بالصور.. أفكار مفتكسة للمانيكير ممكن تعمليها في البيت

دايما لما بنيجي نهتم بجمالنا مش بنركز إلا على الشعر والبشرة والماكياج، مع إن فيه تفاصيل كتير مهمة ممكن تبيّن مدى اهتمامك بنفسك وبأناقتك وتقدري تعمليها بمنتهى البساطة..

الأظافر تعتبر من أهم الحاجات اللي بتظهر أنوثتك، علشان كده إحنا النهارده جبنا لك أفكار وأشكال مختلفة للمانيكير ممكن تعمليها بنفسك في البيت..

في البداية لازم تعرفي إزاي تحطّي المانيكير بطريقة صحيحة زي المحترفين علشان شكله يبقى مظبوط حتى لو مش هتعملي فيه أي افتكاسات أو أفكار من اللي هنقول عليها.

والصورة دي بتوضح لك الخطوات الصحيحة لوضع المانيكير، وكل اللي عليكي إنك تبدئي من النصف السفلي للظفر وتحطي عليه نقطة صغيرة، وبعد كده تمدي منها خط لأعلى الظفر.

بعد كده بترجعي لقاعدة الظفر مرة تانية وبتدئي توزّعي المانيكير على جانب الظفر الأيمن، وبتكرري نفس الخطوة بالفرشة على الجانب الأيسر للظفر.

ممكن بعد كده تكرري نفس الخطوات لو عايزة تحطّي أكتر من طبقة من المانيكير علشان تتقلي لونه، بس لازم تستني لغاية ما الطبقة الأولى تنشف كويس.

ممكن تستخدمي أي ورق لاصق عندك أو السيلوتاب العادي وتقصّيه على شكل مربعات وشرائط رفيعة وتعملي به الأشكال الواضحة في الصورة دي، بإنك تلصقيه على أظافرك بأكتر من طريقة بعد ما تحطّي طبقة من المانيكير باللون اللي تحبيّه، وبعد كده ادهني طبقة تانية بعد ما تحطّي قصاقيص السيلوتاب بالطريقة اللي تختاريها علشان تديكي أشكال مختلفة.

ممكن تعملي نفس الأفكار الموجودة في الصورة، وممكن تكتفي بفكرة واحدة وتنفذيها على ظفر واحد وتحطّي على باقي الأظافر المانيكير بالطريقة العادية.

حطّي طبقة من المانيكير باللون اللي تختاريه، وبعد كده هاتي قاقيص السيلوتاب على شكل مستطيلات صغيرة، وحطّيها بشكل متقاطع على قاعدة الظفر، علشان تديكي شكل آشعة الشمس، وبعد كده حطي طبقة تانية من المانيكير بلون مختلفة، واستني لغاية ما تنشف، وبعد كده شيلي قصاقيص السيلوتاب من على الأظافر.

كرري نفس الخطوة مرة تانية بس على مساحة أصغر أعلى الظفر، وادهني أظافرك بلون مختلف، واستني لغاية ما المانيكير ينشف وبعد كده شيلي قصاقيص السيلوتاب علشان تحصلي على الشكل النهائي اللي واضح في الصورة.

حطي طبقة من المانيكير على أظافرك، وبعد كده قصّي السيلوتاب على شكل شرائط، باستخدام مقص زي اللي واضح في الصورة علشان يديكي شكل الزجزاج، وبعد كده حطّي الشرائط دي على أظافرك وسيبي مسافة صغيرة في جانب كل ظفر من غير ما تغطيها بالسيلوتاب، علشان تدهنيها بلون مانيكير مختلف علشان تديكي الشكل اللي باين في الصورة.

الفكرة دي سهلة جدا مش هتحتاج منك إلا إنك تستخدمي لون لامع شوية على أظافرك كطبقة أساسية، وبعد كده تجيبي السيلوتاب وتقصّيه على شكل شرائط رفيعة جدا، وتحطّيه على أظافرك بالشكل اللي واضح في الصورة، وبعد كده حطّي عليهم طبقة تانية من المانيكير بلون غامق، واستني لغاية ما المانيكير ينشف تماما، وابدئي شيلي شرائط السيلوتاب.

حطّي طبقة من المانيكير باللون اللي تختاريه، وبعد كده قصّي السلوتاب على شكل شرائط رفيعة، وابدئي حطّيها على أظافرك بحيث تعمل شكل مثلث بأوضاع مختلفة على كل ظفر زي ما هو واضح في الصورة، ولوّني المثلثات دي بدرجات مختلفة من المانيكير.

