فيديو| خالد صلاح لـ"عمرو أديب": كلامك قلة أدب.. ويرد: يالا بلا قرف

نشبت مشادة كلامية حادة، استخدمت فيها الألفاظ الخارجة، بين الإعلاميين عمرو أديب وخالد صلاح؛ على خليفة كتابة الأخير مقالاً ينتقد فيها الإجراءات الأمنية بمحافظة شمال سيناء عقب الانفجار الذي وقع صباح أمس الثلاثاء، وأسقط أربعة قتلى "مستشاران وشرطيان" بمدينة العريش، حيث نشر المقال بصورة شخصية لـ"خالد صلاح" وهو يضحك.

وقال أديب، خلال برنامجه "القاهرة اليوم" على فضائية "اليوم"، الثلاثاء: "اللي ميشوفش يبقى أعمى القلب مش العنين، إنت مبتشوفش يا خالد؟ حرام عليك يا راجل، يا أخي نخلي عندنا دم، نحس بقى يا أخي، البلد مش مستحملة خالص، يا أخي عيب والله، مش عارف إنت بتعرف تقرأ ولا لأ".

وردَّ صلاح، خلال مداخلة هاتفية: "إنت مش واخد البرنامج لحسابك وأنا من حقي أرد ومتزايدش عليا في الوطنية وإحنا لازم نواجه أخطاءنا، ولو كل واحد فينا مسك للتاني مش هنخلص، أنا من حقي أرد قانونيًا ومهنينًا، إنت واخد الهواء بمزاجك، والمفروض الاحتياطات الأمنية تكون أقوى من كده".

وانفعل أديب قائلاً: "إنت بتفهم حاجة في المهنية يا أخي"، ليرد عليه صلاح: "لا كده مش هقبل كلامك وهفهمك غلط"، فذكر أديب: "إنت حاطط صورة ليك في الموقع بتاعك وإنت بالضب تضحك يبقى اتكلم عن المهنية، مش عارف أنت أزاي رئيس تحرير موقع كبير".