ما لا تعرفه عن السوشي (1)

السوشي بالنسبه للي مايعرفهوش لغز كبير، واساطير وقصص بيسمعوها عنه، وكم افتراءات رهيب وفتي طبعاً. وكتير مش عارفين وبيربطوه بالاكلات الصيني التجاريه اللي بياكلوها في المولات وغيرها. وكتير مايعرفوش انه سمك بس، مفيش فراخ او لحمه.

في هاله حوالين السوشي واسلاك شائكه وسمعه اما وحشه جداً، يا سمعه طيبه جداً من قبل عشاقه ،مع انه مجرد اكله مختلفه شويه عن اللي اتعودنا عليه.

السوشي مالوش طقوس اكل معينه. السوشي فن متاح للجميع، ياكله زي ما يحب، المهم يتبسط بالوانه وطعومه وافكاره وتنوعه وتميزه عن باقي الاكلات.

مفيش عقد، مابتعرفش تستخدم الشوب ستيكس وخايف تروح تجرب

عندك حلين: الاول فيه عصايتين مشبوكين في بعض سهل تتعود عليهم في الاكل لما تجرب ومش عيب تكون اول مره.

الطريقه التانيه: واللي معظم اليابانيين بيتبعوها انهم بياكلوه بايديهم! ايون! والنعمه بايديهم من غير اڤوره وتكلف! بلدك بس هما اللي محبكينها وبيعتبروها حاجه عيب. مع انها ايدك انت، مش ايد حد تاني، وضامن انها نضيفه.

واصلا السوشي عباره عن قطمات صغيره، يعني مش هتتعب وانت بتاكل بايدك، ولا هتلحوس نفسك، بالعكس.

نتعرف الاول علي السوشي 寿司

السوشي اكله صينيه في الاصل، واخدوها في اليابان وبقت اكلتهم الشعبيه. وفيه صراع حوالين المعلومه دي. بس ده اللي وصلتله بعد بحث كتير،

ومحدش فيهم قادر يثبت احقيته في الاختراع بالتواريخ.

المكون الاساسي في اكله السوشي هو الرز (الشاري بالياباني)،

وطبعاًً السمك، بمختلف انواعه واشكاله، اذا كان ني او مستوي او مدخن.

و اعشاب البحر او الsea weed او (النوري ).

مع اختلاف طبعاً طرق امتزاج المكونات دي مع التوابل والصوصات.

للسوشي انواع كتير، اشهرهم واللي موجودين في مصر:

وهو الطريقه التقليديه للسوشي. ومعناها انه بيتعمل بالايدين.

عباره عن كومه من الرز مستطيله ،مع رشه وسابي (فجل ياباني مطحون)،

بيتحط فوقيها قطعه سمك مستطيله من اي نوع، وبتتلف باعشاب بحريه لونها اسود رفيعه.

وبتتقدم مع صويا صوص او تيرياكي صوص( حسب الرغبه).

عباره عن شرائح سميكه من كل انواع السمك الني، بيقدموا كدا زي ما هي، بدون اي اضافات او سوا.

يعني اللفافه. عباره عن اعشاب بحريه، ملفوف جواها المكونات علي شكل اسطواني، وتقطع ل ٤او ٦او ٨ قطع صغيره، بتبين لنا الحشو ايه من جواها. وعادهًً بتتحشي افوكادو وخيار ونوع سمك. وممكن اضافه مايونيز او جبنه فيلادلفيا او غيرها من الحشوات، او ممكن سمك فقط وده الستاندرد.

منه مشتقات كتيره لكل واحد اسم وطريقه : فوتوماكي (لفائف كبيره)، هوسوماكي (لفائف رقيقه)، اوروماكي (لفائف بالمقلوب، الرز بالخارج والنوري بالداخل ويضاف السمسم او حبه البركه )، تيماكي (لفائف يدويه تشبه القرطاس محشيه رز ونوع سمك او جمبري وخس صيني للتزيين )، انراي سوشي (سوشي محشو).

اوشي سوشي (يعني السوشي المضغوط). بيتعمل في قوالب خشبيه، بتتعبي القوالب الصغيره بالمواد بالترتيب، بوضع التغطيه بالاسفل لتغطيه رز السوشي بالمقلوب، ويضغط القالب، ثم يُقلب ويُفتح ويُقطّع بحجم لقمه.

اما بقا الحاجات اللي بتتقدم جنب السوشي: ناخد جوله ومعلومات عنهم :

نبات من الفصيله اللي ، زي الكرنب، والفجل والخردل. يعرف الواسابي باسم “الفجل الياباني”، وبيتعمل بجذوره البهارات، لانه له نكهه قويه جداً .تقترب حده طعمه الي الخردل الحار واكتر من الفلفل الحار، فهو ينتج ابخره تحفز الممرات الانفيه اكثر من اللسان.

اسلوب طهي في المطبخ الياباني، وصوص

بيتكون من صويا صوص وميرين ( ساكي او نبيت الرز ) وسكر، بس في الدول العربيه بيتعمل بالسكر والصويا بس، وبيتشوي او بيتقلي او بيتسلق فيه اللحوم او السمك، او بيتقدم كصوص يتغمس فيه السوشي.

يعتبر صوص الصويا من اهم التوابل الاساسيه في المطابخ الشرق اسيويه، وتعود نشاته الي الصين الي حوالي قبل 2800 عام.

بيتحضر الشويو من القمح والفول الصويا والملح وكل اللي بيتباع في السوق ده بيتخمر صناعياًً. وبيساعد علي هضم الحبوب والخضار وله فوائد كتير جداً.

وبيتحط علي الاكل في نهايه عمليه الطبخ، مش من الاول، وبيتحط في شوربات وسلاطات كتير بيكون هو اساسها. وبيتقدم مع السوشي، بيتغمس فيه السمك.

بيتخلل او بيتبل مع خل رز وسكر، بيبقي طعمه مسكر وباين فيه طعم الزنجبيل الزاعق،

ويفضل استعمال صغار الجنزبيل الفريش لصنع الgari الناجح.