إبراهيم نصر: برامج رامز جلال مفيهاش ضحك وقائمة على “الصريخ”

4 مشاركات شارك علي الفسيبوك شارك علي تويتر شارك علي جوجل

كشف الفنان إبراهيم نصر، عن كواليس برنامجه الشهير “الكاميرا الخفيه”، الذي كان مجرد فكره عابره في عقل صانعها واستطاع ان يصنع منها 15 عامًا من الابداع في مصر والوطن العربى، حيث قال: “الحكايه بدات لما ركزت مع الكاميرا الخفيه اللي بتتعمل في الدول الاجنبيه ولقيت انهم بس بيركزوا علي الضحك القائم علي الفعل ورد الفعل، يعني حد يمد ايده عشان ياخد فاكهه من قفص فيلاقي ايد طالعه من القفص بتمسك ايده وتخضه، لكن لقيت ان طريقه الضحك ده ما تناسبناش هنا في مصر، وقررت اعمل كاميرا خفيه تكون معتمده علي الموقف وتبقا احلي من اللي بتتعمل بره”.

برنامج “انسي الدنيا” الذي تم عرضه في اوائل التسعينات حمل نقطه البدايه التي اخرج بها الفنان ابراهيم نصر فكرته الي النور، حيث تعاقد مع اداره التليفزيون المصري علي تقديم برنامج كوميدي مختلفًا لمده 10 دقائق يوميًا علي مدار شهر رمضان، وحدث ما لم يتوقعه الجميع، “اول ما الفكره اتعرضت علي رئيسه التليفزيون سهير الاتربي تحمست لها وقررت اني اخد كاميرا وانزل اعمل اللي انا عايزه، وقعدت انا والمؤلف شامخ الشندويلي نعمل مجموعه افكار وصورناها كلها في الشارع، وفوجئنا ان البرنامج نجح نجاح باهر لدرجه ان التليفزيون اتعاقد في نهايه البرنامج علي 46 اعلان رغم اننا كنا بادئين في اول رمضان من غير اعلان واحد”.

النجم الكوميدي الذي لا يشاهد ايًا من برامج “المقالب” التي يتم عرضها خلال شهر رمضان مؤخرًا، يري ان نجاح مثل هذا النوع من الحلقات يعود للاجتهاد والتوفيق، الا ان رايه في برامج “رامز جلال” كان مختلفًا، “انا مشفتش غير حلقتين من برامجه، ورايي ان مفيش ضحك ابدًا قايم علي الدم، ومفيش ضحك بيتبني علي الصريخ، ومفيش شخص ابدًا ممكن يكون مبسوط وهو شايف حد بيتدبح قدامه”.

“يا مدام كوثر يا مدام كوثر، انا متعكنن انا متحسر”، جمله ربما تميز بها فيلم “اكس لارج”، وحملت عقد محبه جديد للفنان ابراهيم نصر في قلوب الجماهير، الا ان ذلك الدور كان مهددًا بعدم الخروج الي النور حيال اصراره علي رفض لعب الدور، وعدم تدخل المخرج شريف عرفه لاقناعه فضلًا عن الالحاح الشديد من اسرته، “احمد حلمي شخص في قمه الذوق والاحترام، لكن الفيلم ده كان من اصعب الادوار اللي لعبتها، لاني كنت بتعامل فيه بالمسطره، والقصايد اللي عجبت الناس كان عاملها ايمن بهجت قمر بحرفيه شديده، وحاولت اعمل للشخصيه طعم وريحه ولون عشان كده نجحت مع الناس”، وكانت النتيجه حصوله علي 3 جوائز من مهرجانات سينيمائيه عديده نظير ادائه لذلك الدور.

افلام سينيمائيه عديده شارك نصر فيها ابرزها “شمس الزناتي” مع الزعيم عادل امام، فضلًا عن “مستر كاراتيه” الذي التقي فيه بالعملاق احمد زكي، “البني ادم ده عمر ما الدنيا هتجيب زيه تاني الا بعد 300 سنه، وكانت علاقتي بيه كبيره اوي، كنت اقعد في بيته اللي في وسط البلد بالساعات ويفرجني علي فيلم عبدالناصر والسادات قبل ما يتعرضوا، عمره ما هيتكرر تاني”.

“رمضان يعني اللمه”، يتذكر نجم الكوميديا ايام طفولته خلال ذلك الشهر الكريم، والتي قضاها في محافظه جديده حيث تتنقل اسرته، “انا حضرت رمضان في مرسي مطروح وبني سويف وقنا، وفي كل مره كنت بلاقي له طعم شكل”، الا ان الذكري الاجمل في حياته خلال شهر رمضان كان حين تصوير برنامج “الكاميرا الخفيه”، ونزوله الي ضواحي “الحسين” وجلوسه علي مقهي “الفيشاوي” مع اصدقائه المقربين يتراقص قلبه فرحًا بتجمع العشرات من محبيه حوله.

التوقف المفاجئ عن تقديم اعمال فنيه جديده ارجعه الفنان ابراهيم نصر الي وصوله لسقف طموحه في هذا الصدد، “انا اللي حبيته عملته، ومفيش داعي اني اعمل حاجه ما تليقش بيا بعد ما عملت كل ده، وانا لا عايز 10 مليار وما يهمينيش يبقا عندي 6 عربيات، كفايه اني اسيب بصمه حلوه بعد ما الحياه تخلص”.

شاركنا الراي حول اي من برامج الكاميرا الخفيه تنوي متابعته في رمضان؟‎ للمشاركه اضغط هنـا

المشهد الاخير في حياه محمد وفيق

الثوابت لم تعد كذلك في الفضائيات المصريه

التفاصيل الكامله لمهرجان اعلام.اورج ..رمضان 2015

بالساعه والدقيقه ..مواعيد مسلسلات رمضان 2015 (قيد التحديث) 

اغنيات مسلسلات رمضان 2015 (قيد التحديث)‬

9 نجوم خارج السباق الرمضاني.. داخل قائمه ضيوف الشرف

هذه المسلسلات لن تشاهدها الا علي هذه القنوات