"خارج نطاق الفن": نفضح الأفكار الفاسدة في الأفلام المصرية

دشن نشطاء علي موقع التواصل الاجتماعي "فيس بوك" صفحه تحمل عنوان "خارج نطاق الفن"، يتابعها اكثر من 94 الف شخص.

واوضح مؤسسو الصفحه ان هدفهم يكمن في فضح "الافكار الفاسده التي تحملها الافلام والمسلسلات من عري ودعوات للفواحش مثل الزنا واللواط وشرب الخمر"، ومدي خطورتها علي المجتمع.

و في منشور للصفحه، قال مؤسسوها: "عشرات السنين بيتم بث افكار محدده ومقصوده عن طريق السينما والتلفزيون، الصفحه هتهتم باظهار جانب من الافكار الفاسده وتوعيه الناس بمدي خطورتها وتوعيه الامهات والاباء ان ازاي الافلام دي سموم في بيتهم .. ازاي ابنك او بنتك دماغهم عماله تتملي افكار سامه مابين جنس ومخدرات وغيره".

وتابع المنشور: "ازاي بيتم اللعب بالمصطلحات وتسميه " الزنا " بالعلاقه والصحوبيه .. والمخدرات بالروشنه ... المعقد نفسياً هو اللي مش مصاحب ومش بيزني .. والجامد الروش هو اللي بيزني وبيشرب ...مخدرات _ سرقه _ زنا _ خمره _ نصب _ بلطجه _ صوره الشيخ في الافلام _ وغيره".

واضاف المنشور التوضيحي: "هنبعد عن المشاهد اللي فيها اباحيه صريحه وهنعرض المشاهد اللي فيها دعوه لفظيه للاسفاف او اسفاف بطريقه كوميديه".

وحول سؤال بعض اعضاء الصفحه "هو انتم ليه ضد الفن"، اجاب مؤسسوها: "احنا شباب زيكم بنشوف افلام ومسلسلات ويمكن ده اللي بيخلينا نعرف نقول الاخطاء والافكار السامه اللي موجوده في الاعمال دي ، لكن احنا ضد الافكار المميته اللي بتتصدر من الفن ده ،. احنا ضد الفن اللي فيه فقر ومفيهوش اي افكار ولا بيخلينا نتعلم او نفكر .. فن ممكن نتنبا هو ممكن يعمل ايه خلال السنين الجايه من المستوي المتدني اللي بيصدره .. فن بيرتكز علي "الاغاني الشعبي-العري-الافيهات الاباحيه-والافكار الدينيه الخاطئه".

وتابعوا: "احنا شباب زيكم بنقارن ما بين عدميه "David Fincher" في فيلم fight club وعدميه " Christopher Nolan " في شخصيه الجوكر ..بنشوف interstellar وندور علي القوانين والمصطلحات العلميه اللي بتُذكر في الفيلم".

واوضحوا: "بنستمتع بالمعلومات الطبيه اللي بيعرضها "Hugh Laurie" في مسلسل "House "، نحب عبقريه وصف السياسه الامريكيه في مسلسل "House Of Cards"، نحب شغف "هارموني " في التعلم في فيلم "هاري بوتر " ، وبنحب الافلام الفرنسيه اللي بتتكلم عن التعليم زي "Monsieur Lazhar " و "THe Class ".

وطالبت الصفحه النشطاء بالتفاعل معها: "ابعتلولنا الاعمال الراقيه واللي تتناول قضايا مهمه وفيها افكار ونتشارك في نشر الافكار الهادفه زي ما بنتشارك في التوعيه بالافكار السامه ".

ومن ابرز القضايا التي ناقشتها الصفحه قضيه الشذوذ الجنسي في مشهد من فيلم "عماره يعقوبيان"، وقالت الصفحه "مشهد من فلم ( عماره يعقوبيان ) لقيت اصحاب ليا بيناقشوني بعد مشاهدتهم للفلم .. ليه ربنا حرم اللواط او الشذوذ الجنسي .. رغم انه لا يؤدي لاختلاط الانساب".

وتابعت الصفحه: "هل وصل الحال من انتكاس الفطره ان ممكن موضوع زي ده يُناقش اصلا ، الفيلم لعب دور  انه حط منطق عقلي لاستحلال اللواط .. و لم يرد علي هذا الطرح في نفس الفلم ".

وتساءلت: "و السؤال هنا ..هل بعض الافلام تنشر مساوئ المجتمع لحلها فعلا .. ام انها تساعد في نشر الرذائل ؟".

كما هاجمت الصفحه فيلم "مواطن ومخبر وحرامي"، ورات انه بمثابه دعوه صريحه للزنا، قائله: "فيلم مواطن ومخبر وحرامي، "سليم" كان مشتت ومش عارف يكمل كتابه الروايه لكن بعد ما زنا بالخدامه قدر يواصل الكتابه، وده نص الكلام في الفيلم".

وتابعت: " بعد ان كان قد وصل الي حافه الياس تدفقت الافكار وانطلقت طلقه من مكان خفي وهبت منها حيويه دافقه "، في مشهد لعشيقه سليم: بتقول انا لقيتني مبسوطه وفضلت افكر انا ناقصني ايه لقيت ناقصني راجل رد عليها : ولو مكنتيش لقيتيني قالت كنت هشوف راجل تاني !".

وتطرقت الصفحه للحديث عن التطرف والارهاب وكيف ان المجتمع يحول المتدينين الي ارهابيين، فقالت عن فيلم الارهابي للفنان عادل امام: "الفيلم قدم عائله "سوسن" كنموذج في مواجهه الفكر المتطرف وكمثال لاسره طيبه بتراعي الاخلاق في معاملتها، والاسره دي كانت سبب بان "علي" يتخلي عن الفكر الارهابي ويرجع لصوابه .. من وجهه نظر الفيلم".

ثم تطرقت الصفحه للحديث عن تشويه الائمه والماذون والقامات الدينيه..

دور السنيما في تشكيل الوعي السياسي..

رات الصفحه ان "رؤساء مصر الثلاثه (عبد الناصر - السادات - مبارك) استخدموا السينما لتشويه النظام او الحقبه الزمنيه السابقه علي كل واحد فيهم".

وتطرقت الصفحه للحديث عن دعوات البلطجه والعنف في السينما المصريه، من وجهه نظرها..

وعرضت الصفحه فيديو لتاثر الاطفال بشخصيات الافلام في بعض المواقف.

ونالت الصفحه اعجاب واشاده متابعيها، فقال "طاهر مؤمن الزهداني": "تحيه للادمن بجد والله العظيم من افضل الصفحات الهادفه المحترمه اللي شوفتها . استمروا ربنا يوفقكم ".

وتابعت "Bassant H. Shararah ": "فيلم التلاته يشتغلونها و دور الداعيه الكذاب المنافق اللي بيشرب شيشه و نصاب بيتجوز بالداسته .. دور ملوس معني ولا مؤثر في السياق الدرامي بس محشور كدا و خلاص ".