بعد كده ممكن تحطي الشرائط مرة تانية على حدود أي مثلث وتبدئي تعملي فيه نقط صغيرة من المانيكير بلون يناسب الألوان اللي إنتي مستخدماها.

انا شعري نص ناعم ونص ملفلف ابي اكدشه كيف ساعيديني الله يوفقكي ويسعدكي بدنياا واخره

صديقتي العزيزة ممكن توضحي سؤالك أكتر

مساء الخير انا كل ما فتح الموقع مش بلاقى حلقات جديده لرونى هو ده على حظى وبعدين انا بعت كذا سؤال يوم 11/3/2013 مش فى رد الا على سؤالين بس ياترى باقى الاسئله لسه موجوده عنكم وياترى رونى هتيجى يوم الاثنيين

صديقتي العزيزة استني الحلقات الجديدة علشان هيكون فيها مفاجأت ومواضيع كتيرة وجديدة، وإحنا بنحاول إننا نرد على كل الأسئلة اللي بتبعتوها، ولو فيه سؤال عايزة تعرفي الرد عليه ابعتيه واحنا هنرد عليه في أسرع وقت.

رونى حبيبى اختى فى الكلية وشمس سمرتها وفى بقع واثر حبوب فى بشرتها الجافة جدا وسمعت انى زيت اليمون كويس ممكن تعمل اية بية هى بتدهن قبل متنام منة كدة صح وكمان لو فى حاجة تانى ممكن تعملها لبشرتها 0وشعرها خفيف مابيطولش ومقصف ممكن تفيدها منفضلك

صديقتي العزيزة لازم تحط كريم واقي الشمس قبل ماتنزل و ممكن تستخدمي ماسك الفجل للتخلص من الحبوب وأثارها والبقع الغامقة اللي في اللينك ده http://www.boswtol.com/health-and-beauty/beauty-and-styling/11/september...

واللينك ده فيه ماسك الجرجير لتغذية وتطويل الشعر http://boswtol.com/health-and-beauty/beauty-and-styling/12/october/26/69831

مرحب يا أختي انا ايناس سودانية سمراء البشره انا حابه البس فتسان احمر ساده ومافيهو اي لون تاني ف الحفلة وحابه اعرف ايش لو ن الطرحة اللي ممكن البسه

صديقتي العزيزة ممكن تلبسي طرحه اوف وايت ودخلي فيها لون أحمر بسيط والاحسن لو ربطي الطرحة أسبانش

ميرسي يا رانيا يا قمر علي كل النصايح الجميلة دي انا بجد استفدت منها اوي عشان كده عايزاكي تقوليلي علي ماركة ديودرنت كويسه وتكون اقل ضرر اجيبها وانا بحاول اوظب علي ماسك الديودرنت اللي قولتي عليه بس انا عايزة حاجه اطول لما اروح الشغل و اخرج..ميرسي ليكي اوي

صديقتي العزيزة ميرسي على الكلام الحلو ده، ومن أحسن الانواع هي دوف

ازيك يا رانيا كنت عاوزة اعرف ماسك صفار البيض وزيت الخروع احطه وشعرى مبلول ولا استنى لما ينشف بعد مااغسله علطول احطه؟؟ وزيت اللوز الحلو احطه على شفايفى ازاى واسيبه اد ايه ؟؟؟ كمان بشرة وجهى عاوزاها تبقى صافيه اعملها ماسك ايه؟؟؟

صديقتي العزيزه الأفضل إنك تستخدمي الماسك بعد ما تغسلي شعرك على طول عشان بتكون مسام الشعر مفتوحة، وزيت اللوز حطيه على شفايفك بالليل وممكن تسيبيه لغاية الصبح، وده لينك فيه ماسك الزبادي والخيار علشان بشرتك تبقا صافيه http://boswtol.com/health-and-beauty/beauty-and-styling/12/october/8/68530

ازيك يا رانيا كنت عاوزة اعرف ماسك صفار البيض وزيت الخروح احطه وشعرى مبلول ولا استنى لما ينشف؟؟ وازاى احط زيت اللوز على شفايفى ومدته اد ايه؟؟؟؟ وكان اصابع ايدى من عند الاظافر سمرة عن باقى ايدى ازاى افتحها؟؟؟

صديقتي العزيزه بالنسبه لاصابعك هى بتكون غامقه عشان ناقصة ترطيب،استخدمي ماسكات الصنفرة الموجودة في اللينك ده وواظبي على ترطيب ايديكي بالكريمات http://boswtol.com/health-and-beauty/beauty-and-styling/12/november/5/70735

