المحتوى الرئيسى

بالصور| "الوطن" داخل مدينة الشعراء بدمياط.. قلعة الأثاث التي جعلها الإخوان "قلعة الخراب"

04/28 18:48

مدينه الشعراء بدمياط.. قلعه صناعه الاثاث الاولي علي مستوي مصر ومصدره الاثاث لكل دول العالم سابقا، تحولت بعد ثوره الخامس والعشرون من يناير، وخاصه في ظل حكم الرئيس محمد مرسى، لقلعه الخراب والفشل، وذلك بعدما اغلقت اغلب ورشةا وشرد ًصناعها رغم امتلاكها ما يزيد عن 6000 ورشه ومعرض يعمل بهم ما يزيد عن 15000 صانع.

قديما، كان يصعب علي اي مواطن التمشي او المرور من اي من شوارعها؛ بسبب عدم وجود مكان للماره من الاثاث المعروض بكافه شواعها والان اصبح الحال "لايسر عدو ولاحبيب" كما يقول البسطاء من ابناء القريه، حيث اغلقت اغلب ورشها وشرد ما يزيد عن 70% من عمالها؛ منهم من لجا للادمان لينسي به همه وخراب مصلحته وافلاسه ومنهم من عمل كقهوجي او بقال او بائع خضار وفاكهه.

"الوطن" انتقلت لقلعه صناعه الاثاث سابقا لتنقل الصوره كامله للقارئ قبل انطلاق ثوره صناع الاثاث بدمياط 30 ابريل بعدما اعلن الصناع اغلاق ورشهم واعلان اعتصام مفتوح لحين تحقيق مطالبهم.

من جانبه قال الحاج سعيد القط، تاجر موبيليا: "كبار المستوردين يقومون بتخزين الابلكاش والاخشاب وبيعها باسعار مرتفعه يصعب علي اي صانع بسيط الحصول عليها".

واضاف القط قائلا: "الاعتصامات لن تجدي نفعا مع حكومه فاشله ورئيس جاء لخدمه جماعته فقط، وغرفه تجاريه جاءت لتاكل حقوقنا ولم تطهر حتي الان".

واتهم القط رجال اعمال الاخوان بالقضاء علي صناع دمياط بعد استيرادهم الاثاث التركي والصيني في وقت عجز فيه الصانع الدمياطي عن بيع شغله.

وختم القط كلامه قائلا: "ربنا ينتقم منك يا مرسي وانت راجل ظالم فاشل عن ان تصبح رئيس جماعه حتي"، بحسب قوله.

ويؤكد فوزي عوضين، استرجي، قائلا: "بيوتنا خربت وحالنا وقف وتجار الخامه بيدبحوا فينا بسكينه تلمه سرحت ما يزيد عن 80% من العاملين عندي والمظاهرات لن تجدي نفعا مع نظام غبي، وزمان نزلنا الثوره وقلنا الوضع هيتغير، لكن وجدنا الحالة بقت سيئه ولا شغل ولا مشغله واللي كانوا ماشيين مع مرسي اول من قفلوا ورشهم".

وبنبره حاده ووجه حزين، قال عصام النجيري، نجار، "اتق فينا ربنا يا مرسي انت وجماعتك، احنا مصريين زيكم، دخلتوا الاثاث التركي والصيني عشان تخربوا بيوتنا وتشردونا احنا اصحاب البلد".

وطالب النجيري الرئيس مرسي وجماعته بان يتذكروا حال مبارك حتي يتعظوا منه.

فيما قال سعد عوضين، استرجي: "شعب دمياط اللي سكت زمان مش هيسكت بعد كده، احنا ناس بندور علي لقمه عيشنا ولقمه عيشنا ضاعت يبقي لسه باقي ايه مننا ومش مستعدين نسيب مهنتنا الا بالموت، والصناع مش بلطجيه"، متسائلا: "ليه الخامات تغلي 70% في ست شهور فقط".

وبصوت حزين، قال عوضين: "يا ريت عهد مبارك يرجع تاني، علي الاقل كنا لاقيين ناكل وكنا حاسين بكرامتنا عن دلوقتي، احنا منظرنا بقي وحش قصاد اهلنا".

ويقول احمد فاروق، اويمجي: "كنا شغالين قبل الثوره في عهد مبارك الفاسد، اما في عصر مرسي المتقي بتاع ربنا بقينا بنشحت وبقينا مدانين وعواطليه لقد عجزت عن تدبير احتياجات عائلتي"، متسائلا: "اعمل ايه انا دلوقتي، انا عايز مرسي وجماعته يجاوبوني اعمل ايه دلوقتي في حالي اللي وقف".

واصر فاروق علي النزول بثوره صناع الاثاث يوم 30 ابريل، قائلا: "انا نازل ومش راجع بيتي غير لما الاقي نفسي وارسي علي بر وارجع صنايعي لي حق في بلدي ومش مستعد اسيب مهنتي اللي اتربيت عليها".

وبعينان تملؤهما الدموع، قال فاروق: "احنا مداس علينا يوم بيوم وبنموت بالبطيء بعدما اصبحنا عجزه امام ابنائنا".

واضاف احمد حبيب، نجار سابق وقهوجي حاليا: "لقد تركت مهنتي اللي امتهنتها اكثر من 45 سنه علي ايد النظام الحالي وبقيت قهوجي بعد ما اصبحت مديون وبعت ما املك، فمرسي هو مبارك والغرفه التجاريه سارقانا وسارقه قوت عيالنا، ومرسي وجماعته سرقوا الثوره وركبوا عليها ولاعندنا نقابه ولاحد يتكلم باسمنا".

أهم أخبار اقتصاد

Comments

عاجل