دعوات لـ"ثورة العاشرة مساءً" على تويتر

امتلا موقع التواصل الاجتماعي "تويتر" بتغريدات جدليه بين معارضي ومؤيدي قرار غلق المحلات في العاشرة مساءً، وكانت "مصر مش هتنام من المغرب يا مرسي"،" ثوره العاشره مساءً" هي ابرز عناوين هاشتاجات استخدمها نشطاء تويتر لابداء ارائهم.

عبّر الرافضون للقرار عن غضبهم من تحول القاهره الساهره الي النائمه، تقول احدي التغريدات:" من اهم مميزات القاهره انها «لا تنام»، هذه المدينة ساهره دائمًا، وهذا من اقوي نقاط تميزها السياحي، وستهزم اي سلطه «تعكنن» عليها".

وعبّر عدد من المشاهير والنشطاء عن رفضهم للقرار، فيما ربط عدد غير قليل بين القرار ووصايا حسن البنا، تقول تغريده للاعلامي احمد العسيلي: "عدم مراعاه الظروف والتوقيت وعدم اتخاذ اجراءات اخري من كتير ممكن يتعمل لتوفير الطاقه اشارات سيئه جدا اما عن جهل وتخلف او اخونه".

ووصف الناشط الحقوقي جمال عيد القرار بانه اظلام اقتصادي للقاهره قبل الاظلام الديني، قال: "قرار الاغلاق المبكر: حين تظلم القاهره اقتصادياً، في خطوه تسبق الظلام الديني، وتابع:"  قبل ان تغلق مبكرا: اعطني اعانه بطاله كعامل بمقهي او محل، اعطني مالا لاسهر بمكان سياحي لارفه عن نفسي كفقير، اعطني وعد انها لن تكون مدينة أشباح، قولوا بوضوح انكم تطبقون القاعده 16 من تعليمات حسن البنا باغلاق المحلات والمقاهي مبكرا، مش ضروره اقتصاديه!".

ودعت جميله اسماعيل للتصدي للقرار عبر حسابها علي تويتر، عبر عده تغريدات قالت فيها: "مصر ليست فرنسا، ولا بريطانيا.. قبل ان تصدر قرارا يمس ارزاق ملايين البشر وامن وامان ملايين اخرين ابذل جهدا في قراءه مئات الدراسات حبيسه الادراج"، وتابعت: "قبل ماتدافع عن قرار"ظاهره" حضاري، لازم تفكر في"باطنه" حيضر كم مليون حواليك، حيتعثر في دفع ايجاره واقساطه ومصاريف اطفاله.. وكم مليون حينحرف بسببه، قبل اتخاذ قرارك بقطع ارزاق الملايين وفتح ابواب اضافيه للرشاوي، قبل اخلاء الشوارع مبكرا للتحرش والجريمه، قبل اهدار امان المجتمع المحيط: توقف وفكر، قبل ماندافع ونقول كويس علشان الناس تروح شغلها من بدري..لازم نعرف ان اللي عنده شغل اومصلحه بيروح ينام والللي بيسهر للصبح ده غلبان لاعنده عمل ولا امل، قبل ان تتحول شوارع القاهره ليلا الي مدينه الاشباح والجريمه.. قبل قطع ارزاق الملايين.. قبل صناعه مجرمين من عاطلين محتملين.. شاركونا التصدي للقرار".

وغرّد الصحفي والناشط ابراهيم الجارحي، عن رايه في القرار بالرفض، كاشفا عن علاقه القرار بوصايا حسن البنا، يقول :"سيذكر التاريخ ان في عهد الاخوان المسلمين صدر قانون يغلق محلات اكل العيش الساعه عشره ويسيب الكباريهات شغاله لحد الصبح"، وتابع: "من مطالب حسن البنا: تحديد مواعيد افتتاح واغلاق المقاهي ومراقبه ما يشتغل به رواده وارشادهم الي ما ينفعهم وعدم السماح لها بهذا الوقت الطويل" وتابع:" اصحاب المحلات واصحاب المقاهي والعاملون فيها كتله تصويتيه هائله، اللي اقترح الاقتراح ده بيغتال مرسي سياسيا عمدا مع سبق الاصرار والترصد"، و"اللي عايز يوفر الطاقه ما يروحش يقفل المحلات والمقاهي، يروح يراجع التعاقدات اللي مخليه نسبه العجز في الغاز الطبيعي 15% في دوله منتجه!!" .

وتهكم البعض من القرار، متوقعا زياده عدد السكان، تقول احدي التغريدات:" بعد قرار غلق المحلات والمقاهي مبكرا اتوقع ان تتحسن العلاقات الاسريه بين المصريين والسنه الجايه يبقي تعدادنا 150 مليون ان شاء الله".

الناشطه غاده الشهبندر عبرت عن رفضها للقرار بتغريده قالت فيها:" هو مش فاهم انه القاهره شغاله ثلاث نوباطشيات .. مش متخيل الازمه اللي حيخلقها لما يقفل الساعه ١٠"، وغرّد الناشط انس حسن، قائلا:" قرار المحلات والساعه 10 ده، عامل زي واحد بيتكلم عن فضل الجلوس في المسجد والبلد بتولع، مش وقت قوانين من النوع ده خالص".