ازيك يا رونى انا بحبك قوى بتمنى ان اشوفك واحضر ليكى اى ندوه يا رب دايما تكونى بخير ويحبب فيكى خلقه كمان وكمان كنت عايزه اساللك

1-ايه هى الاضافات اللى ممكن اضفها على الشامبو عند غسل الشعر حتى لو عامله ماسك على شعرى

2-انا مش بعمل شعرى استشوار ولا مكوه لو جبت استشوار واستخدمته فى تنشيف شعرى بعد الغسل بالهوا بتاعه في ضرر على شعرى هنشفه بس بالهوا من غير ما احط فرشه الاستشوار على شعرى

انا اسفه طولت عليكى انا عندى اسئله كتيره هو حضرتك بتجاوبى على سؤال واحد لكل زائر صح يعنى ابعت فى اليوم مره واحده بس مش مرتين ربنا يخليكى لينا

صديقتي العزيزة ميرسي على الكلام الجميل ده، ولو إنتي مضطرة انك تنشفى شعرك مفيش مشكله بس يبقى من على بعد وماتركزيش السيشوار على شعرك مباشرة، وممكن قبل السيشوار تدهني شعرك بمسحة خفيفة من السيرم علشان تحميه، وممكن تغلي الكاموميل وتحطى الميه بتاعته على الشامبو، وصبغة باليت كويسه.

بصى يا رونى من كتر شوقى ان اشوفك عماله اتابع مع مكتبه مصر العامه على اى ندوه ليكى ولما عرفت ان فى ندوه يوم 16/2/2013 روحت المكتبه بس كان حظى وحش عشان قالولى ان الندوه اتلغت انا بحبك قوى اتمنى ان يكون فى مكان ليكى او مركز تجميل كل الناس تروح ليكى فيه رجاء الرد على كل اسئلتى من غير كنصله

صديقتي العزيزه انا بنزل كل أخباري من خلال بص وطل وتابعينا عشان لو في أى جديد

من فضللك يا رونى انا عايزه اصبغ شعرى بنى افضل نوع صبغه ايه

صديقتي العزيزة أنتي ممكن تستخدمي الحنه مع الكاكاو أو البن هيديكي لون بني ، ولو أنتي عاوزه صبغه ماركة باليت كويسه

يا رونى انا عايزه اسم كريم مناسب للبشره المركبه للاستخدام اليومى انا سنى 32 على العلم ان بخرج للشغل من الساعه 12 للساعه 11 مساء عشان مش هينفع استخدم زيت على وشى وانا فى الشغل على العلم ايضا ان بحط على وشى لما اجى انام زيت جنين القمح والجوجوبا

2-انا عايزه اعرف طريقه عمل عصير الدوم

صديقتي.. ممكن تستخدمي كريم جونسون أو كريم جيلسوليد أو نتروجينا.

بالنسبة لعصير الدوم ممكن تدخلي على العدد ده http://boswtol.com/health-and-beauty/recipes/11/august/20/38476

يا ترى يا رونى تشقير شعر الوجه ببودره التفتيح والاكسجين فى ضرر على البشره عشان انا مش بحب اعمل وشى.

صديقتي.. التشقير كويس وممكن تعمليه بس أنا بأفضل إزالة الشعر بالفتلة أو بالشمع.

هل ماسك بذر القطونه للعين استخدمه كل يوم لفتره محدوده وابطله ولو بطلته هل عينى ترجع فيها الخطوط الرفيعه تانى واكتر ولا لاءولو هو كويس استخدمه اد ايه وابطله

صديقتي.. الماسك ده بتستخدميه يوميا لمدة 3 شهور، أو ممكن توقفيه لو الخطوط دي اختفت، لو رجعت تاني ممكن تستخدمي الماسك مره تانيه.

الخطوط لو رجعت تاني بيكون أسبابها الإرهاق أو مش بتستخدمي مزيل مكياج أو لسوء التغذية وعدم شرب الميه والسوائل.

على فكره يا رونى انا اسئلتى كتير ياريت ما تزهقيش منى من فضللك

هل ينفع يا رونى ان اشترى استشوار عشان لما اغسل شعرى انشف شعرى بهوا الاستشوار انا مش هعمل استشوار لشعرى لكن هنشف بس هل فى ضرر على الشعر

2-هل حضرتك ممكن تعملى لينا شامبو طبيعى لكل انواع الشعر

صديقتي.. ولا يهمك اسئلي كل اللي أنت عاوزاه، بالنسبة للاستشوار ممكن تجيبيه وتستخدميه لكن تنشفي بيه شعرك بس وده مفيش منه ضرر.

