الي تعرفه والي متعرفوش : عن آيفون 6

كل سنه ، بيقام في سبتمبر واحد من اهم مؤتمرات التقنيه في العالم وهو مؤتمر ايفون السنوي الي بتعلن فيه عن منتجاتها الجديده. والسنه دي ايفون قررت تنزل الايفون 6 المنتظر والي كنا اتكلمنا عن توقعاتنا ليه في بوست سابق قبل كدا. ايفون اعلنت عن الايفون 6 الجديد والايفون 6 بلس بتصميم جديد وشاشه 4.7 بوصه كبيره مع تعديلات مختلفه في كل انحاء الجهاز، وبالمناسبه دي في نوّرني قررنا نعمل ريفيو و شرح ومراجعه كامله للموبايل الجديد وهناخده نشرحه بالكامل توصيف وشرح وانتقاد ومقارنه بالاجهزه المشابهه وكل المعلومات الي ممكن تحتاجها وتتخيلها بشكل متعملش قبل كدا بالعربي ، نتمني الريفيو يعجبكم ومستنيين تعليقاتكم وارائكم.

السنه الي فاتت موتورولا عملت واحد من احلي واجمل التصميمات الخاصه باجهزه ال4.7 بوصه، واثبتت ان حجم الشاشه الكبير ممكن يتحط في موبايل حجمه صغير ولطيف ، ايفون صحيح موصلتش لنفس المستوي، لكنها لعبت بطريقه مختلفه .

‫‫‫الايفون 6 في النص، علي يمينه Nexus 5 ال5بوصه، علي شماله الموتورلا Moto X ال4.7 بوصه، شايف الفرق ؟

ديزاين الايفون الجديد مش جديد اوي الحقيقه، عوده الحواف المدوره هي استلهام لروح الايفون الاول الي كانت حوافه مدوره لغايه ايفون 4، تقليل السمك ووجود الكاميرا البارزه قليلا واضح انه تريند ايفون الجديد بعد ما جربت الديزاين دا في الايبود من سنتين وبعدين نفذت نفس التصميم مع ايباد اير و ايباد ميني واخيرا ايفون 6 . الLook and feel بتاع الجهاز اشبه ما يكون بالايفون الاول.

زراير الصوت المدوره الصغيره علي الجناب وزرار الباور اعلي الجهاز الشهير اتغير مكانهم لزر صوت طويل علي الجانب وزر الباور كمان اتنقل للجنب زي اغلب موبايلات الاندرويد ، ودا كان تغيير متوقع في الديزاين مع زياده حجم الجهاز عشان يسهل الone-hand use علي المستخدمين لان وجود الزرار فوق هيصعب استخدام الجهاز مع حجمه الجديد.

‫‫لاحظ السمك القليل وزراير الصوت والباور (المصدر)

زرار الهوم الشهير اسفل الجهاز زي ما هو مع تطور ملحوظ في سرعه استخدام البصمه و توقعات كتيره منتظره من نظام الApple Pay (هنتكلم عنه تحت شويه).

لكن الحقيقه الكاميرا البارزه قليلا كانت احد النقاط المهمه الي ناقشتها اغلب الريفيوهات انها اثارت قلق كبير حوالين وضع الموبايل علي وشه حتي مع وجود العدسه الSapphire

‫‫‫‫‫‫‫الكاميرا البارزه قليلا المصدر : WIRED

رغم حلاوه الديزاين الجديد والزجاج الSapphire الجميل غير القايفون للكسر ، لكن النقد الاكبر الموجه للتصميم هو المساحه السودا الكبيره حوالين الشاشه والي مكبره حجم الجهاز بشده!.

يعني الجهاز في النهايه اكبر من اغلب اجهزه الاندرويد الي ليها نفس حجم الشاشه !،  الايفون 6 ليه نفس حجم جهاز Nexus 5 الي الشاشه بتاعته 5 بوصه يعني اكبر بكتير من شاشه الايفون !، واكبر من حجم Moto X الي نزل السنه الي فاتت الي ليه نفس شاشه الايفون 6.لكن من ناحيه تانيه برده الايفون الجديد سمكه اقل من الجهازين الاندرويد الي اتكلمنا عنهم.

الايفون 6 الجديد طوله 5.4 في 2.6 بوصه ، وسمكه 0.27 بوصه ووزنه حوالي 128 جرام (اتقل من الايفون 5 اس).

ايفون خدت اخيرا قرار اللحاق بركب المنافسين وزياده حجم الشاشه ل4.7 بوصه ، صحيح متاخره شويه لان اجهزه الاندرويد دلوقتي بدات تتجه لل5 بوصه خلاص لكن بالنسبه لمستخدمي الايفون دا تغيير كبير في الحجم. بالنسبه لكفاءه الصوره مفيش تقدم كبير في الكواليتي، نفس الصوره الجميله الحيه المشهوره بيها موبايلات ايفون وهي هي نفس كواليتي الصوره في ايفون 5s لكن اكبر.

