"رزق" مهاجمًا بكار: "بركات المنحة الأمريكية هلت عليه"

هاجم الكاتب الصحفي حمدي رزق، تصريحات مساعد رئيس حزب النور لشئون الاعلام، بشان الطائرات "الرافال الفرنسيه"، مؤكدًا ان تغير "بكار" ناتج عن تعيينه في جامعه "هارفارد الامريكيه".

وكان نص مقال "رزق" في صحيفه "المصري اليوم"، والذي حمل عنوان "ندمًا يتحدث بكار عن الطائره الرافال!!":

ابو كف رقيق وصغير، كبر ما شاء الله وراح «هارفارد»، تحويل مسار، الباز افندي ساقط ابتدائيه وعليه جرافته ترد الروح، بركات المنحه الامريكيه هلت، الريحه فاحت، بكار اتعوج لسانه، يقول علي البصل «اونيون»، الله يخرب بيتك يا واد يا نشق يا نششجي يا بتاع النشوق، حط لي بدل النشوق «كزبره»، اعطس يا بكار.

فسفسه الجنرال بكار عن الطائره «الرافال» تؤشر علي عقليه عسكريه فذه، اركان حرب الدعوه السلفيه، صاحب نظريه في العلوم العسكريه، نام وقام مفسفس ومهسهس، يتفصد عرقاً، عرقه مرقه، مرق دجاج، يبسمل ويحوقل، بكار يهذي الرافال الرافال، بردان وبيتكتك، توك.. توك، تقول ملبوس، ممسوس، ملموس، الرافال مسته مساً، ارقوه، بخروه، ويا ام المطاهر رشي الملح سبع مرات، ومن شر حاسد اذا حسد.

اللي ميعرفشي يقول عدس، وعدس بكار بجبه وقفطان، بكار بعد الضنا لابس قميص كناري حرير بيطير، بكار جني مصور، طار علي امريكا، يا واد يا ويكا يا بتاع امريكا، بكار الامريكاني شكل تاني، بسم الله ما شاء الله، صار خبيراً في شؤون الطيران.

بكار المكار يفسفس: «الرافال انجاز وهمي»، ليه يا جنرال افتي ياخويا، قول يا مولانا، الاسطي شحته بتاع التوك توك افتي قبلكم في كفاءه وقدرات وامكانيات الرافال القتاليه، بتسخن في الاجواء البارده، عندها سخونيه، حتي جس الرافال من ديلها بتصهد، ومن الوجهه الشرعيه، في فقه الامتطاء، حرام علي الطيار المقاتل المسلم امتطاء الرافال الفرنسيه، اثم والعياذ بالله.. كيف تنتصرون وانتم تمتطون الرافال!

يحيلكم بكار الي صفحات النت المتخصصه، وفيها من اشتري الرافال دخل النار، وزير دفاع حكومه الظل السلفيه معترض علي صفقه الرافال الفرنسيه من الوجهه الوطنيه، يعزينا في الرافال، طبعا الـF15 تحوز رضاء بكار، تفوق الرافال، امريكاني يا بكار، منحاز كليه لسلاح الجو الامريكي، واكل الجو، هارفارد عرفت تختار.

بكار من صغره وصغر سنه عارف معني انه، شب علي حب الطيران، للاسف مكتب التنسيق حرمنا من مقاتل طيار، ابوكف رقيق تلقي تعليمه الاولي علي الطيران الشراعي في الجرن، لهلوبه في الطيارات الورق، طيري يا طيارة، واستكمل تعليمه الثانوي في مدرسه علوم الطيران الشرعيه بالاسكندريه، وتخرج في اكاديميه حزب النور العسكريه تخصص طار في الهوا شاشي، برتبه طيار مقاتل، تخصص نفاثه.. بكار بينفث.

مشكله الرافال عند بكار، ولا اخفيكم سراً، في الفرامل، بتزحف كالبط المسكوفي، وجوانحها كنزه كالهدهد، ولها منقار، وبتسخن، وحموله اتنين راكب بس، والموتور لف، وقطع غيارها في العتبه غاليه، الفرنجه ضحكوا علينا، يقوم ابنك انت، يضحك عليّا انا، ويبيع لي البتاع دهوّن، ويقولّي ده رافال!