بالنسبة للشامبو إن شاء الله هنعمله.

كنت عايزه اسال حضرتك ان استخدام الشامبو مباشره على الشعر غلط هل ينفع اجيب ازازه الشامبو اخد نصها واحط عليها الربع ميه والربع التانى عسل نحل واحطهم فى ازازه زجاج عشان تبقى جاهزه عند الاستخدام

2-انا بعمل لشعرى ماسك القرفه والكحول وماسك البيض وزيت جوز الهند والزيتون فى الاسبوع استمر اد ايه عليهم واغيرهم

3-ايه هى الاعشاب اللى ممكن اضفها على الشامبو عند غسل الشعر حتى لو انا عامله ماسك

صديقتي.. ممكن تخلطي عادي نص زجاجة الشامبو مع ميه وعسل نحل.

بالنسبة لماسك القرفة وماسك البيض ممكن تستمري عليهم من 2-3 شهور.

بالنسبة للشامبو ممكن تحطي عليه أي أعشاب زي المريمية أو اللافندر.

انا سنى 32 وبشرتى مركبه عايزه اسم غسول او صابونه للوجه للا ستخدام اليومى وليس روتين يعنى هستخمها فى اليوم 3 مرات وكل يوم

2-انا بعمل ماسك الارز والدقيق واللوز مرتين فى الاسبوع استمر شهر عليه واغيره بماسك تانى ولا اعمل ايه وهل استخدام لوسيون الطماطم والبرتقال والعسل اعمله يوميا لفتره محدوده ولا استخدمه على طول بصرف النظر عن الماسك اللى انا بعمله

صديقتي.. ممكن تستخدمي غسول جونسون، أو غارنيه، أو بايوديرما.

بالنسبة لماسك الأرز والدقيق ممكن تستخدميه من 2-3 شهور، وبعد كده ممكن تبدأي تستخدمي ماسكات مرطبة لبشرتك.

وبالنسبة للوسيون البرتقال والطماطم ممكن توضحيه أكتر وتبعتلنا العدد.

مساء الخير استاذة رانيا انا كنت بعت لحضرتك من فترة ايميل عشان الاسمرار و نصحتينى باستخدام ليكوسيد و تروسيد و بعدها بانثينول و انا عملت كدة بس ما فيش نتيجة ممكن تساعدينى اسمرار بين الفخدين و ركب و كوع 0

معلش طلب تانى انا عرفت ان حضرتك كونتى فى مدرسة لتعليم الاتيكيت ممكن تفيدينى فى الموضوع يعنى عنوان مدرسة او كتب اشتريها تعلم اتيكيت المشى و الاكل و التعامل مع الناس كل حاجة 0

شكرا لحضرتك و تمنياتى لكى بالنجاح

صديقتي العزيزة ده لينك فيه ماسكات لتفتيح المناطق اللي أنتي عاوزاها http://www.boswtol.com/health-and-beauty/beauty-and-styling/09/november/...

وتابعينا إن شاء الله هتنزل حلقات عن الاتيكيت

انا عاوزة اسأل سؤال وتجاوبوا عليه بصراحة مش اجابة دبلوماسية زى ان شاء الله وقريبا وانتظرونا

السؤال هو فين رانيا وليه معدش فى حلقة كل يوم اثنين ؟؟؟ هل هى مشغولة ولا معدتش هتيجى ولا ايه؟

صديقتي العزيزة هي رانيا كانت مشغولة بتحضير حلقات جديدة فيها مواضيع كتير ومفاجأت وهتنزل إن شاء الله قريب، وهي موجوده مش مشيت ولا حاجة

ازيك يارونى انا شوفت رد ليكى قديم شوية عن اللوشن السحرى وهو كولونيا 555 ليمون وزيت ورد وندهن الجسم بالليل هو لازم الصبح نغسلة هيبقى فى ضرر لو سبناه وهو نستخدمه على طول وميرسى ليكى على كل حاجة حلوة ووحشتنا طلتك الجميلة

صديقتي العزيزة الأحسن إنك تشطفي جسمك الصبح، وممكن تواظبي عليه لمدة 3 شهور علشان تلاحظي النتيجة وميرسي بجد على ذوقك وكلامك الجميل وإن شاء الله تلاقوا مفاجآت كتيرة جدا الفترة اللي جاية.

