بالصور|زوار حديقة الإسكندرية: الحيوانات اختفت.. والإدارة: "بياخدو حقن"

"عنبه" و"صدام" و"عيد"، هؤلاء هم مواليد الاسود الجدد بحديقة الحيوانات بالاسكندريه "النزهه"، والذين يتهافت المواطنون علي مشاهدتهم اثناء زياره الحديقه بعد خلو الاقفاص من الحيوانات، واكتفاء الحديقه بمواليد الجدد بالاسود والقرود، اضافه الي الدُّبه "كريمه"، مع وضع جمل داخل قفص الفيل بعد وفاته.

واصبحت حديقه الحيوان، التي انشئت في عام 1891 اي من قرابه 125 عاما، من لا تختلف شيئًا عن المنتزهات الاخري، بخاصه بعد ان خلت الاقفاص من محتوياتها، واصبحت حتي اقفاص الطيور فارغه، ولا يوجد فيها غير مواليد اسود وقرود جدد، وكلب بحر عجوز لا يستطيع اللعب لكبر سنه، اضافه الي الرائحه الكريهه التي تخرج من الحيوانات بسبب عدم تنظفيها باستمرار، والاهمال داخل الحديقه من قمامه متراكمه ودورات مياه.

وقالت الحاجه سعاد حسن، احدي زائرات الحديقه لـ "الوطن"، "كنا زمان نيجي حديقه الحيوان علشان ديه احلي فسحه، كانت بـ 50 قرش التذكره، وكمان كلها حيوانات، الفيل والزرافه والاسد والنمر والطيور والقرود، اما دلوقتي بندفع 5 جنيه تذكره والعيال بيجوا يلعبوا جوه الجناين، والاقفاص فاضيه مفهاش حيوانات، ورائحتها وحشه، ومفيش اي اهتمام، وبندور علي الحيوانات".

اما الحاج احمد عبدالمنعم، فيضيف: "احنا اتربينا علي زياره حديقه الحيوان في كل المناسبات والاجازات، لكن دلوقتي مبقناش عارفين نروحها ولا نودي عيالنا فيها، بعد مابقت فاضيه ومافيهاش اي حيوانات".

وتابع خيري مرسي، المحامي واحد زوار الحديقه: "حرام اللي بيحصل ده، علشان ده اهدار كبير للمال العام، الحديقه دي تكلفتها توصل دلوقتي لمليارات، وانفاقها يوصل لملايين شهريًا، ورغم كده محدش مهتم بيها، ولا حد بيحاول يكسب الحكومه منها او يتسبب في سعاده المواطنين من خلالها".

ومن جانبها، قالت الدكتوره ايمان مخيمر مدير حديقه الحيوانات بالمحافظه، ان هناك خطه لتطوير وتجديد الحديقه خلال هذا الموسم، بخاصه دورات المياه والمباني بداخلها، مؤكده ان "جميعه رجال الاعمال" تتولي تطويرها وتم البدء بتطوير دورات المياه بمبلغ 50 الف جنيه، وجار تجديد باقي الدورات".

واضافت مخيمر، ان "حديقه الحيوان ينقصها الفيل والزرافه، وتم ارسال الطيور جميعًا الي الحديقه العامه بالقاهره، وذلك لسرقه بعضها، لحين تجديد الاقفاص وعمل اقفاص يعصب علي البلطجيه والخارجين عن القانون سرقته الحيوانات".

واكدت ان خطه التطوير تشمل تشجير الحديقه وتجميلها وتطوير دورات المياه والمباني، اضافه الي عمل نقطه شرطه داخلها، وذلك للحفاظ علي الامن ومنع سرقه الطيور وباقي الحيوانات، والحفاظ علي الزائرين للحديقه".

واوضحت ان كثيرا من الطيور غير موجوده بالوقت الحالي، بسبب "موسم الحقن من انفلونزا الطيور، ويتم اعطائهم المصل، ومن ثم يتواجدون داخل الاقفاص".