك بتاعك حلو وشيك و كمان بتدى أناقة كبيرة جدا للبس ، و علشان كتير من البنات بتعانى من ان اظافرها ضعيفة و بتشتكى دايما من انها بتطول  ببطئ  و انها لما بتطول بتتكسر بسهولة جدا ، دلوقتى بقى فى اختراع جديد خالص علشان تحصلى على اظافر طويلة و قوية و صحية بمنتهى السهولة وهى مانيكير الاكلريك ، فى المقال هنا هتعرفى كل حاجه عن مانيكير الاكليريك ، ايه هو و ازاى تعمليه و كمان تكلفته و مميزاته و عيوبه …هى تقنية حديثة لتركيب اظافر مبتتأثرش بالعوامل الخارجية زى المياة او انها تبوش او تتكسر ، بتتكون من مادة الاكليريك و مادة تانية لاصقة و بيتم تركيبها باستخدام مبرد وممكن تركبيها بسهولة فى مراكز التجميل  او فى البيت ، و هى بتبعتبر البديل الانسب لتركيب الاظافر الصناعية اللى ممكن تعرضك لمواقف محرجه بانها تقع فجأة او تتكسر بمنتهى السهولة .مانيكير الاكليريك كمان بيديكى الحرية بأنك تعملى ضوافرك بالشكل اللى انتى عايزاه ما بين الاظافر المستديرة ، و الاظافر الفرنش ، و الاظافر المثلثة  او اى شكل تانى تحبيه .  مشكلة مانيكير الاكليريك انه تكلفته عالية شوية يعنى ممكن يتراوح ما بين 300 ل 400 جنيه فى مراكز التجميل .بيتوفر فى كل الاشكال اللى ممكن تحبيها وكمان ممكن يتعمل شفاف او تحطى عليه ما نيكير اى لون تحبيه, و ممكن تستخدمى معاه ” الاستيكر ” الخاص بالاظافر او غيرها من الاكسسوارات و بيتم تثبيتها بكل سهولة . مع التكرار المستمر للتركيب بتخلى الظافر الاصلى اضعف و ممكن تأثر على نموه ، و علشان تتجنبى ده ممكن تستخدمى مويات الاظافر اللى بتحتوى على فيتامين E و تقدرى تلاقيها بسهولة فى اى صيدلية, ومانيكير الاكليريك بيدوم لمدة 14 يوم بس ، يعنى كل اسبوعين هتحتاجى تجديده او تعملى غيره .فى الفيديو ده هتعرفى ازاى تعملى مانيكير أو أظافر الاكليريك بالخطوات ..  1- حطى ضوافرك فى الاسيتون كام دقيقة .2- قصى ضوافرك باستخدام القصافة و قصرى الاظافر الاكليريك على قد ما تقدرى .3- باستخدام مبرد الاظافر الخاص بيكى ، ابردى ضوافرك كويس و حاولى تشيلى الجزء الباقى من الظافر الاكليريك .4-اغسلى ايدك كويس جدا علشان تشيلى بقايا المانيكير الاكليريك .5- بعد ما تنشفى ايديكى كويس ، حطى فازلين على منطقة الجلد المحيط ببالاظافر علشان تحمى جلدك من الالتهاب اللى ممكن يسببه الاسيتون .