صحيح الدقه بتاعت الشاشه زادت من 1136 في 640 بيكسل في الايفون 5 لدقه 1344 في 750 بيكسل في الايفون 6 الجديد لكن في النهايه نفس كثافه البيكسل في البوصه 326ppi (لو مش فاهم يعني ايه كثافه البيكسل والدقه وازاي تقيس بيها كفاءه الشاشه راجع موضوعنا عن ازاي تفهم الهاردوير بتاع الموبايلات وتقارن بينهم). خطوه للامام لمستخدمي الايفون لكن في سوق الاجهزه السمارت الشاشه مستواها اقل من المثالي.

والحقيقه ان Tech Radar وجهت نقد تقني لاذع جدا للشاشه انها اكتفت بشاشه Retina HD ومراحتش لل Full HD! . رغم تحسن مستوي التباين في الشاشه (الفارق بين الاسود والابيض) والي ادي لتحسن الصوره ، لكنها لا تقارن باي حال بالشاشه الSuper AMOLED الرائعه لSamsung S5 مثلا !.

Galaxy s5 (right) vs iPhone 6 (left)

المقارنه في كفاءه الالوان والsharpness بين شاشات السوني والسامسونج وشاشه الايفون 6 لن تنتهي لصالح ايفون علي الاطلاق ! ورغم دا الايفون اغلي بكتير !.

طبعا لان اجهزه الايفون برامجها بتتصمم مخصوص ليها فاغلب البرامج الموجوده دلوقتي مش متصممه للتعامل مع الشاشه الكبيره فهتلاقيها بتبكسل (مش كلها طبعا)، لكن طبعا اغلب البرامج مع الوقت هتنزل تحديثات مناسبه للجهاز الجديد والمشكله دي هتقل مع الوقت.

ايفون 6 قدم بروسيسور الA8 الجديد  ثنائي النواه Dual core بنظام 64 بت. بالظبط زي الA7 بتاع ايفون 5. مهواش تقدم كبير عن الايفون 5s زي ما كان ال5s  تقدم كبير عن الي قبله. لكن زي ما شرحنا في بوست سابق قبل كدا الارقام لا تعني شيئا.

يعني علي الورق الايفون 6 ثنائي النواه ، بسرعه 1.38 جيجا هيرتز و 1 جيجا رام ومنافسه الجالاكسي اس 5 مثلا رباعي النواه quad core بسرعه 2.5 جيجا ورامات 2 جيجا، يعني الايفون تقريبا نص الجالاكسي لكن المستخدم مش هيحس بفارق رهيب بين الاتنين ، لان طريقه تصميم برامج ايفون متصممه للتعامل مع الهاردوير بتاعها فبيكون الموضوع مختلف، وبيبقي القيإس إلسليم للفارق هو قياسات السرعه والاداء المعتمده Benchmarks واحنا جبنالكم 4 من اشهرهم في الصور الي تحت بتقارن بين اداء الايفون 6 بمنافسيه وبالموبايل السابق ليه عشان نقدر نحكم علي سرعته واداءه

3D mark benchmark (Source : CNET)

benchmark بيقيس كفاءه الكور الواحد والاتنين مع بعض

(‫قياس اداء الجرافيكس المصدر : AnandTech)

زي ما شايفين طبعا النتائج مش كلها واحده لاختلاف طرق القياس، لكن هتلاقي الايفون دايما في ال3-4 الاوائل، ودا معناها ان الموبايل من الافضل في فئته لكنه مش فارق بمسافه ولا حاجه عن الموبايلات التانيه الي في نفس الفئه كلهم ليهم نفس مستوي الاداء

الديزاين الجديد للسماعات وتحويلها لدوائر سوداء كبيره في الاسفل واضافه noise cancelling system عشان يزود كفاءه الصوت ويقلل الدوشه معلي كفاءه الصوت بشده فوق اغلب الاجهزه المنافسه في الحته دي، يمكن الHTC one 8 هو الجهاز الوحيد الي يتفوق عليه في موضوع جمإل ألصوت وكفاءته. لكن غير كدا، ايفون 6 في النقطه دي يحلق فوق المنافسين بشده.

من النقاط الي بتدي اجهزه اندرويد دايما تفوق مباشر علي الايفون ، القدره علي زياده مساحه التخزين باستخدام كروت الmicro SD بسهوله. ايفون قررت اخيرا تبدا في محاوله التصدي للمشكله دي، وقدمت في موبايلاتها لاول مره سعه 128 جيجا رغم انه كله بتمنه يعني !. وزودت المساحات المتاحه علي iCloud للتخزين ، ولو بتستخدم الiCloud متنساش تقرا موضوعنا المهم عن الثغره الامنيه الاخيره وازاي تتفادي مصير جنيفر لورنس وكيت ابتون !.