ساميه جاهين هي الاخري عبّرت عن رفضها القاطع للقرار، فغردت مقترحه سلسله من الوسائل البديله لاغلاق المحلات بهدف توفير الكهرباء، قالت:" طيب يعلي سعر الكهرباء والطاقه ع المصانع؟ يطفوا انوار الشوارع بالنهار؟ يحدوا من اعلانات النيون اللي في كل حته؟ لا! نكد ع الناس ونيمهم الساعه10"، " البلاد المنتجه ظروفها مختلفه.. عندها انتاج اولا وعندها شرطه بتحميها ثانيا وعندها ناس بتشتغل شغلانه واحده مش اتنين وثلاثه لاخر الليل".

عمار البلتاجي نجل الدكتور محمد البلتاجي القيادي بجماعه الاخوان المسلمين عبّر عن رفضه هو الاخر للقرار:" قرار غلق المحلات في العاشره مساءً عجيب! سلسله قرارات غريبه رغم وجود بدائل افضل لتقليل استهلاك الكهرباء، القرار له مضمون ثقافي واجتماعي مهم".

الناشط مالك عدلي، اقترح بدائل لتوفير الكهرباء والطاقه عبر عده تغريدات قال فيها:" عايز توفر كهرباء الغي الكهرباء بتاعه الافراح اللي ف الشوارع واعمل حمله توعيه محترمه بدل قطع عيش الناس"، "عايز توفر كهرباء اعمل محطات جديده او ارفع دعم الكهرباء والغاز عن مصانع الحديد والسيراميك بتاعه المليارديرات مش تقطع عيش الناس"، "قرار غلق المحلات ايضا هيتسبب في ارتفاع نسب البطاله لانه هيتسبب في تسريح العماله او تخفيض اجورها اللي هيا اصلا مش اجور"، "قرار غلق المحلات دا بالشرطه اللي عندنا دي مش هيساهم غير في زياده حاجتين: الاغتصاب والسرقه بالاكراه".

الناشط عمرو عزت، ابدي دهشته من غلق المقاهي مبكرا مقارنا بين ما كان يفعله حسن البنا، وما يمارسه الاخوان اليوم، قال:" دعوه الاخوان المسلمين بداها حسن البنا علي القهاوي، محمد مرسى هايقفلها مع القهاوي برضه".

وغرد الناشط والاكاديمي تقادم الخطيب عن رفضه وتوقعاته للقرار، قال:" ماحدش حيقدر يقفل المحلات الساعه ١٠ لان في الحاله دي حتكون المواجهات داميه وستظهر الحكومه عاجزه مره اخري كعادتها وسيترتب علي ذلك امور اخري"، وتابع: "اللي اخذ قرار غلق المحلات الساعه ١٠فعلا رجل مسكين متواضع الامكانيات ولا يصلح لحكم عزبه مش دوله".

وانسابت التغريدات من كل صوب وحدب تجاه القرار بالرفض والتاييد ايضا، تقول احدي التغريدات: "لو الحكايه توفير ساعتين كهربا يطبقوا استراحه غدا للمحلات التجاريه من 4 ل 6 مساءً احنا بلد حر ودا ميعاد غير ادمي في الصيف، شعب حضاري يا مزنوقين في الشكل الحضاري المحلات تفتح من 9 صباحًا لـ 4 ظهرًا ورديه، والورديه التانيه من 6 مساءً لـ 1 بعد منتصف الليل".

وتقترح احدي التغريدات اقتراحا ساخره: "فيه حل تاني بدل ما نقفل, الحكومه تعمل الكهرباء شرايح بالتوقيت, اللي عاوز يسهر بعد 12 يدفع كهربا بسعر اعلي مادام بيكسب"، وغرد احدهم ساردا روايه عن صديقه قال فيها:" واحد صاحبي ابوه عنده تلات محلات بيقولي ماحنا ممكن نرخم عليهم واحنا فاتحين الصبح نولع الانوار كلها ولما نقفل نسيب كل حاجه ولعه جوه"، وعبرت احدي التغريدات عن عناد الشعب المصري المتوقع تجاع القرار بالقول:" يعني عايزين يطبقوا قانون اغلاق المحلات في العاشره علي شعب كان بينزل يتفرج علي حظر التجوال لا تعلق الا بسبحان الله"، وقالت اخري:" اغلاق المحلات في العاشره سيلزم اصحاب المحلات علي اضاءه الانوار عند الاغلاق والجلوس امام المحلات لعدم سرقتها"، وتساءلت احدي التغريدات عن وضع الكباريهات، قالت: بما ان الحكومه قررت اغلاق المحلات من الساعه العاشره موافق ولكن اطالب باغلاق جميع الكباريهات في نفس التوقيت وممنوع عنهم استخراج رخصه سياحيه".

وتحت هاشتاج بعنوان "للصبر حدود" غرّد الناشط كمال خليل قائلا:" اغلاق المحلات التجاريه في العاشره مساء قرار احمق والناس مش ناقصه، ايه الحكمه في العند في ارزاق الناس؟ وليه الحياه تصعب اكتر ما هي صعبه؟ عن اغلاق المحلات الساعه العاشره اتحدث "للصبر_حدود".

ووصف البعض الوضع بانه يشبه العنتريات الرئيس المخلوع:" قرار نهائي وغير جيد: اغلاق المحلات التجاريه في العاشره مساء من الاحد القادم.. نفس عنتريه السابقين"، واشارت تغريده الي ما يحمله القرار من مزيد من البؤس والخراب للفقراء:" مساءً خراب لبيوت العمال الذين يعملون لمواجهه احتياجات الحياه وطحن للفقراء".

وتوقعت عده تغريدات وقوع ثوره جديده في مصر بسبب قرار اغلاق المحلات في العاشره:" عن ثوره جديده هتحصل بسبب اغلاق المحلات في العاشره".