4 نصائح علشان تكون نشيط اثناء شهر رمضان !

كان الرسول صلي الله عليه وسلم بياكل علي الفطار وقبل مايصلي صلاه المغرب تمر طازه لو مافيش كان بياكل تمر مجفف لو ما فيش كان بيشرب كوبايه ميه.

لما بنصوم فتره طويله بنلاقي مشكله الحصول علي الكميه الاساسيه من الفيتامينات والمعادن، علشان كده احنا بناكل كذا حبه تمر علشان تعوض العناصر الغذائيه، كمان التمر له فوائد صحيه رهيبه لانه غني بالالياف والبوتاسيوم والمغنسيوم والنحاس وفيتامين B.

معروف ان التمر بيظبط سكر الدم وانقاص الوزن وضغط الدم وبيمنع مرض السرطان ومرض الروماتيزم، كمان التمر بيساعد علي توصيل الاوكسجين للمخ وبيحسن من صحه الجلد.

نصيحه: كُل 3 تمرات علي السحور علشان تمد جسمك بالطاقه طول الصيام وكُل 2 تمر علي الافطار وبعدين صلي المغرب، وبكده تظبط سكر الدم ويخليك ما تكترش كميه الاكل علي الفطار.

ايوه السحور حيكون علي الساعه 3 وحيكون صعب انك تتسحر، بس نصيحه من يلافورما انك ماتفوتش وجبه السحور، لان الرسول ﷺ نصحنا باننا ناكل وجبه السحور لانها فيها بركه.

لما تاكل وجبه مغذيه قبل شروق الشمس (السحور) حيمد جسمك بالطاقه اللي حتخليك تقدر تكمل صيامك طول اليوم.

لو فوت وجبه السحور انت كده بتعرض جسمك انه يوصل لمرحله المجاعه اللي حتخليك تخسر عضلاتك وتخليك تاكل بزياده علي الفطار.

علشان كده كُل وجبه السحور!!!

نصيحه: كُل اكل خفيف بس مغذي، افكار جديده لوجبه السحور:

جرب فطيره الزعتر او الجبنه مع شويه خيار وطماطم مع كوبايه برتقال معصور طازه، لانهم حيمدوا جسمك بالفيتامينات والمعادن.

ممكن تاكل عيش الحبوب الكامله مع زبده الفول السوداني طبيعي او اي نوع زبده زي زبده اللوز او الكاشو وضيف عليها توت او شرائح موز.

جرب الكينوا (بِلَيلَه) مع لبن اللوز (او اي نوع لبن) وزبيب وقرفه وعسل خام وموز، دي وجبه كامله ومتكامله وحتمدك بطاقه طول اليوم.

بوله من الشوفان او كورن فليكس بالحبوب الكامله مع لبن اللوز او لبن عضوي.

اوعي تنسي تاكل تمر في السحور!!!

كُل اكل مرطب زي البطيخ والخيار والحمضيات وطماطم

مش بس علشان رمضان في الصيف، احنا حنصوم 15 ساعه او اكتر، كتير من الفورم بيروحوا الشغل او فورم تانيه بيروحوا كورسات، علشان كده احنا محتاجين عناصر غذائيه من الاكل اللي احنا حناكله في السحور، لما نوفر لجسمنا ميه من الاكل الغني بالالياف، حنقدر تتجنب الجفاف اثناء النهار.

نصيحه: انواع اكل تانيه غنيه بالميه زي الخس والاناناس والتوت والحمضيات والسبانخ.

اشرب ميه كتير بين الفطار والسحور

الميه مشروب منقي، لانه بيغسل جسمنا من السموم ومايخليش عندك صداع (خصوصاً في الصيام).