12 سر من أسرار جمال كليوباترا !

طبعا كلنا عارفين ان الملكة كليوباترا كانت معروفة جدا بجمالها الملفت وجمال جسمها وبشرتها وشعرها ولما يتكتب عنها دايما لازم يكتبوا عن جمالها وقد ايه كانت بشرتها حلوة وصافية ودايما بنسمع ونقرا عن حمامات اللبن والعسل اللي كانت بتستحمى فيها وان على طول كانت ريحة جسمها حلوة ومميزة ومش بس بشرتها كمان جمال شعرها وقد ايه كان صحي وناعم واكيد كلنا بنسأل وحابين نعرف سر جمالها ده عشان كده احنا النهاردة جيبنالكم شوية اسرار للجمال من الملكة كليوباترا اللي كانت دايما بتستخدمها لجمال بشرتها وجسمها وشعرها وهتخلي شعرك صحي وناعم  وبشرتك جميلة زي الملكة كليوباترا.اول سر للملكة كليوباترا هو حمام اللبن ده تقريبا اكتر حاجة كانت معروفة عنها انها كانت بتستخدم حمام اللبن والعسل مع زيت اللوز عشان تخلي بشرتها ناعمة ومنورة وصافية عشان تعملي حمام اللبن اخلطي 3 كوبايات من اللبن مع نصف كوب عسل ابيض ومعاهم 5 معالق كبيرة زيت لوز وحطي الخليط ده في البانيو مع المية وانقعي جسمك فيه من نصف ساعة لساعة الحمام ده بيطري الجلد وبينعم الجسم جدا وبيخليه صافي من اي شوائب وعيوب.من الحاجات اللي كانت بتستخدمها لبشرتها كانت بتعمل سكراب بالعنب بتنضف بيه بشرتها عشان تعملي نفس الاسكراب ده هتجيبي العنب الاخضر وتهرسية كويس وتضيفي عليه عسل ابيض وتخلطيهم كويس مع بعض وتحطيه على وشك وتسيبيه ربع ساعة وبعدين تغسليه كويس بمية دافية.كانت دايما بتستخدم الملح لتقشير بشرتها وجسمها اخلطي 3 فناجين ملح ناعم مع 3/4 فنجان زيت زيتون و3/4 فنجان زيت لوز حلو وكام نقطة من اي زيت عطري تختاريه احتفظي بيه في برطمان زجاجي وخدي من الخليط اللي يكفي بشرتك وجسمك وافركيه كويس في حركات دائرية وبعدين سيبيه خمس دقايق وبعد كده اغسليه بمية دافية الخليط ده بيشيل كل الخلايا الميتة وبينعم البشرة جدا ويخليها طرية وبيخلي ريحتها حلوة والافضل انك تعملي تقشير الملح بعد حمام اللبن عشان يجيب معاكي نتيجة احسن.طبعا كلنا عارفين فوايد ماية الورد للبشرة وطلعت دلوقتي كمان انها سر من اسرار جمال بشرة الملكة كليوباترا كانت بتمسح بشرتها كل يوم الصبح وبالليل بمية الورد بتنعم البشرة جدا وتغذيها, كمان لما تكون الدنيا حر ممكن ترشي بشرتك بمية الورد هترطب البشرة جدا وتنعشها, من فوايد مية الورد كمان انك ممكن تستخدميها بدل البرايمر قبل المكياج ده هيساعد ان المكياج يثبت على بشرتك فترة اطول وكمان هيفرق معاكي جدا لما تيجي تحطي كريم الاساس هتلاقيه بيتفرد على وشك اسهل بكتير وهتحسي بشرتك ناعمة ومخملية جدا, وغير ده كله انها هتخلي ريحة بشرتك حلوة جدا.من الحاجات اللي معروفة جدا عن الملكة كليو باترا انها كانت بتستخدم خل التفاح بتغسل بيه وشها لانه بينشط الدورة الدموية وبينظم درجة الحموضة في الجلد, طيب نعمل ازاي غسول خل التفاح؟ هتجيبي طبق تحطي فيه مية دافية وتحطي عليهم ربع كوب خل تفاح هتغسلي وشك كويس الاول وتتأكدي انه نضيف وبعدين تغسليه بخليط خل التفاح وسيبي وشك ينشف لوحده من غير ما تنشفيه بالفوطة.كان من روتينها اليومي خليط الزيت والليمون عشان تنضف بشرتها كانت بتغسل بيه بشرتها اكتر من مرة في اليوم اخلطي اي نوع زيت مناسب لبشرتك مع الليمون اغسلي بيه وشك وبعدين اشطفيه بخليط خل التفاح والمية اللي احنا قولنا عليه ده هيخلي بشرتك على طول نضيفة ومنورة.طبعا على ايام كليوباترا مكنش لسه في مانيكير هي كانت بتستخدم الحنة على ضوافرها بدل المانيكير بيدي لون بني محمر طبيعي للضوافر ده غير ان الحنة مفيدة جدا للضوافر بتغذيها وبتحميها من التقصف والتكسر.العسل من الحاجات اللي مكنتش بتستغنى عنها لان ليه فوايد كتير جدا للبشرة بيقتل البكتيريا اللي بتضر البشرة وفيه مواد مضادة للاكسدة بتحمي الجلد وبيمنع ويعالج حب الشباب وبيأخر علامات الشيخوخة على البشرة وبيرطب الجلد بس تدهني بشرتك بالعسل من غير اي اضافات تانية.اخلطي نصف معلقة زبادي مع نصف معلقة ملح ناعم ومعلقة خميرة ودلكي وشك بالخليط لمدة دقايق وبعدين اغسليه بمية دافية.كانت بتعمل كريم للوش كله من مكونات طبيعية مفيدة للبشرة عشان تعمليه هتجيبي 2 معلقة كبيرة من صبار الالوفيرا ومعلقة كبيرة زيت لوز و2 معلقة من شمع العسل و4 نقط من اي زيت عطري انتي تختاريه هتسخني شمع العسل مع زيت اللوز لحد ما يسيح ويبقى عندك خليط سايل وبعدين تضيفي عليهم باقي المكونات وممكن كمان عشان تزودي فايدة الكريم ضيفي على الخليط كبسولة فيتامين E هتلاقيه موجود في الصيدلية اخلطي المكونات كلها مع بعض كويس جدا وسيبيه لحد ما يبرد وبعدين احتفظي بيه في التلاجة واستخدمية ورجعيه تاني في التلاجة بعد كل استخدام الخليط ده يقعد معاكي في التلاجة تقريبا اسبوع واحد لان كله مواد طبيعية ومافيهوش اي مواد حافظة عشان كده الافضل تعملي كمية صغيرة تكفيكي اسبوع ولما يخلص اعملي كمية تانية.اخلطي 3 معالق عسل مع معلقة كبيرة زيت خروع او زيت زيتون المتوفر عندك الاتنين هيعملوا نفس النتيجة معاكي اغسلي شعرك وبعدين حطي عليه الخليط وسيبيه على شعرك من 5 دقايق لربع ساعة الماسك ده هايل للشعر بيعالج الشعر التالف وينعمه ويخليه بيلمع.معلقة كبيرة زيت زيتون ومعلقة كبيرة زيت خروع نخلطهم كويس مع بعض وندفيهم شوية على النار وبعدين ندلك بيهم فروة الراس والشعر وبعدين تلفي الشعر بفوطة سخنة وسيبيها ربع ساعة وبعدين اغسلي شعرك كويس بالشامبو والبلسم الخلطة دي مغذية للشعر جدا وبتنعمه.