استمتعي بشم النسيم من غير خسائر

اعرفي معانا النهارده في يوم شم النسيم ازاي بيكون الشكل السليم للرنجه والفسيخ، وكمان هنديكي شويه نصائح علشان تقللي من مخاطر اكلهم وتستمتعي بشم النسيم..

ازاي تتاكدي من سلامه الرنجه والفسيخ

- لازم تكون الرنجه لونها دهبي، وما تكونش مهريّه ويفضل عدم اكلها نيّه.

- اما بالنسبه للفسيخ فلازم يكون متملّح كويس لان الملح بيقتل البكتريا والميكروبات، وعلشان كده ما يفضّلش اكل الفسيخ اللي ملحه قليل، ولازم تكون سمكه الفسيخ مش منتفخه او مهرية وما يكونش طالع منها اي ريحه عفن.

نصائح مهمه لتجنب مخاطر اكل الفسيخ والرنجه

1- بعد اكل الفسيخ والرنجه اشربي كميه كافيه من الميّه، وضيفي عليها ليمون او خل ويفضل خل التفاح.

2- احرصي علي اكل كميه كافيه من الخضروات، زي البصل الاخضر - الكرفس - الخس - الجرجير مع الفسيخ والرنجه، لانها بتعمل علي خروج الماء من الجسم.

4- قدّمي العيش البلدي الاسمر مع الرنجه لانه بيحتوي علي الردّه اللي بتنفش في المعده فتعطي الاحساس بالامتلاء والشبع.

5- عدم شرب المياه الغازيه اثناء اكل الفسيخ والرنجه، لانها بتساعد علي احتباس الميه داخل الجسم.