أحد أصدقاء "غريق بورسعيد" يكشف تفاصيل موت صديقه

قال منصور طه توفيق، الطالب بالفرقه الاولي في كليه العلوم جامعه حلوان ورفيق الطالب الغريق لحظه مصرعه، انه كان يسبح برفقه اثنين من زملائه وهم أحمد محسن وحاتم اسماعيل، وكانوا يمزحون ويلعبون في منطقه قريبه من الشاطئ ولكنهم دخلوا الي مسافه بعيده عن الشاطئ وفجاه جاءت الامواج عليه وسحبت الطالبين حاتم واحمد محسن.

واضاف منصور في تصريح لـ"الوطن"، "انه الوحيد فيهم الذي يجيد السباحه داخل البحر، مشيرًا الي ان اصدقاءه بمجرد شعورهم بالخطر استنجدوا بي.

وتايع: "قال لي حاتم الحقني وتمكنت من مساعدته علي الرغم من مقاومه الماء، وبعدها بثوانٍ رايت احمد محسن يغرق ولم يستطع مقاومه المياه، وقال حاتم الحق انقذ احمد، وخرج علي الشاطئ لكونه لا يجيد السباحه، وحاولت بقدر المستطاع انقاذ زميلي ومساعدته لكني فشلت، وكنت هغرق معاه لان كان معاي نفس واحد، ولو حاولت اكتر من كده كنت هموت، لان الموج كان هيسحبني انا وهو للداخل".

واكد الطالب الناجي: "خرجت علي الشاطئ وببص ورايا ما لقتش احمد خالص، واختفي فجاه من قدامي واستنجدت بكل اللي موجودين علي الشاطئ علشان يطلعه وما كنتش عارف اتصرف ازاي، لانه كان معايا وفجاه اختفي، وكل الموجودين علي الشاطئ تجمعوا، وانا اصرخ واقولهم الحقوا احمد محسن، والشاطئ كله اتحرك باتجاه البحر لكن محدش عرف يتصرف لان مفيش حد بيعرف يعوم".