كاميرا الايفون 6 من اكتر الحاجات الي كان فيه كلام علي تطورها السنه دي، وعامه كاميرا الايفون مشهوره بكفاءتها وجمال صورها (سوني الي بتصنعها) . ايفون قررت متخشش في سباق الميجا بيكسل المجنون ومحاوله زيادتها زي اغلب المنافسين (موبايل سامسونج الجديد 21 ميجا دا غير العملاق الشهير نوكيا بيور فيو الي بيوصل ل45 ميجا !) وقررت الاحتفاظ بنفس الكاميرا ال8 ميجا بيكسل الخاصه بيها والي كانت موجوده في ايفون 5s ، ورغم ان دا يبدو فارق كبير لكن زي ما شرحنالكم قبل كدا الميجا بيكسل مهواش خالص المعيار الرئيسي في كفاءه الصوره.

‫علي اليمين صوره بايفون 5s وعلي الشمال نفس الصوره بايفون6، واضح الفارق في التصوير في الاضاءه الضعيفه (المصدر :‫ Trusted reviews)‫

الاضافه الجديده في كاميرا الايفون كانت ما يسمي بالFocus pixels. وهي اضافه لهيكل الكاميرا المفترض انها بتضيف تحسين لكفاءه الكاميرا في التقاط الضوء وتحديد الFocus مما يادي لصور افضل في الاضاءه الضعيفه low light pictures و دقه افضل في التصوير بسبب سرعه الauto focus العاليه ، وقياس الاداء من Anand Tech بالنسبه لسرعه الfocus بياكد الحقيقه دي :

لكن لازم مننساش طبعا ان تاثير الميجا بيكسل القليل ان الصوره هتكون رائعه في الاحجام الصغيره او في حاله مشاركتها علي الفيسبوك وانستاجرام وغيرها، لكن اي محاوله تكبير لاي صوره هتبين الفرق الكبير في التفاصيل :

الصوره الي فوق بجالاكسي s5 والي تحت ايفون 6، في الجنب زوم علي جزء بيوضح فارق التفاصيل لصالح الجالاكسي s5

لكن الحقيقه ان التحسن الحقيقي في كاميرا ايفون 6 جي في مجال الفيديو ! . الكاميرا الجديده تقدر تصور بسرعه 60 فريم في الثانيه 60-fps ودا بيديها تطور مباشر في كفاءه الصوره. دا غير ان ايفون قدمت السنه دي في كاميرا الslow motion القدره علي التصوير ب240 فريم في الثانيه 240-fps  ومود البانوراما اجمل من كل اجهزه ايفون الي سبقته.

ودا فيديو رائع بيبين ال3 خصائص الاضافيه الجديده في فيديوهات الموبايل الجديد، التصوير البطئ (ابطا الضعف من الي قبله) والتصوير السريع time-lapse وميزه الautofocus والimage stablization الي في الايفون 6 بلس :

وعلي مستوي سوفتوير الكاميرا ايفون اضافت auto HDR للكاميرا ودا معناها صور اكثر طبيعيه واجمل علي نظام الاوتو ، بالاضافه لنظام جديد للتحكم في الexposure كالمحترفين.

‫نظام التحكم في الexposure الرئع (المصدر Tech radar)‫

ودا ادي الايفون سوفتوير القدره علي تمييز الالوان افضل :

الصوره الي جوا جالاكسي اس5 وزي ما واضح صوره الايفون 6 الوانها ادق

وعشان نزودكم بافضل ريفيو للكاميرا ، النيو يورك تايمز قررت تدي الموبايل لتيد هوسلر المصور الحائز علي جائزه بولتزر الصحفيه الشهيره للتصوير الصحفي وتطلب منه يقول رايه :

ولو لسه عايز مقارنه اعمق ، شوف اللينك دا فيه صور متاخده بكاميرات موبايلات مختلفه للمقارنه.

7 – نظام التشغيل iOS 8

رغم فضيحه ابديت الiOS 8.0.1 والي سبب مشاكل لاجهزه كتيره وايفون سحبته في اقل من يومين ونزلت iOS 8.0.2 لكن نظام التشغيل الجديد يبدوا واعدا لمستخدمي ايفون. نظام التشغيل الجديد شبيه جدا بسابقه iOS 7  لكن مع تركيز اكبر علي زياده الخصائص. اضافه الwidgets و القدره علي التفاعل مع الnotifications ، السماح بوجود كيبورد غير الافتراضي وطبعا اضافه برنامج Health الي بيدور كلام كتير حوالين امكاناته الرائعه.

