ليالى قريش.. الليلة 94

حسب روايات كتير، النبي كان واحد من الجمهور اللي شاف قس بن ساعدة الإيادي، رؤيه مباشره في سوق عكاظ، وسمعه وهو بـ يقول كلامه اللي بـ يدعو فيه لـ التوحيد.

وخلينا نتامل روايه من الروايات عن ابن عباس، ان النبي مش بس قابل قس، ومش بس كان فاكر اللقاء كويس بـ تفاصيله، ده كان فاكر الخطبه اللي قالها قس "وهي تتحفظ الصراحه".

الروايه بـ تقول ان النبي لما سال وفد اياد "قبل وفاه النبي بـ فتره قليله" عن قس، فـ قالوا له: اتوفي، فـ قال:

فما انساه بعكاظ في الشهر الحرام وهو علي جمل احمر وهو يخطب الناس وهو يقول: يا ايها الناس اجتمعوا واستمعوا وعوا، من عاش مات، ومن مات فات، وكل ما هو ات ات، ان في السماء لخبرا، وان في الارض لعبرا، مهاد موضوع، وسقف مرفوع، ونجوم تمور، وبحار لا تغور .... الي اخر الخطبه.

فيه روايات تانيه بـ تقول ان النبي اتكلم عن حضوره لـ قس مباشره، بس مش هو اللي قال الخطبه، ده واحد من اياد كان حافظها، وروايه تالته بـ تقول مش واحد من اياد، ده ابو بكر الصديق هو اللي قال الخطبه.

ايا كان، فـ احنا قدام لقاء مباشر مؤكد، وقدام نسب واضح، نسب الكلام لـ قس، اللي هو صعب جدا تقول ان ده كلام الفه الرواه وحطوه علي لسان ناس سابقين لـ القران.

والتشابه بين كلام قس والقران اكبر من تجاهله صراحه، احنا بـ نتكلم عن حاجات مشتركه كتير، خصوصًا القران المكي، الجمل قصيره، مقفاه بقافيه حاده، نفس الايقاع، نفس المفاهيم، وحتي الفاظ كتير مشتركه:

ونقرا في القران، في سوره البروج:

وفي القران، في سوره الاخلاص:

لم يلد ولم يولد "مع ملاحظه الكلام عن نسبه الصمديه لـ خالد بن سنان"

امات واحيا وخلق الذكر والانثي

ونقرا في القران في سوره النجم:

وانه هو امات واحيا، وانه خلق الزوجين الذكر والانثي

وطبعا فيه ناس لو حلفت لها ع الميه تجمد، اني ما غرضي اشكك في حاجه، مش هـ تصدقني، فـ تمام، لكن دي حاجات ما ينفعش ما نفكرش فيها.

عقائديا، ينفع جدا نقول ان مش قس اللي مالف الكلام ده، وانه خده من الكتب اللي كان بـ يقراها، اللي هي كتب التوحيد، اللي جايز تكون صحف ابراهيم وموسي، او غيرها من الكتب اللي ارسلها الله لـ البشر بـ اي طريقه.

وينفع تقول ان قس وخالد وزيد بن عمرو كانوا مرسلين من الله بـ طريقه ما، انبياء او رسل او ما اشبه، فـ كان بـ ييجيلهم نوع من انواع الوحي لـ حد ما جه القران الكامل علي النبي الاخير محمد بن عبد الله.

وينفع تكيفها زي ما انت عايز.

تاريخيا، وكما افهم من الروايات الاسلاميه نفسها، احنا قدام تيار مش بسيط، كان له ممثلين في العراق واليمن، ومكه ويثرب والطائف واليمامه، وبني عبس، ودول اللي احنا استعرضناهم، وان التيار ده بـ يقول افكار متشابهه، وكلام متشابه، وواضح ان الموضوع استوي، في انتظار اللي هـ ييجي ويخلص الليله.