المحتوى الرئيسى

فيديو| "وصلة ردح" بين خالد صلاح وعمرو أديب

11/25 00:59

نشبت مشادة كلامية بين الإعلامي عمرو أديب، والكاتب الصحفي خالد صلاح، رئيس تحرير "اليوم السابع"، عقب كتابة الأخير مقالاً ينتقد التقصير الأمني في حادث تفجير فندق العريش، ووضع موقعه الإخباري صورة له على مقاله وهو يضحك.

وهاجم عمرو أديب، أمس الثلاثاء، خالد صلاح خلال مداخلة هاتفية في برنامجه "القاهرة اليوم" على قناة "اليوم"، قائلًا: "اللي ميشوفش يبقى أعمى القلب مش العنين، إنت مبتشوفش يا خالد؟ حرام عليك يا راجل، يا أخي نخلي عندنا دم، نحس بقى يا أخي، البلد مش مستحملة خالص، يا أخي عيب والله، مش عارف إنت بتعرف تقرأ ولا لأ".

وأضاف "أديب": "يا أخي عيب كده يا خالد، لازم يكون في حدود عن كده، الإرهاب مستنى ده، عيب يا حبيبي، متكبروا بقى يا جماعة، البلد مش مستحملة، حتى الموقع بتاعك معندهمش مسئوولية وحطين لك صورة وأنت بتضحك، فين المهنية، بلاش حتى يا أخي في يومها تهاجم".

ومن جانبه رد الكاتب الصحفي: "أنت مش واخد البرنامج لحسابك وأنا من حقي أرد ومتزايدش عليا في الوطنية وإحنا لازم نواجه أخطاءنا، ولو كل واحد فينا مسك للتاني مش هنخلص، وفرنسا تم انتقاد فيها الأمن بعد واقعة هجمات باريس".

واستطرد "صلاح" في الرد على "أديب": "أنا من حقي أرد قانونيًا ومهنينًا، وأنت واخد الهواء بمزاجك، والمفروض الاحتياطات الأمنية تكون أقوى من كده والطرح كده ميضيقش أي واحد وطني، ولو مش عاجبك طرحي براحتك وده مش ضد الأمن".

أهم أخبار مصر

Comments

عاجل