‫برنامج Health الي ثار حواليه كلام كتير (المصدر Mashable )

فيديو تعريفي بالبرنامج من Mashable :

صحيح زمان اغلب مستخدمي الاندرويد واقعين من الضحك دلوقتي علي الاضافات دي الي هي اشياء بديهيه موجوده في الاندرويد بقالها سنين كتيره، لكن بالنسبه لمستخدم الايفون، دا تطور كبير وملحوظ.

واخيرا اضافت ايفون خاصيه اخري في الايفون هي الNFC (موجوده في سامسونج من زمان) و بتتكلم عن اطلاق نظام دفع جديد اسمه Apple pay مفترض اطلاقه في اكتوبر طبقا لكلامهم هيغير طريقه استخدام الموبايل والكريدت كارد وهيستفيد من الNFC وبصمه الصباع في Touch ID لمعلومات اكتر راجع صفحه Apple pay علي موقع ايفون الرسمي

للاسف خلال سعي ايفون لصنع جهاز رفيع ، اختياراتها اثرت علي كفاءه البطاريه . ديفيد كاتمايزر من CNET كان بيتمني لو ان الجهاز كان اكثر سمكا مقايفون بطاريه افضل من دي !.

اختبار CNET المشهور للبطاريه (بتشغل فيديو مستمر وتقلل السطوع للنصف و تحطه في الAir plane mode) ادي لان الموبايل فصل بعد 10 ساعات و38 دقيقه. الايفون 5S كان بيكمل 11 ساعه كامله !.

وفي المقارنه بالاجهزه التانيه، عمر بطاريه الايفون مهواش من احسن الاجهزه مقارنه بمنافسيه :

عمر البطاريه خلال التصفح من واي فاي

بالنسبه لسعر الموبايل الجديد فطبقا لApple store فسعره يبدا من 200 دولار لو هتشتريه من امريكا بعقد مع AT&T او Verizon ، لكن لو عايزه بدون عقد هيبقي ب650 دولار

ودا بالنسبه لل16 جيجا، ال64 تزود 100 دولار كمان وال128 تزود 100 كمان.

اما بالنسبه لسعره في المنطقه العربيه فسعره في السعوديه :

اما بالنسبه للامارات فسعره بمتجر ايفون الاماراتي :

وفي قطر يبدا من 2800 ريال قطري لل16 جيجا وزود 400 لل64 و 400 كمان لل128

اما من مصر فسعره  9000 لو هتجيبه من yashry  او Souq

ودي مقارنه بين سعره وبين موبايلات تانيه في نفس الفئه :

قامت شركه iFixit الشهيره والمتخصصه  في اصلاح الايفون بعمل Teardown كامل للجهاز وفككته تماما عشان تتعرف علي محتوياته وسهوله فكه وقايفونيه كل جزء فيه للاصلاح ، وادته 7 من 10 في تقييمها لقايفونيته للاصلاح بسهوله ، وكانت اسبابها لاعطاءه الدرجه دي كالاتي :

1- زيه زي ايفون 5، الشاشه بتتفك الاول وبعدين باقي الجهاز، ودا بيسهل حل مشاكل الشاشه

2- طريقه فك البطاريه اسهل من الاول، لكن للاسف ايفون عامله مفكات مخصوص للبطاريه مش اي مفك ممكن يفتحها، ودا بيصعب العمليه شويه

3- كايفون بصمه الاصابع تم تعديله وبقي اسهل في الفك من الاول لانه كان بيعمل مشاكل في فكه قبل كدا

4 – الايفون 6 لسه بيستعمل مسامير خاصه بيه هو محتاجه مفكات من نوع خاص، مما يزود صعوبه فكه واصلاحه

5- ايفون ما بتشاركش (عكس اغلب الموبايلات التانيه) بيانات ومعلومات الاصلاح مع المستهلكين ولا محلات الاصلاح المستقله

ولو عايز معلومات اكتر اتفرج علي الفيديو بتاعهم :

ايفون 6 يبدوا كتطور مش كبير اطلاقا عن ايفون 5s ، اقرب ما يكون لمجموعه من اضافات اندرويد القديمه متحسنه ومتنضفه علي طريقه ايفون في الهاردوير والسوفت وير. اقترابه من امكانات الاندرويد ممكن يغري بعض مستخدمي اندرويد بتجربته . لكن الجهاز مبيشكلش قفزه كبيره في موبايلات ايفون لا في الاداء ولا الصوره غير يمكن شاشته الكبيره ، لكنه في النهايه خلطه معموله كويس من ايفون وتحفه علي مستوي الindustrial design، يمكن يكون افضل ايفون شفته من سنين.

لو انت عندك ايفون قديم (اقدم من 5s) :