عبد الله غلوش يكتب: غلوشيات رمضانية (14)
0 مشاركات شارك علي الفسيبوك شارك علي تويتر شارك علي جوجل
– في حد اخد باله ، ان كلمات تتر “الكبير” مبقتش ملائمه لقصه واحداث المسلسل بدايه من الموسم الثالث؟
– جيهان فاضل لازم تسال سميه الخشاب عن اسم الدكتور اللي خسسها.
– بين السرايات .. (صبري فواز – سيمون – نجلاء بدر) .. شابوه.
– اللي عمله جورج قرداحي في برنامج “المسامح كريم” ضيعه في اعلان بنك التعمير والإسكان.
– لما تبقي سوزان نجم الدين رمز للانوثه في “وش تاني” ، ولقاء سويدان رمز للجمال في “استاذ ورئيس قسم” ، يبقي واضح ان احنا معندناش نظر فعلا.
– “تحت السيطره” .. مشهد عوده نيللى كريم لظافر عابدين .. كورس في التمثيل.
– خالد امين مهندس ديكور الف ليله وليله .. يستحق التحيه.
– طريقي .. اغنيه ” كده ” .. واحده من احلي الاغاني في تاريخ شيرين.
– طريقي .. مشهد موت اخو شيرين الصغير الافضل بين مشاهد المسلسل حتي الان.
– طريقي ..الـ 100 جنيه اللي كان بيتنقط بيها اخو شيرين الكبير في فرحه النهارده ، مكنتش ظهرت في الفتره اللي بيحكي عنها المسلسل.
– طريقي .. ياسمين صبري “ناديه” .. ملكه جمال الممثلات في رمضان السنه دي.
– الظاهر ان عبدالرحمن ابوزهره عجبته فكره الموديل الصامت في اعلان “اطياب” فقرر يكرر التجربه مره تانيه في اعلان ” كوفرتينا”.
– ” مريم” .. اعتقد ان المسلسل هايكون السبب في اعتزال محمد كيلاني للغناء وتفرغه للتمثيل.
– كريم محمود عبدالعزيز .. من الحسنات القليله في “الكابوس”.
– حاره اليهود .. اعرف ان المخرج ممكن يعيد نص دقيقه من حلقه امبارح في حلقه النهارده ، بالكتير اوي دقيقه ، لكن اعيد 7 دقائق كامله .. جديده دي.
– حاره اليهود .. مشهد موت حسن البنا اتعمل بلدي اوي.
– حاره اليهود”.. اياد نصار عايش في دور شكري سرحان بشكل مبالغ فيه.
– في مول HUB سوديك .. بيذيعوا اغاني فيروز بدل اذان المغرب.
– ” مولانا العاشق” .. اجمد مسلسلات مصطفي شعبان بعد العار.
– ” Rating رمضان”.. افضل حلقات البرنامج مش عشان ضيفتها هيفاء ولكن عشان وسام بريدي كان بيقدمها لوحده.
– ” اولاد رزق” .. اخشي ان تخسر اصاله رهانها علي ابو عزالدين وزين الدين.
– في اليوم اللي حماده هلال “ولي العهد” اتجوز مي سليم علي هبه مجدي عشان يخلف ، باسم سمره “بين السرايات” اتجوز نسرين امين علي روجينا ، لنفس السبب.
– كلاكيت تاني مره .. منه فضالي “وش تاني” .. مثال حي للافوره في التمثيل.
– كميه الكحك اللي نزلت فجاه في السوبر ماركت ومحلات الحلويات ، تكفي احتياجات مصر لصناعه اول قنبله نوويه.
– “لعبه ابليس” .. مسلسل هايل بس نصيحتي الوحيده ليوسف الشريف ، يحاول يبتكر ويقلل شويه من مشاهده المقتبسه من الافلام الاجنبيه.
– الاسوا من اعلان قطونيل حسن حسني ، اعلان قطونيل هاله فاخر.
– محمد الشرنوبي سواء في العهد او بين السرايات .. واحد من افضل الوجوه الصاعده في رمضان.
– ” ذهاب وعوده ” .. ممكن تسيب المسلسل 3 او 4 حلقات وبعد كده ترجع تتفرج عليه وهاتحس ان مفيش حاجه فاتتك.
– لو كل واحده بعد الحمل والولاده هاتبقي في حلاوه يسرا اللوزي في “تشيللو” كده ، مفيش حد هايتجوز علي مراته.
– لدواع السفر والشغل والعباده ، اشوفكم علي خير اخر رمضان ان شاء الله.
– ربنا يرحمك يا امي ويرحم امهاتنا جميعا ويخلي امهاتكم يارب.
عبد الله غلوش يكتب: غلوشيات رمضانيه (13)
عبد الله غلوش يكتب: غلوشيات رمضانيه (12)
عبد الله غلوش يكتب: غلوشيات رمضانيه (11)
عبد الله غلوش يكتب: غلوشيات رمضانيه (10)
Comments