سلام شعربنتي مموج كثير ويتكسر كانه محروق من الاطراف الشعره اريد حل جزاك الله خير ام اني شعري خفيف ومتقصف وميت كانه كاني ماعندي شعر استحي نم افك شعري ارجوج اريد حل لكى عند الله اجرآ كبير شكرآ

صديقتي العزيزة انتي كده شعرك ينقصه تغذيه، استخدمي ماسكات التغذية اللي موجودة في اللينك ده وأن شاء الله هتجيب نتيجة هايلة http://boswtol.com/health-and-beauty/beauty-and-styling/12/december/3/73149

مساء الخير على بص وطل

بليييز انا خطوبتى قربت وهللبس فستان ازرق ان شاء الله بس خايفه جدا من الطرحه لانى مش بحب الاسبانش وخايفه فى السنتر اللى هكون فيه ان شاء الله ان يطلع شكلى مش حلو فى الطرح دى فعايزه لفه طرحه معينه انا وشى مدور وهحط اللون السيلفر والازرق فى الطرحه ممكن احط الوان تانيه جديده ولا دول احسن لونين مع بعض خصوصا ان فستانى مش فيه اى استرس سيلفر بليز فيدونى هطمن برايكوا اكتر

صديقتي العزيزة اللونين دول كويسين وحاولي تخلي لفة الطرحة رقيقة علشان ميك اب وشك يبان وتكوني واثقه مليون في الميه من السنتر اللي إنتى رايحاه، والوش المدور بيليق عليه أي لفة طرحة ، وممكن تستفيدي من اللينك ده فيه نصائح عن لفات الطرح http://www.boswtol.com/health-and-beauty/beauty-and-styling/09/december/...

صديقتي العزيزة لبن بالثلج يعني تجيبي لبن وتحطي فيه ثلج ويبقى اللبن ساقع جدا وبعد كده تحطي اللبن على وشك .

السلام عليكم ورحمة الله وبركاته

ازيك يارونى انا اول مرة ابعتلك بس مامتى متبعاكى على طول وبتحب كل حاجة بتقوليها وهى اللى خلتنى اتابعك

انا كان عندى سؤال انا عمرى مااشتريت اى زيوت (لوز او زيتون او ورد و....)

كنت عاوزة اعرف لما اروح عند العطار بطلب بكمية قد ايه وشكرا

صديقتي العزيزة أهلا بيكي ، أنتي ممكن تلاقي عند العطار زجاجات جاهزه وممكن تطلبي أي كمية أنتي عاوزاها سواء بالسعر أو بالجرام ، بس لازم تخزنيه في إزازه زجاج .

انتي بتقولي الجرجير وزيت الزيتون على جذور الشعر ولا بستخدموا على الشعر كله لو حطيت الجرجير سواء على الجذور او الشعر لمده15 يوم راح اغسل شعري 2او3مرات في الاسبوع ازاي اروح الدوام الصباح وفي شعري جرجيرحيكون في ريحه

والجرجير للجذور فقط ولا الشعر كله

ممكن تجاوبيني ارجوكي ضروري لاني بجد تعبت من شعري ومش عارفه اعمل اي

صديقتي العزيزة ماسك الجرجير بيتحط على جذور الشعر بس وبكمية مش كبيره يعني مش هيسبب أي رائحة ، وممكن تستخدمي أي ماسك تاني بيتغسل لو موضوع غسيل الشعر مضايقك بس يكون مناسب لحالة شعرك.

لو سمحتي عاوزه طريقة الحنه البيضاء ضروري محتجاها ااوي

وعاوزه خلطة لشعري تنعمه وتغذيه ويكون صحي اووي اووي وعاوزه اغير لونه بني ي ليت تعطيني طريقه

صديقتي العزيزه ده لينك موجود فيه ماسك الحنة البيضاء وماسك لتغذية وتنعيم الشعر http://www.boswtol.com/health-and-beauty/beauty-and-styling

وده لينك عتلاقي فيه الحنة البني http://boswtol.com/health-and-beauty/beauty-and-styling/12/october/26/69831

ممكن تقوللى على حاجه لتساقط الشعر المفرود وكمان القشره ارجوكى افدينى وشكرا يا قمر

صديقتي العزيزه أحب انصحك أن الفرد ده طريقه غلط جدا جدا وهو السبب فى مشاكل شعرك أحسن حاجه لفرد الشعر الكرياتين وده لينك فيه وصفات لتغذيه الشعر وتساقطه ومنع القشره http://boswtol.com/health-and-beauty/beauty-and-styling/12/december/3/73149

السلام عليكم مرسى يا قمر ليكى اوى

بس ممكن تقولى على وصفه تمنع تساقط الشعر بسبب القشره والمفرود ب التلميس ارجوكى ردى على يا قمر