"اللى بنى مصر كان فى الأصل حقـــانى".. قصيدة لـ"أشرف الشافعى"

اللي بني مصر كان في الاصل حقـــاني

لا عمره كان سلفي ولا حتي اخــــواني

ولا جـــــدره ليبرالي ولا اصله علماني

صاين حقوق الناس عارف حــدود ربه

وولاده من بعـــده علي منهجـــه اتربوا

كان حتي طوب الارض يشهد له ويحبه

لا لجاه ولا سلطان كان عمره شهـواني

اللي بني مصر كان ف الاصل واد عِتره

عمــــره مـــامد ايديــــه لعبايه ولاغُتره

وكرامته كــات زاده وعِـزُه كـان سُتره

عمّــر بلاد الله وخــلق كيـــان ووجـــود

علّــم ولاد العـــرب معني الكــرم والجود

وان قـل يوم مـاله خيره تلاقيــه موجـود

اصل الحضـاره ضميرمش ثروه بالكُتره

اللي بني مصر كان ف الاصل واد مجـدع

يفهم ف معني الشرف لا يخون ولا يخدع

فنان يمــوت ف الغنـا وف الصـلا يخشع

بايديه رســــــــم سكته وخــــط دستـوره

شال البلد ف عينيه .. خلـدها ف سطوره

لا اتغـــر ولا كوش ولا علاّ يـوم ســوره

خده لناسه مداس وحضنه كـــان مخـدع

اللي بني مصر كان عالـــــم وكان منشد

ف الحق زي السيف وعشانه كان يحشد

طيب مع المظلــوم ومع اللي ظلمه يشــد

فـــلاح يحـب الغيـط وف ورشته اسـطي