لمحبي السيما.. دليل أفلامك العربية في بداية 2016

لو عايز تدخل سينما، بس معندكش فكرة عن الأفلام العربية اللي معروضة حاليا في السينمات، "إتفرج" هيساعدك ويقدملك دليل السينما لأفلام 2016، وكل ما عليك هو إنك تختار.

الفيلم من إخراج أحمد عبد الله صالح، نول للعرض بتاريخ 6 يناير 2016  ويعتبر أحدث الأفلام حاليًا، من بطولة خالد سليم، مي سليم، محمد شاهين، نسرين أمين.

وبيحكي عن التكنولوجيا وإزاي ممكن تدخل في حياتنا وحتى علاقتنا، عن طريق قصة حب بتنشأ بين الدكتور سيف سراج الدين واللي بيقوم بدوره الفنان خالد سليم، وبين شاهيناز واللي بتقوم بدورها الفنانة مي سليم، لكن بتحصلهم مفاجأة غير سارة بسبب تطبيق الـTruecaller  اللي بيقدر يتعرف على اسم المتصل حتى لو مش متسجل عندك.

الفيلم موجود في سينمات :  سينما بلازا مول أمريكانا الشيخ زايد، سينما سيتي ستارز ، جالاكسي، جالاكسي مول العرب، سان ستيفانو مول في الإسكندرية.

الفيلم من إخراج أمير رمسيس، ونزل في دور العرض 23 ديسمبر 2015 ومن بطولة: محمد فراج، محمد شاهين، نبيل عيسى، رامز أمير، وأمينة خليل.

تدور أحداثه حول خمس أشخاص بيصحوا من النوم يلاقوا نفسهم في مكان مهجور، ومش فاكرين حاجة لا عن نفسهم، ولا عن إزاي وصلوا للمكان ده، ومن هنا بتدور أحداث الفليم.

الفيلم موجود في سينمات : أمريكانا بلازا الشيخ زايد، سينما سيتي ستارز، كوزموس وسط البلد، دريم لاند 6 اكتوبر، اوديون وسط البلد، وسينما أمير في الإسكندرية.

فيلم إماراتي من إخراج ماجد الأنصاري، ونزل دور العرض في 17 ديسمبر 2015 من بطولة: علي سليمان، صالح بكري، عهد كامل، وعبدالله بوعابد.

وتدور أحداثه حول شخص محبوس في زنزانة، تنتابه الذكريات حول مطلقته، وابنه، ومنتظر مصيره داخل الحبس، في الوقت اللي بيزور الزنزانة ضابط شرطة سيكوباتي، وبيحول زيارته لقسم الشرطة لحمام دم.

الفيلم موجود في سينما زاوية بوسط البلد.

الفيلم من إخراج سعد هنداوي، ونزل دور العرض في 16 ديسمبر 2015 من بطولة: رامي عياش، إيمان العاصي، عزت أبو عوف، ومني هلا.

وبيحكي عن بنت مصرية بتسافر لبنان، وبتتعرض لكتير من الصعوبات، لحد ما تتعرف عبلى شب لبناني يمدلها يد المساعدة، وبتتطور العلاقة بينهم فيما بعد للحب.

الفيلم موجود في سينمات: سيتي سنتر في الإسكندرية، كوزموس وسط البلد، وسينما مترو وسط البلد.

الفيلم إخراج  داوود عبد السيد، ونزل دور العرض في 9 ديسمبر 2015 من بطولة: خالد أبو النجا، نجلاء بدر، عباس أبو الحسن، محمود الجندي، وأحمد كمال.

وبتدور أحداثه عن يحيي، الطبيب اللي بيدور على القدرات الغير عادية في البشر، لكنه بييأس لحد ما يقابل فريدة بنت صغيرة لأم مطلقة تملك أوتيل في الإسكندرية، واللي بتملك قدرات غير عادية بتمكنها من تحريك الأشياء عن بعد. فبيتقرب يحيى من صاحبة البنسيون، وبتنشأ بينهم علاقة حب.

الفيلم يعرض في سينمات: سينما رنيسانس 6 أكتوبر، رينسانس سموحة الإسكندرية، سينما سفنكس المهندسين، وسينما رادوبيس الهرم.

الفيلم من إخراج سامح عبد العزيز، ونزل دور العرض في ديسمبر 2015 من بطولة: عمرو عبد الجليل، محمد لطفي، وفاء عامر، صبري فواز، سمية الخشاب.

وبتدور أحداثه عن المولد الشعبي، مستعرضا عالم هذا المولد، والطقوس الدينية المختلفة، والأسواق، من خلال مجموعة من الحكايات المختلفة.

الفيلم بيعرض في سينمات: سيتي ستارز، جالاكسي مول العرب، نايل سيتي كورنيش النيل، وسان ستيفانو الإسكندرية.

الفيلم من إخراج كريم السبكي، وتأليف محمد أمين راضي، ونزل السينمات في 6 يناير 2016 ومن بطولة: آسر ياسين، محمود حميدة، شريف رمزي، ياسمين رئيس، صبري فواز، ووليد فواز.

وبتدور أحداثه عن ملاكم شاب اسمه رحيم، واللي بيحب مي أخت البلطجي حنش وبيكتشف عن طريق الصدفة ماضي أبوه في البلطجة، فبيتحول تدريجيا لنسخة من أبوه.

الفيلم بيعرض في سينمات: سيتي ستارز، جالاكسي، جالاكسي مول العرب، هيلتون رمسيس، نايل ستي كورنيش النيل، وسان ستيفانو الإسكندرية.

الفيلم من بطولة  محمد لطفي، صافيناز، بوسي، محمود الليثي، سليمان عيد.

وبتدور احداثه حول سباعي مدرب كرة قدم واللي مقدمش أي إنجاز في تاريخه، واللي بيحب أوشا «بوسي»، لكن والدها حبشي غير موافق على زواجه منها، فبيتبقى ليه فرصة أخيرة، وهي تدريب فريق كرة القدم النسائي.

الفيلم بيعرض في سينمات: السراج مول، سينما ليدو وسط البلد، سينما زهران الإسكندرية.