أبوحفيظة : 'السياسة أدب مش هز لسان'

قدم الإعلامى أكرم حسنى، مقدم برنامج " أسعد الله مسائكم من جديد"، الذى يُعرض على فضائية mbc مصر،دليل السياسى المصرى ووضع به عدة نصائح لكل شاب مصرى يرغب أن يكون ناشط سياسى أو شخص مشهور فى المجال السياسى فى مصر.

فكانت النصائح كالتالى حيث قال "علشان تبقى سياسى ناجح،سمى نفسك أبو العرايس أو أبو الباندا، لازم تميز نفسك باللبس، ألبس كوفية حمرا، وخد شقة فى دور أرضى فى أى حتى وسمية أى حاجة فيها مصر، أعمل تهنئه للشعب المصرى العظيم، فى أى مناسبة المهم ان أنت تشاركهم وخلاص، أترشح فى أى حاجة تقابلك، أطلق على نفسك المرشح المحتمل ".

وأضاف قائلًا " أعمل كولدير فى حب مصر، أعمل مداخلات مع كل القنوات العميقة، ولازم يكون لوجو القناة ظاهر، علشان تاخد سكرين شوت وأنشرها فى كل حته وعرف الناس أنك بتظهر فى التليفزيون، أستخدم كلمة على جميع الاصعدة، ركز على نظرية المؤامرة، الناس بتحب دة جدًا بتخليهم يركزوا فى الخطر الخارجى وينسى أى حاجة داخلية، أحضر أى عيد وطنى وروح أى سفارة أجنبية، فيه قاعدة بتقول السياسى لازم يكون ليه تاريخ ثورى، قول دايمًا أنك أول واحد نزلت التحرير".