رواد مواقع التواصل الاجتماعي عن رشاوى وزير الزرعة: «حج طيران ولا بري.. رشوة إن شاء الله»

اثارت تفاصيل قضيه رشاوي وفساد وزارة الزراعة التي اعلنها اعلان القائم باعمال النائب العام، المستشار علي عمران، جدلا واسعًا علي شبكات التواصل الاجتماعي، خاصه مع يتعلق بطلب وزير الزراعه، صلاح هلال، ومدير مكتبه رشوه 16 رحله حج ووجبه افطار في شهر رمضان بـ 14 الف جنيه، وملابس بـ 230 الف، وشقه بـ 8 ملايين، باجمالي 10 مليون و885 الف جنيه.

وابدي رواد مواقع التواصل تعجبهم من تباين طلبات المرتشين، وعدم غياب «الوازع الديني» لديهم بطلبهم الحج «للتوبه بفلوس الرشاوي».     

وقال إبراهيم الورداني، في تعليقه علي صوره للوزير، وهو يدعو في صلاه الجمعه «الوزير التقي.. اجل يا سيدي».

واضافت وفاء السعيد، في صفحتها علي «فيس بوك»: «علي فكره مش عيب ابدًا تبقي وزير فقير لا تملك الا راتبك ولا تملك شراء بدله ماركه تمنها 20 الف جنيه !!! العيب انك تتقاضي رشوه وتخل بمبادئك.. الفقر مش فقر الفلوس، الفقر فقر النفوس والاخلاق يا بكوات ‫#‏وزير_الزراعه_الفاسد ‫#‏عندما_يُبَاع_الضمير_بحفنه_بِدل».

وكتب احمد زكي، في حسابه علي تويتر: «معجب بالمسؤولين بوزاره الزراعه اللي طلبوا رشوه حج لستاشر من قرايبهم!، ما يعني ان الحس الديني موجود حتي في الفساد ما يعني ان مفيش امل يا عاطف!».

وتهكم حساب «شاي سكر بره»: «بس الوزير ده محترم بيقبل رشاوي فلوس وحج ونوادي وملابس بس مابيقبلش رشوه جنسيه .. محترم يا صلاح».

وسخر الاعلامي احمد خير من رشوه 16 رحله حج تكلفتها 70 الف ريال سعوي: «طيران ولا بري؟.. رشوه ان شاء الله».

وعلق «عيدو فيتش»: «اكتر حاجه عاجباني ان من ضمن الرشوه بتاعت وزير الزراعه 16 رحله حج مش قادر من كتر الضحك، رشوه رحلات حج».

وعن حضور الوازع الديني للوزير ومدير مكتبه، سخر «محمد عزام»: «من مزايا #المجتمع_المتدين_بطبعه انه يدفع رشوه علشان يحج او يقبل رشوه علشان يحج.. الا تكبررررون».

ومثله، كتبت الاء علي: «من ضمن الرشاوي سفر 16 فردا من اسر المتهمين للحج تكلفه الفرد 70 الف جنيه، ما شاء الله حج رشوه.. شعب متدين يا خال»، وتهكم عمرو بقلي: «ومعاك اتنين ايفون رشوه وعليهم ابليكيشن مواقيت الصلاه ! #يالا_نرقص».

فيما اعتبر خالد محمد ما حدث في قضيه فساد وزاره الزراعه «فيلم عادي.. شويه تليفونات علي عزومه عشاء علي شقه علي اشتراك نادي الاهلي علي حج، بعني فكه. خيابه منهم يعني. مش حراميه محترمين»، في حين قال محمود شعبان: «كل حلفائك سلموك تسليم اهالي يا ابو صلاح».

كان المستشار علي عمران، القائم باعمال النائب العام، بيانا بشان قضيه فساد وزاره الزراعه، بعد ساعات من القبض علي وزير الزراعه، صلاح هلال، وتقديمه استقالته، واعلن اسماء المتهمين، قائلا انه تم التحقيق معهم وحبسهم علي ذمه القضيه.