سوري ناج من الغرق خلال هروبه من تركيا لأوروبا يروي شهادته: شعور لا يوصف أن يغرق الأطفال حولك ولا تستطيع فعل شئ

الشاب السوري سمير الصوالحي: وقت بتركب بالقارب رح تحس لاول لحظه انو حياتك خلصت.. وعم تشوف الاطفال وهم يغرقوا

كتب شاب سوري اسمه "سمير الصوالحي"، وهو احد السوريين الذين حاولوا الهرب الي اوروبا عن طريق البحر ولكن سفينته غرقت ونجحت القوات البحرية في انقاذه، شهادته وعن المشاعر المتضاربه التي مر بها حلال رحلته.

وقال سمير في شهادته التي كتبها علي صفحه وكاله "شهاب" للانباء علي "فيسبوك" انه شعر بالندم علي قراره بالسفر الي اوروبا هربا عبر البحر، مؤكدا انه لو عاد به الزمن الي الوراء لن يفعلها ويظل علي وضعه مهما بلغت صعوبته في تركيا.

وقت بتركب بالقارب رح تحس لاول لحظه انو حياتك خلصت... ووقت يلي واحد تافه يضربك اول كف لحتي تقعد بمساحه مابتجاوز مساحه رجلك.. رح تحس انك غلطت بلطلعه.. بعد ماتقطع مسافه بسيطه بلبحر.. رح تحس انو ماعاد في شي بهي الدنيا غير البحر والسماء..

رح تبلش تتطلع عالنسوان والولاد وتصير تفكر انو اذا غرق القارب رح اقدر اساعد حدا ولا يادوب ساعد حالي بهي اللحظه مارح توصل لجواب.. لانك رح تكون تعبان ودايخ وخايف ومتوتر وبنفس الوقت قلبك عم يحترق عالصغار الي ماعرفانين شي..

بس يبلش يغرق القارب مارح اقدر اقلك شو شعورك بهي اللحظه لانو صوت العياط ومناضر الخوف ماعاد تخليك تحس بشي وبس غرق القارب رح تشوف ناس عم تموت بسرعه رح تشوف ناس كتير.. رح تشوف اب عم يدفش ابنو يلي عمرو سنتين منشان مايغرقو والولد يموت.. رح تشوف ام حامله ابنها يلي عمرو سنه وعم تموت هي وياه وانت عم تتفرج ماعرفان مين بدك تساعد ولا شو بدك تعمل رح تصير تدعي انك تموت بسرعه لانك تعذبت كثير..